|
|
 |
| (GMT+08:00)
2006-03-23 14:50:23
|
 |
|
ພາບວິວທິວທັດອັນສວຍງາມຂອງໜອງສີ່ຫູໃນເດືອນມີນາ
cri
Author: da
ໜອງສີ່ຫູທີ່ສວຍສົດງົດງາມ ບໍ່ພຽງແຕ່ໄດ້ດູດດຶງແຂກທ່ອງທ່ຽວຂອງແຫ່ງຕ່າງໆຂອງຈີນທໍ່ນັ້ນ,ເພື່ອນມິດຕ່າງປະເທດຈຳນວນຫວງຫຼາຍກໍພາກັນມາທ່ຽວຄືກັນ.ທ່ານຈອນ ລີ ທີ່ມາຈາກອາເມລິກາໄດ້ດຳລົງຊີວິດຢູ່ຮາງໂຈ່ວ 4 ປີປາຍແລ້ວ,ໃນເວລາຕ້ອນຮັບການສຳພາດຂອງນັກຂ່າວ,ເພິ່ນເວົ້າວ່າ,ເພິ່ນມັກໜອງສີ່ຫູໃນລະດູບານໃໝ່ທີ່ສຸດ.ເພິ່ນເວົ້າວ່າ:
"ລະດູບານໃໝ່ແມ່ນລະດູທີ່ທຸກສິ່ງທຸກຢ່າງຟື້ນຕົວຂຶ້ນ,ເດືອນມີນາແມ່ນຍາມທີ່ໜອງສີ່ຫູງາມທີ່ສຸດ,ມີດອກຄາຍສີແດງ,ຕົ້ນໄຄ້ສ້ອຍສີຂຽວ,ຍັງເໝາະສຳລັບຫຼິ້ນວ່າວ.ແຫ່ງນີ້ແມ່ນບ່ອນທີ່ເປັນໜ້າທ່ຽວຫຼິ້ນ,ມີອາກາດສົດໄສ,ມີບູຮານສະຖານທີ່ຂຶ້ນຊື່ລືນາມຢ່າງຫຼວງຫຼາຍ,ເໝາະສຳລັບຜູ້ໃຫຍ່ແລະເດັກນ້ອຍມາທ່ຽວມາຫຼິ້ນ."
ເຂດທິວທັດໜອງສີ່ຫູໃນປະຈຸບັນຍິ່ງໄດ້ສະທ້ອນພາລະບົດບາດການບໍລິການໃນເຂດຕ່າງກັນຂອງເຂດທິວທັດ,ເຊັ່ນ:ຖ້າແຂກທ່ອງທ່ຽວຢາກກິນກາເຟກໍໄປຖະໜົນນານຊ່ານ,ຢາກຊື້ເຄື່ອງຂອງກໍໄປຖະໜົນຄົນຍ່າງຢູ່ແຄມໜອງ,ຢາກຊົມທິວທັດກໍໄປເຂດກາງໜອງສີ່ຫູ,ຢາກເບິ່ງບູຮານສະຖານກໍໄປຖະໜົນເປີຍຊ່ານ.ເພື່ອອຳນວຍຄວາມສະດວກໃຫ້ແຂກທ່ອງທ່ຽວທ່ຽວໜອງສີ່ຫູ,ປະຈຸບັນ ສວນສາທາລະນະອ້ອມໜອງສີ່ຫູໄດ້ເປີດໃຫ້ຄົນທ່ຽວຟີຕະຫຼອດ 24 ຊົ່ວໂມງ.ທ່ານວັງໂກພິງ ເລຂາຄະນະພັກເມືອງຮາງໂຈ່ວເວົ້າວ່າ:
"ພວກຂ້າພະເຈົ້າເຫັນຕະຫຼອດມາວ່າ ໜອງສີ່ຫູບໍ່ພຽງແຕ່ແມ່ນໜອງສີ່ຫູຂອງຄົນຮາງໂຈ່ວແລະຂອງຄົນແຂວງເຈີ້ຈ່ຽງທໍ່ນັ້ນ,ກໍ່ແມ່ນໜອງສີ່ຫູຂອງປະຊາຊົນທົ່ວປະເທດຈີນແລະຂອງປະຊາຊົນທົ່ວໂລກ.ປະຈຸບັນ,ສວນສາທາລະນະຂະໜາດໃຫຍ່ 7 ແຫ່ງຢູ່ອ້ອມແອ້ມໜອງສີ່ຫູໄດ້ເປີດໃຫ້ຄົນເຂົ້າທ່ຽວຟີແລ້ວ,ຂ້າພະເຈົ້າເຊື່ອວ່າ ໃນຍາມແສງແດດອົບອຸ່ນ,ດອກຄາຍສີແດງ ຕົ້ນໄມ້ຂຽວອຸ່ມທຸ່ມໃນລະດູໃບໄມ້ປົ່ງ,ໜອງສີ່ຫູໃໝ່ ເມືອງຮາງໂຈ່ວໃໝ່ ຍ່ອມຈະສ້າງຄວາມຕື່ນຕາຕື່ນໃຈໃຫ້ແກ່ຄົນທັງຫຼາຍ."
ທ່ານຜູ້ຟັງທີ່ໂຄລົບ,ມີຄົນສົມໝຸດໜອງສີ່ຫູເມືອງຮາງໂຈ່ວແລະໜອງເຊີແນວຂອງສະວິສເປັນໄຂ່ມຸກສອງໜ່ວຍທີ່ງາມສະຫງ່າຢູ່ທິດຕາເວັນອອກແລະທິດຕາເວັນຕົກຂອງໂລກ.ຍ້ອນມີໜອງສີ່ຫູ,ທ່ານມາກໂຄ ໂປໂລຂອງອີຕາລີໄດ້ສົມໝຸດເມືອງຮາງໂຈ່ວເປັນ"ເມືອງສະຫວັນທີ່ສວຍງາມກວ່າໝູ່ໃນໂລກ"ໃນບົດບັນທຶກການທ່ອງທ່ຽວຂອງຕົນ.ສະນັ້ນ,ຖ້າວ່າມີໂອກາດ,ທ່ານຕ້ອງມາທ່ຽວໜອງສີ່ຫູເມືອງຮາງໂຈ່ວໃນລະດູບານໃໝ່ເດີ້.ຢູ່ແຫ່ງນີ້,ບໍ່ວ່າຂີ່ເຮືອ ຂີ່ລົດໄຟຊົມທິວທັດອ້ອມໜອງ ຂີ່ລົດຖີບຫຼືຍ່າງຫຼິ້ນ,ທ່ານກໍລ້ວນແຕ່ຈະໄດ້ທ່ຽວຢ່າງດີໃຈ,ແລະເມືອບ້ານຢ່າງພໍໃຈ.
1 2 3
|
|
|
