|
|
 |
| (GMT+08:00)
2006-03-23 14:50:23
|
 |
|
ພາບວິວທິວທັດອັນສວຍງາມຂອງໜອງສີ່ຫູໃນເດືອນມີນາ
cri
Author: da
 "ຄັນຄູສູ່ຕີ່ທີ່ທ່ານກ່າວຊວນຍ້ອງຍໍນັ້ນແມ່ນຈຸດທິວທັດທີ່ມີຊື່ສຽງບ່ອນໜຶ່ງຂອງໜອງສີ່ຫູ,ສ້າງຂຶ້ນໃນລາຊະວົງຊົ້ງເມື່ອສະຕະວັດທີ 11.ຄັນຄູສູ່ຕີ່ ເລີ່ມຈາກພູນານພິງທີ່ຢູ່ທິດໃຕ້,ໄປຮອດພູສີ່ເຊຍຫຼິງທີ່ຢູ່ທິດເໜືອ,ຍາວທັງໝົດເກືອບ 3 ກິໂລແມັດມົນທົນ,ແມ່ນຄັນຄູທີ່ສ້າງຂຶ້ນດ້ວຍດິນໃນເວລາລວງໜອງ.ຄວາມສວຍງາມຂອງຄັນຄູສູ່ຕີ່ ບໍ່ພຽງແຕ່ຍ້ອນວ່າມັນໄດ້ຜ່ານໜອງສີ່ຫູທໍ່ນັ້ນ,ຫາກຍັງຍ້ອນວ່າ ຢູ່ເທິງຄັນຄູໄດ້ປູກຕົ້ນກາລະບູນຫອມແລະພືດຊະນິດຕ່າງໆທີ່ສວຍງາມ,ແມ່ນຄັນຄູທີ່ຂຽວອຸ່ມທຸ່ມຕະຫຼອດປີ.ໃນລະດູບານໃໝ່,ດອກຄາຍບານເຮືອງເຮືອ,ຕົ້ນໄມ້ກໍປົ່ງໃບໃໝ່,ເຕັມໄປດ້ວຍພະລັງຊີວິດ.ນັກແຕ້ມທັງຫຼາຍໃນສະໄໝບູຮານຂອງຈີນຖື"ຄັນຄູສູ່ຕີ່ໃນລະດູບານໃໝ່"ເປັນທິວທັດງາມອັນດັບໜຶ່ງໃນທັດສະນີຍະສະຖານ10ແຫ່ງຂອງໜອງສີ່ຫູ."
ຢູ່ເທິງຄັນຄູສູ່ຕີ່ມີຂົວກົ່ງ6ແຫ່ງ,ແຕ່ລະແຫ່ງລ້ວນແຕ່ມີຊື່ມ່ວນໆ.ເມື່ອຍ່າງຢູ່ເທິງຄັນຄູແລະຂົວ,ພາບວິວທິວທັດພູຜານ້ຳໜອງກໍແມນອອກເໝືອນຮູບພາບ.ນະທີ່ນີ້ຕົ້ນຕໍຈະແນະນຳສອງແຫ່ງ,ແຫ່ງໜຶ່ງແມ່ນຂົວຕຸ່ງຜູ,ເປັນບ່ອນທີ່ດີທີ່ສຸດສຳລັບຊົມພະອາທິດຂຶ້ນ.ອີກບ່ອນໜຶ່ງແມ່ນຂົວສາຍຮຸ່ງ,ເໝາະແກ່ການຊົມເບິ່ງສາຍຮຸ່ງຫຼັງຝົນເອື້ອນ.
ທ່ຽວໜອງສີ່ຫູໃນເດືອນມີນາ,ຍັງມີບ່ອນຊົມນົກບ່ອນໜຶ່ງແມ່ນຕ້ອງໄປທ່ຽວ,ນັ້ນກໍແມ່ນ"ຫຼີວລ້າງເວີນອີ່ງ"ທີ່ຢູ່ຝັ່ງຕາເວັນອອກສຽງໃຕ້ໜອງສີ່ຫູ.ໃນເມື່ອກ່ອນ ແຫ່ງນີ້ແມ່ນສວນອຸທິຍານຫຼວງ,ຕົ້ນໄຄ້ສ້ອຍທີ່ຂຽວອຸ່ມທຸ່ມ ນົກເຂົ້າໜີ້ນຮ້ອງແຈ້ວໆ,ແມ່ນລັກສະນະພິເສດຂອງທິວທັດແຫ່ງນີ້.ແຫ່ງນີ້ໄດ້ປູກຕົ້ນໄຄ້ສ້ອຍຊະນິດຕ່າງໆທີ່ມີລັກສະນະພິເສດ,ມີຕຸ້ມນົກໃຫຍ່ແຫ່ງໜຶ່ງຊື່ວ່າ"ປາຍໜຽວທ່ຽນຖາງ"ແປວ່າ"ແດນສະຫວັນນົກນາໆຊະນິດ",ຢູ່ໃນໄດ້ລ້ຽງນົກເຂົ້າໜີ້ນ ນົກຄີ້ວງາມເປັນຮ້ອຍໂຕ,ແຂ່ງກັນຮ້ອງແຈ້ວໆຢູ່ໃນຕຸ້ມຢູ່ບໍ່ເຊົາ,ອອນຊອນຫຼາຍ.ໃນເວລາທ່ຽວຢູ່ແຫ່ງນີ້,ກໍເໝືອນກັບຢູ່ໃນທຳມະຊາດ,ເບົາອົກເບົາໃຈທີ່ສຸດ.
 ໃນຖານເປັນທັດສະນີຍະສະຖານທີ່ມີຊື່ສຽງຂອງຈີນ,ບຸກຄົນຜູ້ມີຊື່ສຽງຂອງຈີນແລະຕ່າງປະເທດຫຼາຍໆຄົນລ້ວນແຕ່ມັກໜອງສີ່ຫູທີ່ສຸດ.ທ່ານເໝົາເຈີຕຸ່ງ ຜູ້ນຳຈີນທີ່ລ່ວງລັບໄປແລ້ວກໍເຄີຍໄປຮາງໂຈ່ວ 40 ເທື່ອ,ມີເທື່ອໜຶ່ງໄດ້ຢູ່ຕັ້ງ 7 ເດືອນ.ທ່ານນິກເຊິນ ອະດີດປະທານາທິບໍດີອາເມລິກາກໍເຄີຍມາທ່ຽວໜອງສີ່ຫູຢູ່ຮາງໂຈ່ວສອງເທື່ອ.ເພິ່ນຍ້ອງຍໍວ່າ,ປັກກິ່ງແມ່ນນະຄອນຫຼວງຂອງຈີນ,ສ່ວນຮາງໂຈ່ວແມ່ນ"ຫົວໃຈ"ຂອງປະເທດຈີນ.
1 2 3
|
|
|
