|
|
 |
| (GMT+08:00)
2006-03-30 11:34:14
|
 |
|
ສວນອຸທິຍານຫຼວງຢູ່ປັກກິ່ງ
cri
Author: da
ຫໍງີ້ວເຕີເຫີຢວນມີຊື່ສຽງເຊັ່ນດຽວກັນກັບລະບຽງຍາວ,ແມ່ນຫໍງີ້ວບູຮານທີ່ໃຫຍ່ກວ່າໝູ່ຂອງຈີນໃນປະຈຸບັນ.ຫໍງີ້ວແບ່ງເປັນສາມຊັ້ນ,ສູງ 21 ແມັດ.ການອອກແບບຫໍງີ້ວຍອດຢ້ຽມຫຼາຍ,ບໍ່ພຽງແຕ່ມີສາກຫຼັງທີ່ຂຶ້ນລົງໄດ້ເທົ່ານັ້ນ,ຫາກຈົນກະທັ້ງຍັງສາມາດສົ່ງນ້ຳຂຶ້ນເທິງເວທີເພື່ອປະສານສົມທົບກັບການສະແດງອີກດ້ວຍ.ເມື່ອໄດ້ຊົມເບິ່ງຫໍງີ້ວແລ້ວ,ທ່ານນາງຈອນນາ ມາສໂຄຣ໌ ແຂກທ່ອງທ່ຽວອັງກິດເວົ້າວ່າ:
"ຟັງງີ້ວຢູ່ແຫ່ງນີ້ຈະມ່ວນທີ່ສຸດ,ໃນເວລາພວກຂ້າພະເຈົ້າຍ່າງເຂົ້າຫໍງີ້ວນີ້,ກໍໄດ້ພົບເຫັນຫຼາຍສິ່ງຫຼາຍຢ່າງທີ່ມ່ວນທີ່ສຸດ.ຫໍນີ້ຈັ່ງແມ່ນເຮັດໃຫ້ຄົນມີພາບປະທັບໃຈເລິກເຊິ່ງທີ່ສຸດ."
ເມື່ອອອກຈາກສວນອີ້ເຫີຢວນໄປທາງພາກຕາເວັນອອກບໍ່ໄກ,ກໍໄປຮອດສວນຢວນມິງຢວນ.ສວນຢວນມິງຢວນກໍເຄີຍເປັນລາຊະນິເວດແຫ່ງໜຶ່ງທີ່ເຈົ້າຊີວິດລາຊະວົງຊິງໂປດປານທີ່ສຸດ.ແຕ່ສິ່ງທີ່ເສຍດາຍນັ້ນແມ່ນ,ສວນອຸທິຍານແຫ່ງນີ້ຖືກກອງທະຫານປະສົມອັງກິດຝຣັ່ງປຸ້ນສະດົມແລະຈູດໄຟເຜົາຢ່າງປ່າເຖື່ອນເມື່ອປີ 1860,ໃນທີ່ສຸດເຫຼືອໄວ້ແຕ່ຊາກອາຄານແບບເອີລົບ.ນາງຫານນິງ ຄົນປັກກິ່ງທີ່ມາສຳຜັດປະຫວັດສາດຢູ່ແຫ່ງນີ້ເວົ້າວ່າ:
"ຂ້າພະເຈົ້າຍິ່ງມັກສວນນີ້ຫຼາຍກວ່າສວນອີ້ເຫີຢວນ,ເຖິງວ່າເຫຼຶອແຕ່ຊາກກໍ່ຕາມ,ແຕ່ໃນເວລາຊົມເບິ່ງ,ພັດສາມາດຫວນຄືນເຖິງຮູບຊົງສະຫງ່າງາມຂອງມັນໃນເມື່ອກ່ອນ."
1 2 3
|
|
|
