|
|
 |
| (GMT+08:00)
2006-03-30 11:34:14
|
 |
|
ສວນອຸທິຍານຫຼວງຢູ່ປັກກິ່ງ
cri
Author: da
ເມື່ອແນະນຳສວນປາຍໄຫແລ້ວໆ,ຕໍ່ໄປຈະແນະນຳສວນອີ້ເຫີຢວນຢູ່ຊານເມືອງຕາເວັນຕົກປັກກິ່ງສູ່ທ່ານຟັງ.ສວນອີ້ເຫີຢວນເລີ່ມສ້າງຕັ້ງຂຶ້ນເມື່ອປີ 1750.ທ່ານກ່າວຕ້າເຫວີຍ ຮອງຫົວໜ້າສວນອີ້ເຫີຢວນແນະນຳວ່າ,ໃນຖານເປັນມໍລະດົກວັດທະນະທຳຂອງໂລກແຫ່ງໜຶ່ງ,ສາມາດເວົ້າໄດ້ວ່າ,ສວນອີ້ເຫີຢວນແມ່ນຜົນງານຍອດຢ້ຽມໃນການອອກແບບສວນທິວທັດຂອງຈີນ.ທ່ານເວົ້າວ່າ:
"ສວນອີ້ເຫີຢວນແມ່ນຕົວແທນອັນດີເດັ່ນຂອງສວນອຸທິຍານຫຼວງຂອງປັກກິ່ງ,ທັງແມ່ນສວນອຸທິຍານຫຼວງຂອງປັກກິ່ງທີ່ຖືກຮັກສາໄວ້ຢ່າງຄົບຖ້ວນທີ່ສຸດ".
ສວນອີ້ເຫີຢວນກວມເນື້ອທີ່ປະມານ 300 ເຮັກຕາ.ໃນສວນນອກຈາກມີຫໍໂຮງແລະສາລາຕ່າງໆແລ້ວ,ຍັງໄດ້ເຫັນວັດທີ່ສະຫງ່າຜ່າເຜີຍແລະທິວທັດທຳມະຊາດແບບຈີນທີ່ສົດໃສມິດງຽບ.ສວນອີ້ເຫີຢວນໄດ້ສ່ອງແສງໃຫ້ເຫັນຈຸດພິເສດອີກອັນໜຶ່ງໃນການສ້າງສວນອຸທິຍານຫຼວງຂອງຈີນ,ນັ້ນກໍແມ່ນພະຍາຍາມສ້າງທິວທັດອັນສວຍງາມຂອງແຫ່ງຕ່າງໆໃນທົ່ວປະເທດຈີນໃຫ້ຫຍໍ້ເຂົ້າໃນສວນແຫ່ງໜຶ່ງ,ເພື່ອສ່ອງແສງໃຫ້ເຫັນຄວາມຄຶດຂອງເຈົ້າຊີວິດທີ່ວ່າທຸກແຫ່ງຫົນລ້ວນເປັນຂອງເຈົ້າຊີວິດໝົດ.
ເຂດທິວທັດຕົ້ນຕໍຂອງສວນອີ້ເຫີຢວນປະກອບດ້ວຍພູອາຍຸຍືນແລະໜອງຄຸນມິງ.ພູອາຍຸຍືນທີ່ສູງ 50 ກວ່າແມັດມີຮູບຄືເຈຍ,ສ່ວນຮູບໜອງຄຸນມິງຄືກັບໝາກຄາຍ.ໃນທັດສະນະອັນມີມູນເຊື້ອຂອງຈີນ,ເຈຍໝາຍເຖິງຄວາມສຸກ,ໝາກຄາຍໝາຍເຖິງອາຍຸໝັ້ນຍືນ,ໃນຍາມເບື້ອງຕົ້ນ,ສວນອຸທິຍານແຫ່ງນີ້ກໍແມ່ນເຈົ້າຊີວິດຊຽນລົງແຫ່ງລາຊະວົງຊິງສ້າງຂຶ້ນເພື່ອສະຫຼອງວັນພະລາຊະສົມພົບຂອງພະມານດາ.ເອກະລັກວັດທະນະທຳດ້ານຄວາມສຸກແລະອາຍຸໝັ້ນຍືນຂອງຈີນໄດ້ສ່ອງແສງໃຫ້ເຫັນຢ່າງເຕັມທີ່ໃນດ້ານນີ້.
ໄປທ່ຽວສວນອີ້ເຫີຢວນ,ຕ້ອງໄປທ່ຽວລະບຽງຍາວ.ລະບຽງຍາວນີ້ຍາວ 728 ແມັດ,ແມ່ນລະບຽງຍາວທີ່ຍາວທີ່ສຸດໃນໂລກ,ຖືກຈັດເຂົ້າໃນ"ບົດບັນທຶກກິເນັສບຸກຂອງໂລກ".ຮູບພາບສີຢູ່ໃນລະບຽງຍາວໄດ້ພັນລະນານິທານແລະເທບນິຍາຍອັນມີມູນເຊື້ອໃນສະໄໝບູຮານຂອງຈີນ.ລະບຽງຍາວທີ່ຄົດໆລ້ຽວໆ,ຍັງໄດ້ສານຈຸດທິວທັດຂອງທົ່ວສວນໃຫ້ເປັນອັນໜຶ່ງອັນດຽວກັນ,ສະນັ້ນ,ລະບຽງຍາວເສັ້ນນີ້ຈຶ່ງມີຊື່ງາມນາມມ່ວນເປັນ"ຜູ້ນຳທ່ຽວທີ່ບໍ່ມີສຽງຂອງສວນອີ້ເຫີຢວນ".
1 2 3
|
|
|
