|
|
 |
| (GMT+08:00)
2006-03-30 11:34:14
|
 |
|
ສວນອຸທິຍານຫຼວງຢູ່ປັກກິ່ງ
cri
Author: da
|
ສວນອຸທິຍານຫຼວງເຫຼົ່ານີ້ບໍ່ພຽງແຕ່ເປັນ"ນາມບັດຕົວເມືອງ"ຂອງປັກກິ່ງທໍ່ນັ້ນ,ຫາກຍັງແມ່ງຫໍພິພິທະພັນສິ່ງກໍ່ສ້າງບູຮານຂອງຈີນອີກດ້ວຍ.
 ປັກກິ່ງໄດ້ເປັນນະຄອນຫຼວງໃນປະຫວັດສາດ 800 ກວ່າປີ,ສວນອຸທິຍານຫຼວງນ້ອຍໃຫຍ່ຕ່າງໆທີ່ເຫຼືອໄວ້ນັ້ນມີສິບກວ່າແຫ່ງ.ສວນອຸທິຍານເຫຼົ່ານີ້ມີພາບວິວທິວທັດແລະບັນຍາກາດອັນສວຍງາມ.ໃນນັ້ນ,ສວນອຸທິຍານຂອງສວນສາທາລະນະປາຍໄຫແມ່ນສວນອຸທິຍານຫຼວງທີ່ມີປະຫວັດດົນນານກວ່າໝູ່ໃນໂລກ.ທ່ານນາງປາຍເຈີ່ນເຈີ່ນ ຜູ້ຊ່ຽວຊານດ້ານປະຫວັດສາດຂອງຫ້ອງການຄົ້ນຄວ້າວັດທະນະທຳຂອງສວນສາທາລະນະປາຍໄຫແນະນຳວ່າ,ໃນສະຕະວັດທີ 13,ສົມເດັດກຸບໄລຄານ ເຈົ້າຊີວິດອົງທຳອິດຂອງລາຊະວົງຢວນກໍ່ພິພະໄທນຳທິວທັດອັນສວຍງາມຢູ່ແຫ່ງນີ້,ແລະໄດ້ສ້າງນະຄອນຫຼວງຂອງລາຊະວົງຢວນຢູ່ແຫ່ງນີ້.ທ່ານນາງປາຍເຈີ່ນເຈີ່ນເວົ້າວ່າ:
"ເລີ່ມແຕ່ລາຊະວົງຢວນ,ຕະຫຼອດຮອດລາຊະວົງມິງແລະລາຊະວົງຊິງ,ແຫ່ງນີ້ກໍແມ່ນສວນອຸທິຍານຫຼວງຂອງເຈົ້າຊີວິດຕະຫຼອດມາ.ເມື່ອເວົ້າໃນດ້ານປະຫວັດສາດຂອງການສ້າງຕັ້ງນະຄອນຫຼວງໃນໂລກແລ້ວ,ການຕົກລົງສ້າງນະຄອນຫຼວງຍ້ອນສວນອຸທິຍານແຫ່ງໜຶ່ງນັ້ນ,ແມ່ນເຫັນໜ້ອຍທີ່ສຸດໃນໂລກ."
 ສວນສາທາລະນະປາຍໄຫໃນປະຈຸບັນ,ກວມເນື້ອທີ່ເກືອບ 70 ເຮັກຕາ,ໃນນັ້ນ ເນື້ອທີ່ນ້ຳກວມກວ່າເຄິ່ງໜຶ່ງ.ຫໍໂຮງທີ່ສະຫງ່າຜ່າເຜີຍ,ວັດພຸດທະສາສະໜາທີ່ສະຫງົບມິດງຽບ,ໄດ້ແຈກຢາຍຢູ່ໃນສວນຢ່າງເໝາະສົມແລະສົມເຫດສົມຜົນ.ຢູ່ກາງເຂດນ້ຳຂອງສວນສາທາລະນະປາຍໄຫມີເກາະນ້ອຍເກາະໜຶ່ງ,ຊື່ວ່າ"ຈູງຮວາເຕົາ",ຢູ່ເທິງເກາະມີທາດຂາວແບບຕິເບດແຫ່ງໜຶ່ງ,ນີ້ແມ່ນເຈົ້າຊີວິດລາຊະວົງຊິງທີ່ເຊື່ອຖືສາສະໜາພຸດນິກາຍຕິເບດຊົງສັ່ງໃຫ້ຄົນສ້າງຂຶ້ນ.ດ້ານໜຶ່ງ,ທັງນີ້ໄດ້ສະແດງໃຫ້ເຫັນຄວາມໂຄລົບນັບຖືຂອງເຈົ້າຊີວິດຕໍ່ພຸດທະສາສະໜາ,ພ້ອມທັງໄດ້ເພີ່ມຕື່ມຄວາມເລິກລັບຂອງເກາະນ້ອຍແຫ່ງນີ້.
ເມື່ອປີນຂຶ້ນທາດຂາວຫຼຽວເບິ່ງໄປທາງໂຕ້,ນັກທ່ອງທ່ຽວຈະໄດ້ເຫັນວ່າ,ບວກກັບເກາະຈູງຮວາເຕົາລວມມີເກາະນ້ອຍໃຫຍ່ 3 ເກາະລຽນຕິດກັນ,ລອຍຢູ່ເທິງໜ້ານ້ຳ.ຖ້າວ່າໃນມື້ມີນ້ຳໝອກ,ສາລາຢູ່ເທິງເກາະລາງເທື່ອເບິ່ງເຫັນໄດ້ ລາງເທື່ອເບິ່ງບໍ່ເຫັນ,ເໝືອນກັບແດນສະຫວັນ.ເກາະໃນນ້ຳສາມແຫ່ງນີ້,ແມ່ນຊ່າງໄມ້ຊ່າງມືສ້າງຂຶ້ນດ້ວຍວິທີສ້າງສວນແບບພິເສດຊະນິດໜຶ່ງໃນການສ້າງສວນອຸທິຍານຫຼວງຂອງຈີນ,ວິທີນີ້ເອີ້ນວ່າ"ອີ້ສືຊັ່ນຊ່ານ" ແປວ່າ"ໜອງໜຶ່ງສາມພູ".
 ອັນວ່າ"ໜອງໜຶ່ງສາມພູ",ກໍແມ່ນຂຸດໜອງກອງເປັນພູ,ແລ້ວສ້າງເປັນເກາະ 3 ແຫ່ງໃນນ້ຳ.ໃນເທບນິຍາຍບູຮານຂອງຈີນ,ຢູ່ເທິງທະເລມີພູສາມໜ່ວຍແມ່ນບ່ອນຢູ່ຂອງເທວະດາ,ມີຢາອາຍຸວັດທະນະ.ສະນັ້ນ,ເຈົ້າຊີວິດທັງຫຼາຍຂອງຈີນເພື່ອສະແຫວງຫາອາຍຸວັດທະນະ,ຈຶ່ງສ້າງ"ໜອງໜຶ່ງສາມພູ"ໃນສວນອຸທິຍານຂອງຕົນ.ທ່ານຫຼີຈ້ຽນພິງ ຜູ້ຊ່ຽວຊານທີ່ຄົ້ນຄວ້າປະຫວັດສາດຂອງປັກກິ່ງແນະນຳວ່າ,ເອກະລັກພິເສດໃນການກໍ່ສ້າງດັ່ງກ່າວນີ້ແມ່ນມີຢູ່ໃນສວນອຸທິຍານຫຼວງຂອງຈີນທໍ່ນັ້ນ.
""ໜອງໜຶ່ງສາມພູ"ແມ່ນມີຢູ່ໃນສວນອຸທິຍານຫຼວງເທົ່ານັ້ນ,ຜູ້ອື່ນຮຽນນຳບໍ່ໄດ້,ຖ້າບໍ່ດັ່ງນັ້ນຈະຖືກຂ້າຕາຍໃນສັງຄົມສັກດິນາຈີນ."ໜອງໜຶ່ງສາມພູ"ກໍແມ່ນສັນຍະລັກທີ່ສຳຄັນກວ່າໝູ່ຂອງສວນສາທາລະນະປາຍໄຫ,ຖ້າໄປທ່ຽວຫຼິ້ນສວນປາຍໄຫບໍ່ໄປຊົມເບິ່ງ"ໜອງໜຶ່ງສາມພູ",ນັ້ນກໍໝາຍຄວາມວ່າບໍ່ໄດ້ເຫັນມິ່ງຂວັນຂອງສວນອຸທິຍານຫຼວງແຫ່ງນີ້."
1 2 3
|
|
|
