|
ພາບວິວທິວທັດອັນສວຍງາມຂອງໜອງສີ່ຫູໃນເດືອນມີນາ
cri
Author: da
|
ດຽວນີ້ ຈີນພວມຢູ່ໃນລະດູໃບໄມ້ປົ່ງ,ໃບໄມ້ຄ່ອຍໆປ່ຽນເປັນສີຂຽວ,ຕົ້ນຫຍ້າກໍເລີ່ມຈະເລີນງອກເງີຍຢ່າງລັບໆ,ຄົນຈີນມັກໄປທ່ຽວຫຼິ້ນໃນລະດູນີ້.ໃນລາຍການມື້ນີ້,ພວກເຮົາຈະພາທ່ານໄປທ່ຽວໜອງສີ່ຫູ,ຫວັງວ່າ ແຫຼ່ງທ່ອງທ່ຽວທີ່ເກົ່າແກ່ນີ້ຈະນຳເອົາຄວາມຮູ້ສຶກໃໝ່ໃຫ້ແກ່ເພື່ອນມິດຜູ້ຟັງທັງຫຼາຍ.
ໜອງສີ່ຫູຕັ້ງຢູ່ໃນເມືອງຮາງໂຈ່ວແຂວງເຈີ້ຈ່ຽງພາກຕາເວັນອອກຂອງຈີນ,ແມ່ນເຂດໜອງທິວທັດທີ່ມີຊື່ສຽງ,ທົ່ວເຂດກວມເນື້ອທີ່ເກືອບ 50 ກິໂລແມັດມົນທົນ,ໃນນັ້ນ ເຂດນ້ຳກວມເນື້ອທີ່ 5,6 ກິໂລແມັດມົນທົນ.ໃນເດືອນມີນາລະດູບານໃໝ່,ເມື່ອຍ່າງເລາະຕາມແຄມໜອງສີ່ຫູ,ເຫັນກິ່ງໄຄ້ສ້ອຍຂຽວອຸ່ມທຸ່ມຢ່າງຕຳຕາ,ດອກກ້ວຍໄມ້ ດອກຊະກຸລະແລະດອກຄາຍທີ່ບານເຮືອງເຮືອ.ລົມພັດຜ່ານໜ້າໜອງ,ພັດຜ່ານໃບໜ້າ,ເຮັດໃຫ້ຄົນຮູ້ສຶກສົດຊື່ແລະເພີດເພີນໃຈ.
ຊື່ຂອງຈຸດທິວທັດຫຼາຍແຫ່ງຂອງໜອງສີ່ຫູລ້ວນແຕ່ກ່ຽວພັນກັບລະດູບານໃໝ່.ທ່ານກ່າວຊວນມາທ່ຽວໜອງສີ່ຫູສາມເທື່ອແລ້ວ,ທ່ານເວົ້າວ່າ:
 "ຂ້າພະເຈົ້າທ່ຽວໜອງສີ່ຫູແຕ່ລະເທື່ອ ລ້ວນແຕ່ມາທ່ຽວໃນເດືອນມີນາ,ເພາະວ່າຂ້າພະເຈົ້າຮູ້ສຶກວ່າ ໃນຍາມນີ້ ທິວທັດງາມຫຼາຍ.ບໍ່ພຽງແຕ່ຈະໄດ້ເຫັນຕົ້ນໄມ້ຕົ້ນຫຍ້າຂຽວອຸ່ມທຸ່ມທໍ່ນັ້ນ,ອາກາດກໍສົດໄສເປັນພິເສດ,ເຮັດໃຫ້ຄົນຮູ້ສຶກຊື່ນອົກຊື່ໃຈ,ຂ້າພະເຈົ້າມັກຄັນຄູສູ່ຕີ່ທີ່ສຸດ,ຢູ່ເທິງຄັນຄູໄດ້ປູກຕົ້ນໄຄ້ສ້ອຍ,ຂົວ6ແຫ່ງຢູ່ໃນນັ້ນ ບາງທີເບິ່ງເຫັນ ບາງທີເບິ່ງບໍ່ເຫັນ ງາມຫຼາຍ."
1 2 3
|
|
