|
|
 |
| (GMT+08:00)
2006-03-30 11:29:27
|
 |
|
ຜູ້ບຸກເບີກອຸດສາຫະກຳເຕັກນິກຊີວະຊາດຈີນ
----ບັນທຶກທ່ານເສີງຈິ່ງ ປະທານບໍລິສັດຊີວະຊາດໂປອ້າວ
cri
Author: MO
ເມື່ອກັບຄືນປະເທດຈີນບໍ່ດົນ, ໃຕ້ການສະໜັບສະໜູນຈາກມະຫາວິທະຍາໄລຊີງຮວາ ເຊິ່ງເປັນໂຮງຮຽນຊັ້ນສູງທີ່ມີຊື່ສຽງຂອງຈີນ, ທ່ານເສິງຈິ່ງໄດ້ສ້າງສູນຄົ້ນຄວ້າພັດທະນາແຜ່ນຊິບຊີວະຊາດທີ່ມີລະດັບສາກົນ. ຫຼັງຈາກນັ້ນ, ທ່ານໄດ້ສະເໜີຕໍ່ລັດຖະບານຈີນໃຫ້ສ້າງສູນຄົ້ນຄວ້າກິດຈະການແຜ່ນຊິບຊີວະຊາດລະດັບຊາດ, ໄດ້ພາໃຫ້ຜູ້ນຳຈີນເອົາໃຈໃສ່ໃນລະດັບສູງ. ໂດຍມີລັດຖະບານຈີນສະໜັບສະໜູນໃນດ້ານເງິນທືນແລະນະໂຍບາຍ, ບໍລິສັດຊີວະຊາດໂປອ້າວຈຳກັດທີ່ສຸມໃສ່ການພັດທະນາແຜ່ນຊິບຊີວະຊາດນັ້ນໄດ້ສ້າງຕັ້ງຂຶ້ນຢູ່ປັກກິ່ງໃນປີ 2000, ທ່ານເສິງຈິ່ງເປັນປະທານຂອງບໍລິສັດດັ່ງກ່າວ.
ທ່ານວາງຊ້ຽນຮວາ ວິສະວະກອນຄົ້ນຄວ້າຊັ້ນສູງຂອງບໍລິສັດຊີວະຊາດໂປອ້າວເວົ້າວ່າ, ໃນເວລາຫາກໍສ້າງຕັ້ງບໍລິສັດ, ທ່ານເສິງຈິ່ງກໍໄດ້ວາງແຜນທີ່ເຫັນກວ້າງມອງໄກຕໍ່ທິດພັດທະນາຂອງບໍລິສັດ, ເຊິ່ງກໍຄືຄົ້ນຄວ້າເຕັກນິກແກນກາງທີ່ມີສິດຊັບສິນທາງປັນຍາທີ່ເປັນເຈົ້າຕົນເອງ, ເຮັດໃຫ້ຈີນກາຍເປັນຫ້ອງທົດລອງເຕັກນິກຊີວະຊາດຂອງໂລກ, ຫາກບໍ່ແມ່ນໂຮງຈັກການຜະລິດ. ທ່ານວາງຊ້ຽນຮວາເວົ້າວ່າ:
"ຂ້າພະເຈົ້າຄຶດວ່າ, ຈຸດປະສົງຂອງທ່ານເສິງຈິ່ງແມ່ນຈະແຈ້ງທີ່ສຸດ, ຄືບໍ່ພຽງແຕ່ຢາກໃຫ້ໂປອ້າວກາຍເປັນບໍລິສັດເຕັກນິກຊີວະຊາດທີ່ໃຫຍ່ສົມຄວນເທົ່ານັ້ນ, ສຳຄັນກວ່ານັ້ນແມ່ນຢາກເປັນບໍລິສັດເຕັກນິກຊີວະຊາດທີ່ມີກຳລັງປະດິດສ້າງອັນມະຫາສານ, ສາມາດຄຽງບ່າຄຽງໄຫຼ່ກັບບໍລິສັດປະເພດດຽວກັນຈຳນວນໜຶ່ງຂອງຕ່າງປະເທດ."
ປັດຈຸບັນ, ບໍລິສັດຊີວະຊາດໂປອ້າວໄດ້ຄົ້ນຄວ້າຜະລິດເຕັກນິກແລະຜະລິດຕະພັນຊີວະຊາດລະດັບສູງງວດໜຶ່ງ, ໄດ້ບັນລຸການຫັນປ່ຽນຂອງໝາກຜົນຄົ້ນຄວ້າວິທະຍາສາດແລະເຮັດໃຫ້ອຸດສາຫະກຳເປັນແບບສາກົນໃນຂັ້ນຕົ້ນແລ້ວ. ຜະລິດຕະພັນແຜ່ນຊິບຊີວະຊາດທີ່ໃຊ້ສຳລັບຄັດເລືອກຢຸກຢາທີ່ຄົ້ນຄວ້າຜະລິດໂດຍຖືເຕັກນິກສິດທິບັດຊີວະຊາດໂປອ້າວເປັນພື້ນຖານນັ້ນໄດ້ຖືກບໍລິສັດຜະລິດຢາທີ່ມີຊື່ສຽງຂອງໂລກຫຼາຍແຫ່ງເຊັ່ນບໍລິສັດຈອນເຊີນແອນຈອນເຊີນ ບໍລິສັດເມີກ ແລະບໍລິສັດຟິເຊີເປັນຕົ້ນ ນຳໃຊ້ຢ່າງກວ້າງຂວາງ. ບໍລິສັດໂປອ້າວຍັງໄດ້ໂອນເຕັກນິກສິດທິບັດຊີວະຊາດ 8 ລາຍໃຫ້ອາເມລິກາ, ອັນໄດ້ຮ່ວມກັບຜູ້ລົງທຶນສ່ຽງສ້າງບໍລິສັດວິທະຍາສາດເຕັກນິກຊີວະຊາດAVIVAອາເມລິກາດ້ວຍວິທີເຂົ້າຫຸ້ນດ້ວຍເຕັກນິກ. ບໍລິສັດໂປອ້າວເລີຍໄດ້ກາຍເປັນວິສາຫະກິດຈີນແຫ່ງທຳອິດທີ່ສົ່ງອອກເຕັກນິກແຜ່ນຊິບຊີວະຊາດໄປອາເມລິກາ.
1 2 3
|
|
|
