|
|
 |
| (GMT+08:00)
2006-03-24 20:30:41
|
 |
|
ທ່ານອາປູລາຍຖີ.ມາຍຈຸ່ນ-ເຈົ້າຊາຍກາງຫາວ
cri
Author: mo
|
"ດາວາຈື"ແມ່ນກາຍຍະສິນເກົ່າແກ່ບູຮານຊະນິດໜຶ່ງຂອງເຂດຊິນຈ່ຽງເຜົ່າເວີຍວູເອີປົກຄອງຕົນເອງຂອງຈີນ, ພວກເຮົາມັກເອີ້ນເປັນ"ການໄຕ່ເຊືອກກາງຫາວ". "ດາວາຈື"ຍ້ອນຄວາມຕື່ນເຕັ້ນຫວາດສຽວແລະຍາກຫຼາຍຈຶ່ງຖືກຊາວເຜົ່າເວີຍວູເອີເອີ້ນເປັນ"ເກມຂອງຜູ້ກ້າຫານ"ຕະຫຼອດມາ. ທ່ານອາປູລາຍຖີ.ມາຍຈຸ່ນແມ່ນຜູ້ເກັ່ງກວ່າໝູ່ໃນຜູ້ຫຼີ້ນ"ດາວາຈື"ຢູ່ແຫ່ງນັ້ນ, ທ່ານເຄີຍຟ້ອນລຳທຳເພງແລະດຳລົງຊີວິດຢູ່ເທິງເສັ້ນເຫຼັກກ້າທີ່ສູງຈາກໜ້າດິນ 28 ແມັດນັ້ນ 38 ມື້, ໄດ້ທຳລາຍສະຖິຕິກີເນສ໌ຂອງໂລກ 7 ລາຍຂອງໄຕ່ເຊືອກຢູ່ກາງຫາວ. ນະທີ່ນີ້, ຂ້າພະເຈົ້າຂໍເລົ່າເລື້ອງລາວຂອງທ່ານອາປູລາຍຖີ.ມາຍຈຸ່ນ "ເຈົ້າຊາຍກາງຫາວ"ສູ່ຟັງ.
ເມື່ອພົບທ່ານມາຍຈຸ່ນທີ່ອາຍຸ 35 ປີເປັນຄັ້ງທຳອິດ, ແລະລົມເລື່ອງ"ດາວາຈື"ແລະການຟ້ອນລຳຂອງເຂດຊິນຈ່ຽງກັບທ່ານ, ທ່ານກໍຕື່ນເຕັ້ນດີໃຈທີ່ສຸດ, ຍັງໄດ້ດີດ"ເອີ້ວາພູ" ເຄື່ອງດົນຕີຂອງເຜົ່າເວີຍວູເອີ, ຮ້ອງເພງ"ມູ້ຄາມູ" ເພງພື້ນເມືອງໃຫ້ພວກເຮົາຟັງ. "ເອີ້ວາພູ"ແມ່ນເຄື່ອງດົນຕີດີດຊະນິດໜຶ່ງທີ່ນິຍົມກັນຫຼາຍຂອງເຜົ່າເວີຍວູເອີ, ຍາວແມັດປາຍ, ຢູ່ລຸ່ມແມ່ນກ່ອງສຽງທີ່ເຮັດດ້ວຍໜັງແກະ, ສຽງມ່ວນຫຼາຍ.
"ລາຍການກາຍຍະສິນ"ໄຕ່ເຊືອກກາງຫາວ"ຂອງເຂດຊິນຈ່ຽງຄື"ດາວາຈື"ນີ້ໄດ້ມີປະຫວັດເກືອບ 3 ພັນປີແລ້ວຢູ່ຈີນ, ພາຍຫຼັງມາ, ຍ້ອນຄວາມປັ່ນປ່ວນຂອງສົງຄາມເກືອບສູນຫາຍໄປໝົດ. ແຕ່ໂຊກດີນັ້ນແມ່ນ, ມັນໄດ້ຖືກຄອບຄົວເຜົ່າເວີຍວູເອີຄອບຄົວໜຶ່ງທີ່ຢູ່ເຂດຊິນຈ່ຽງສືບທອດຮັກສາໄວ້. ໃນຫຼາຍປີມານີ້, ໃຕ້ຄວາມພະຍາຍາມຂອງສິລະປິນ"ດາວາຈື"ຂອງເຂດຊິນຈ່ຽງ, ສິລະປະພື້ນເມືອງທີ່ບູຮານເກົ່າແກ່ນີ້ໄດ້ເຮັດໃຫ້ຊາວໂລກເອົາໃຈໃສ່ຄືນໃໝ່ອີກ. ສະເໜຂອງມັນ, ແມ່ນຜູ້ສະແດງບໍ່ມັດເຊືອກນີລະໄພ, ມືຈັບໄມ້ໄຜ່ສະແດງອະລີຍະບົດຍາກຫຼາຍທ່າຢູ່ເທິງເຊືອກທີ່ສູງກວ່າໜ້າດິນ 10 ປາຍແມັດຈົນກະທັ້ງຫຼາຍສິບແມັດ.
ທ່ານອາປູລາຍຖີ.ມາຍຈຸ່ນເວົ້າວ່າ, ທ່ານມັກກິລາຜະຈົນໄພມາແຕ່ຍາມຍັງນ້ອຍ. ໃນເວລາອາຍຸ 7 ປີ, ເພີ່ນໄດ້ຕິດຕາມພໍ່ໄປເບິ່ງການສະແດງຂອງສິລະປິນ"ດາວາຈື"ຢູ່ໃນເມືອງ, ໄດ້ກະຕຸ້ນໃຈຫຼາຍຍ້ອນຄວາມກ້າຫານຂອງພວກເຂົາເຈົ້າ, ເພີ່ນເລີຍຄິດຢາກເປັນສິລະປິນ"ດາວາຈື"ຜູ້ໜຶ່ງ.
ເມື່ອທ່ານມາຍຈຸ່ນອາຍຸ 17 ປີ, ທ່ານໄດ້ກາຍເປັນນັກສະແດງຜູ້ໜຶ່ງຂອງຄະນະກາຍຍະສິນດາວາຈືໃນທ້ອງຖີ່ນ, ເລີ່ມຮຽນສີມືກາຍຍະສິນປະເພດຕ່າງໆ. ຕໍ່ມາ, ຍ້ອນມີສິລະປິນ"ດາວາຈື"ຜູ້ອາວຸໂສໃນຄະນະຜູ້ໜຶ່ງຊີ້ນຳ, ທ່ານອາປູລາຍຖີ.ມາຍຈຸ່ນໄດ້ເລີ່ມຕົ້ນຊີວິດສະແດງກາຍຍະສິນຂອງທ່ານ, ຄວາມປາຖະໜາຂອງທ່ານກໍແມ່ນຢາກສົ່ງເສີມກາຍຍະສິນອັນເກົ່າແກ່ບູຮານລາຍນີ້.
1 2 3
|
|
|
