|
ທ່ານອາປູລາຍຖີ.ມາຍຈຸ່ນ-ເຈົ້າຊາຍກາງຫາວ
cri
Author: mo
7 ປີກ່ອນ, ໃນເວລາທ່ານອາປູລາຍຖີ.ມາຍຈຸ່ນສະແດງຢູ່ໃນສວນສາທາລະນະແຫ່ງໜຶ່ງຂອງເມືອງອູລູມູ້ສີເຂດຊິນຈ່ຽງ, ຍ້ອນເຄື່ອງສະແດງໃນມືເກີດມີບັນຫາ, ເຮັດໃຫ້ທ່ານມາຍຈຸ່ນຕົກໃສ່ໜ້າດິນໂດຍບໍ່ໄດ້ລະວັງຕົວ, ໃນຮ່າງກາຍ, ມີຫຼາຍບ່ອນຄືໝາກບ້າຕີນ ຫົວເຂົ່າເປັນຕົ້ນໄດ້ມີກະດູກຫັກ, ເຖິງວ່າທ່ານອາປູລາຍຖີ.ມາຍຈຸ່ນໄດ້ພົ້ນຈາກຄວາມຕາຍ, ແຕ່ນາຍໝໍເວົ້າວ່າ ທ່ານຈະບໍ່ສາມາດສະແດງ"ດາວາຈື"ອີກ.
ເມື່ອອອກໂຮງໝໍແລ້ວ, ທ່ານອາປູລາຍຖີ.ມາຍຈຸ່ນບໍ່ໄດ້ທໍ້ຖອຍ, ທ່ານເວົ້າວ່າ:
"ແຕ່ນັ້ນມາ, ຂ້າພະເຈົ້າກໍສຳນຶກຮູ້ວ່າ, ສີມືສະແດງກາງຫາວຈະດີເລີດປານໃດ, ກໍມີມື້ອອກກິນເບ້ຍບຳນານ. ກ່ອນຖອນຕົວອອກຈາກເວທີສະແດງ, ຂ້າພະເຈົ້າຕ້ອງທຳລາຍສະຖິຕິກີເນສ໌ຂອງໂລກຫຼາຍລາຍ, ສ້າງຜົນງານໃຫ້ແກ່ຄະນະກາຍຍະສິນ, ແລະສ້າງກຽດຊື່ສຽງໃຫ້ແກ່ປະຊາຊາດຈີນ."
ເຖິງວ່າກະດູກດີຂຶ້ນແລ້ວ, ແຕ່ບ່ອນເຈັບຂອງທ່ານອາປູລາຍຖີ.ມາຍຈຸ່ນພໍເໜັງຕີງໜ້ອຍໜຶ່ງກໍຍັງເຈັບເຫຼືອທົນ, ຖ້າພົບມື້ອາກາດບົດ, ຫົວເຂົ່າຂອງທ່ານກໍຈະເຈັບ, ພັນລະຍາຂອງເພີ່ນເປັນຫ່ວງຫຼາຍ, ເດັດດ່ຽວຄັດຄ້ານເພີ່ນໄປຝຶກ"ດາວາຈື"ອີກ.
ແຕ່ໃນເວລານີ້, ທ່ານອາປູລາຍຖີ.ມາຍຈຸ່ນໄດ້ຖືການທຳລາຍສະຖິຕິໂລກເປັນເປົ້າໝາຍສູ້ຊົນຂອງຕົນຢ່າງລັບໆ. ສະນັ້ນ, ທ່ານໄດ້ຫລອຍໄປຝຶກແອບໂດຍບໍ່ໃຫ້ພັນລະຍາຮູ້. ຈາກງ່າຍຫາຍາກ, ເມື່ອໄດ້ຝຶກແອບແບບຟື້ນຟູເປັນເວລາໜຶ່ງປີແລ້ວ, ໃນທີ່ສຸດ, ທ່ານອາປູລາຍຖີ.ມາຍຈຸ່ນສາມາດສະແດງອະລີຍະບົດຕ່າງໆຢູ່ເທິງເຊືອກເຫຼັກຢ່າງສະບາຍອີກ, ໝູ່ເພື່ອນລ້ວນແຕ່ດີໃຈຫຼາຍ, ເຫັນວ່າ, ທ່ານອາປູລາຍຖີ.ມາຍຈຸ່ນໄດ້ສ້າງຄວາມອັດສະຈັນ.
1 2 3
|
|
