|
ຜູ້ບຸກເບີກອຸດສາຫະກຳເຕັກນິກຊີວະຊາດຈີນ
----ບັນທຶກທ່ານເສີງຈິ່ງ ປະທານບໍລິສັດຊີວະຊາດໂປອ້າວ
cri
Author: MO
|
 ທ່ານເສີງຈິ່ງເຄີຍເປັນຫົວໜ້ານັກຄົ້ນຄວ້າຂອງບໍລິສັດໄຮເທັກຊີວະຊາດອາເມລິກາ, ແມ່ນບຸກຄົນທີ່ຊົງອິດທິພົນຂອງອຸດສາຫະກຳເຕັກນິກຊີວະຊາດສາກົນ. 8 ປີກ່ອນ, ເພື່ອອຸດົມການ, ທ່ານໄດ້ປະລະເງິນເດືອນສູງແລະສະພາບແວດລ້ອມທີ່ດີເລີດ, ກັບຄືນປະເທດສ້າງຕັ້ງບໍລິສັດໄຮເທັກຊີວະຊາດຫຼັງທຳອິດຂອງຈີນຄືບໍລິສັດຊີວະຊາດໂປອ້າວ. ປີ 2000, ບໍລິສັດຊີວະຊາດໂປອ້າວຖືກວາລະສານຟໍທູນຂອງອາເມລິກາປະກວດເປັນບໍລິສັດໄຮເທັກຊີວະຊາດທີ່ມີອະນາຄົດພັດທະນາກວ່າໝູ່ຂອງໂລກ.
ເຖິງວ່າໄດ້ດຳລົງຊີວິດຢູ່ຕ່າງປະເທດຫຼາຍປີ, ແຕ່ຫ້ອງການຂອງທ່ານເສິງຈິ່ງຢູ່ປັກກິ່ງພັດມີສີສັນພິເສດຂອງຈີນທີ່ສຸດ, ມີການປະດັບປະດາແບບບູຮານຈີນຫຼາຍຢ່າງ. ທ່ານເສິງຈິ່ງໜ້າຈ່ອຍ, ກິລິຍາວາຈາມີມາລະຍາດດີ, ໄດ້ຮັບການສຶກສາຢ່າງດີງາມຢູ່ຕ່າງປະເທດ. ປີ 1988, ທ່ານໄປຮຽນຕໍ່ຢູ່ອັງກິດ, ປີ 1992, ທ່ານໄດ້ຮັບປະລິນຍາເອກວິຊາຊີວະສາດຕຸລາການຂອງມະຫາວິທະຍາໄລສະຕຼາດ ໄຄຼດ໌ຂອງອັງກິດ, ເມື່ອຮຽນຈົບແລ້ວ, ເຄີຍໄດ້ຮັບຕຳແໜ່ງເປັນຫົວໜ້ານັກຄົ້ນຄວ້າເປັນຕົ້ນຢູ່ບໍລິສັດໄຮເທັກຊີວະຊາດຂອງອັງກິດແລະອາເມລິກາຢ່າງເປັນລຳດັບ. ເພື່ອພັດທະນາອຸດສາຫະກຳເຕັກນິກຊີວະຊາດຂອງຈີນ, ປີ 1999, ທ່ານໄດ້ຕົກລົງປະລະເງື່ອນໄຂອັນດີເລີດຂອງຕ່າງປະເທດ, ແລ້ວກັບຄືນມາສ້າງພາລະກິດຢູ່ຈີນ. ທ່ານເວົ້າວ່າ:
"ຂ້າພະເຈົ້າຮູ້ສຶກວ່າ, ການກັບຄືນປະເທດຈີນ, ເວົ້າສຳລັບຕົນເອງແລ້ວ, ຄວາມເສຍຫາຍດ້ານເງິນທຶນແມ່ນຂ້ອນຂ້າງຫຼາຍ. ແຕ່ເວົ້າໃນອີກດ້ານໜຶ່ງແລ້ວ, ຍ້ອນຂົງເຂດເຕັກນິກຊີວະຊາດຂອງຈີນຍັງແມ່ນເປົ່າຫວ່າງຢູ່, ສະນັ້ນ, ກໍເລີຍກັບມາເຮັດເລື່ອງນີ້."
1 2 3
|
|
