|
|
 |
| (GMT+08:00)
2006-03-30 11:29:27
|
 |
|
ຜູ້ບຸກເບີກອຸດສາຫະກຳເຕັກນິກຊີວະຊາດຈີນ
----ບັນທຶກທ່ານເສີງຈິ່ງ ປະທານບໍລິສັດຊີວະຊາດໂປອ້າວ
cri
Author: MO
ເມື່ອຫວນຄືນຂະບວນການພັດທະນາຂອງບໍລິສັດໃນ 5 ປີມານີ້, ທ່ານເສີງຈິ່ງເວົ້າວ່າ:
"ອຸດສາຫະກຳເຕັກນິກຊີວະຊາດຂອງຈີນຈາກບໍ່ມີຫາມີ, ເຮັດໃຫ້ຄວາມຄິດກາຍເປັນມູນຄ່າການຜະລິດໃນທີ່ສຸດ, ຄວນເວົ້າວ່າ, ໃນ 5 ປີທີ່ຜ່ານມາ, ບໍລິສັດໂປອ້າວໄດ້ຜ່ານຜ່າຂະບວນການລຳບາກສົມຄວນ ນັບມາຮອດປັດຈຸບັນ, ພວກຂ້າພະເຈົ້າໄດ້ຮ້ອງຂໍສິດທິບັດ 80 ກວ່າລາຍແລ້ວ. 2/3 ແມ່ນໄດ້ຮ້ອງຂໍໃຫ້ປົກປ້ອງໃນທົ່ວໂລກ. ສິດທິບັດຢູ່ຕ່າງປະເທດທີ່ໄດ້ມອບສິດແລ້ວນັ້ນມີ 10 ລາຍ, ພາຍໃນປະເທດມີ 20 ກວ່າລາຍ. ນອກນີ້, ຍັງມີຜະລິດຕະພັນນັບເປັນຮ້ອຍລາຍເຊັ່ນແຜ່ນຊິບ ເຄື່ອງວັດແທກ ຊອຟແວແລະສາງຂໍ້ມູນປະເພດຕ່າງໆ."
ພາຍໃນ 5 ປີສັ້ນໆ, ມູນຄ່າຈຳໜ່າຍຂອງບໍລິສັດຊີວະຊາດໂປອ້າວກໍໄດ້ເພີ່ມຂຶ້ນ 3 ເທົ່າ, ພະນັກງານຈາກບໍ່ເທົ່າໃດຄົນໃນເບື້ອງຕົ້ນຂະຫຍາຍຮອດເກືອບ 400 ຄົນໃນປັດຈຸບັນ, ອົງປະກອບພະນັກງານກໍໄດ້ຈາກພະນັກງານຄົ້ນຄວ້າວິທະຍາສາດໃນເບື້ອງຕົ້ນ, ສັບຊ້ອນໄປສູ່ທິດພະນັກງານຄົ້ນຄວ້າພັດທະນາ ຈຳໜ່າຍ ແລະຄຸ້ມຄອງພັດທະນາຢ່າງສະເໝີກັນ. ໃນຖັນແຖວພະນັກງານຂອງໂປອ້າວ, ສ່ວນຫຼາຍແມ່ນນັກສຶກສາທີ່ກັບຄືນຈາກຕ່າງປະເທດ, ພວກເຂົາເຈົ້າລ້ວນແຕ່ມີປະສົບການເຮັດວຽກຢູ່ບໍລິສັດຕ່າງປະເທດ, ມີຮູ້ຈັກຄຸ້ມຄອງແບບສາກົນ, ທັງເຂົ້າໃຈຕະຫຼາດແລະວັດທະນະທຳຈີນ.
ທ່ານຈູ່ສຽວຊ່ຽງກໍແມ່ນຜູ້ຕາງໜ້າທີ່ດີເດັ່ນຜູ້ໜຶ່ງໃນໝູ່ພວກເຂົາເຈົ້າ. ເພີ່ນແມ່ນນັກວິທະຍາສາດທີ່ຮຽນຕໍ່ຢູ່ອາເມລິກາແລ້ວກັບຄືນປະເທດຈີນ, ຮັບຜິດຊອບວຽກງານບຸກເບີກຕະຫຼາດຂອງບໍລິສັດຊີວະຊາດໂປອ້າວ. ທ່ານເຜີຍໃຫ້ຮູ້ວ່າ, ປັດຈຸບັນ, ບໍລິສັດພວມຄົ້ນຄວ້າພັດທະນາແຜ່ນຊິບຊີວະຊາດທີ່ສາມາດຮັບໃຊ້ວຽກງານກວດກາຢາກະຕຸ້ນຂອງງານກິລາໂອລິມປິກປັກກິ່ງປີ 2008, ນັກກິລາທີ່ຫວັງຢາກຜ່ານການກິນຢາຫ້າມມາຍົກຜົນງານໃຫ້ສູງຂຶ້ນນັ້ນຈະຫຼີກບໍ່ມົ້ມການກວດກາຈາກແຜ່ນຊິບ. ທ່ານຈູ່ສຽວຊຽງເວົ້າວ່າ, ແຜ່ນຊິບບໍ່ພຽງແຕ່ຈະປະຢັດເວລາກວດກາຢາກະຕຸ້ນໃຫ້ສັ້ນເຂົ້າຢ່າງຫຼວງຫຼາຍເທົ່ານັ້ນ, ຫາກຍັງຈະປະຢັດລາຍຈ່າຍຢ່າງຫຼວງຫຼາຍ. ຕໍ່ອະນາຄົດການຄົ້ນຄວ້າພັດທະນາຂອງແຜ່ນຊິບດັ່ງກ່າວ, ທ່ານຈູ່ສຽວຊ່ຽງມີຄວາມໝັ້ນໃຈອັນເຕັມປ່ຽມ:
"ຖ້າສົມຫວັງ, ພວກຂ້າພະເຈົ້າຈະສາມາດຜະລິດຜະລິດຕະພັນດັ່ງກ່າວໃນປີ 2008, ຮັບໃຊ້ການກວດກາໃນງານກິລາໂອລິມປິກ. ພວກຂ້າພະເຈົ້າຄຶດວ່າຈະສຳເລັດໄດ້."
ຕໍ່ການພັດທະນາໃນອະນາຄົດຂອງບໍລິສັດ, ທ່ານເສິງຈິ່ງເວົ້າວ່າ, ຈຸດໝາຍຂອງບໍລິສັດແມ່ນສຸມກຳລັງໃຫ້ກາຍເປັນບໍລິສັດເຕັກນິກຊີວະຊາດທີ່ເຕັກນິກປົກຫຸ້ມກວ້າງກວ່າໝູ່, ອົງປະກອບຜະລິດຕະພັນອຸດົມສົມບູນກວ່າໝູ່ ຄວາມສາມາດພັດທະນາຕະຫຼາດແຂງແຮງກວ່າໝູ່ຂອງຈີນ.
(ຈົບ)
1 2 3
|
|
|
