|
ເຜົ່າມັງຊູແມ່ນ ຊົນເຜົ່າສ່ວນໜ້ອຍຊົນເຜົ່າໜຶ່ງຂອງຈີນ,ຊົນເຜົ່ານີ້ຕົ້ນຕໍດຳລົງຊີວິດຢູ່ພາກເໜືອຂອງຈີນ, ແຂວງລຽວນິງທີ່ຢູ່ພາກຕາເວັນອອກສຽງເໜືອຂອງຈີນມີປະຊາກອນເຜົ່າມັງຊູຫຼາຍກວ່າໝູ່.ໃນປະຫວັດສາດ,ເຜົ່າມັງຊູຖືກເອີ້ນເປັນຊົນເຜົ່າຢູ່ສັນຫຼັງມ້າ,ເພາະວ່າພວກເຂົາເຈົ້າໃຜໆກໍຊ່າງຂີ່ມ້າຍິງທະນູ.ຈຸດພິເສດດັ່ງກ່າວຂອງເຜົ່າມັງຊູໄດ້ພາໃຫ້ພວກເຂົາເຈົ້າມີສີມືຍອດຢ້ຽມໃນການເຮັດທະນູ.ແຕ່ວ່າ,ຄຽງຄູ່ກັບການປ່ຽນແປງແລະການພັດທະນາຂອງສັງຄົມ,ຜູ່ຊຳນານສີມືດັ່ງກ່າວໜ້ອຍລົງເປັນກ້າວໆ.
ຮ້ານຈູຢວນຮ້າວ
ຢູ່ຄຸ້ມເຮືອນຢູ່ນ້ອຍໆແຫ່ງໜຶ່ງທີ່ເຂດສາວຢາງ ພາກຕາເວັນອອກນະຄອນປັກກິ່ງ,ມີຮ້ານຂາຍທະນູນ້ອຍນ້ອຍແຫ່ງໜຶ່ງຊື່ວ່າ"ຈູຢວນຮ້າວ".ເມື່ອຍ່າງເຂົ້າຮ້ານນີ້,ເຫັນແຕ່ວັດຖຸດິບທຸກຊະນິດ ສຳລັບເຮັດທະນູກອງໄວ້ເຕັມຫ້ອງ,ຢູ່ເທິງຝາໄດ້ແຂວນທະນູນ້ອຍໃຫຍ່ຫຼາຍຄັນ.ຄົນໄວກາງທີ່ມີໜວດເຄົາດົກໜາຜູ່ໜຶ່ງພວມເຮັດທະນູໃຫຍ່.ຄົນຜູ່ນີ້ກໍແມ່ນ ທ່ານຢາງຟູສີ ຊ່າງຝີມືເຮັດທະນູເຜົ່າມັງຊູທີ່ພວກເຮົາຈະແນະນຳໃນມື້ນີ້.
ທ່ານຢາງຟູສີບອກນັກຂ່າວວ່າ,ໃນຮ້ອຍກວ່າປີກ່ອນ,ຢູ່ປັກກິ່ງມີບ້ານໃຫຍ່ແຫ່ງໜຶ່ງທີ່ເຮັດທະນູ,ຮ້ານ"ຈູຢວນຮ້າວ"ຂອງວົງຕະກຸນຢາງກໍແມ່ນໜຶ່ງໃນຫຼາຍສິບຮ້ານທະນູໃນບ້ານດັ່ງກ່າວ. ທະນູຂອງຮ້ານ"ຈູຢວນຮ້າວ"ແມ່ນໃຊ້ວັດຖຸຕ່າງໆເຊັ່ນເຂົາຄວາຍ,ໄມ້ໄຜ່,ເອັນຄວາຍເປັນຕົ້ນ,ເອົາຢາງກາວທີ່ຕົ້ມດ້ວຍໜັງໝູຕິດໃສ່ກັນແລ້ວຈິ່ງເຮັດສຳເລັດ,ສົ້ນທະນູອ່າວໃຫຍ່, ຮູບຊົງຍັງຮັກສາຈຸດພິເສດຂອງທະນູເຜົ່າມັງຊູດັ້ງເດີມ.ໃນປາງນັ້ນ,ຊາວເຜົ່າມັງຊູທີ່ດຳລົງຊີວິດຢູ່ປັກກິ່ງມັກອຸດໜູນບັນດາຮ້ານຂາຍທະນູເລື້ອຍໆ,ທະນູຢູ່ແຫ່ງນັ້ນຂາຍດິບຂາຍດີທີ່ສຸດ.
ທ່ານຢາງຟູສີທົດລອງທະນູເຜົ່າມັງຊູທີ່ຕົນເຮັດ
1 2 3
|
