|
|
 |
| (GMT+08:00)
2006-04-03 17:22:16
|
 |
|
ເພງຂອງນາງວັງຢົງ
cri
Author: da
|
ນາງວັງຢົງແມ່ນນັກຮ້ອງທີ່ມີຈຸດພິເສດເທິງເວທີເພງຂອງຈີນ,ນາງຊ່າງແຕ່ງເນື້ອຮ້ອງ ທຳນອງເພງແລະຮ້ອງມ່ວນ,ໄດ້ຮັບຄວາມຊົມເຊີຍທີ່ສຸດຈາກແຟນເພງທັງຫຼາຍ.
(ປ່ອຍເພງ)ທີ່ທ່ານພວມຟັງຢູ່ນີ້ແມ່ນເພງ wo bu shi huang rong "ຂ້ອຍບໍ່ແມ່ນຮວງຢົງ"ທີ່ພາໃຫ້ນາງມີຊື່ສຽງ.ນາງຮວງຢົງແມ່ນນາງເອກໃນເລື່ອງ"she diao ying xiong zhuan ວິລະຊົນຍິງແຫຼວ"ເລື່ອງກົງຟູຂອງຈີນ.ແຟນເພງທັງຫຼາຍໄດ້ຮູ້ຈັກນາງວັງຢົງຍ້ອນເພງນີ້ເອງ.ເພງ hip-pop ແມ່ນເພງທັນສະໄໝ,ທຳນອງຮ້ອງງ່າຍ,ຈື່ງ່າຍ.ມີເນື້ອຮ້ອງວ່າ"ຂ້ອຍບໍ່ແມ່ນຮວງຢົງ,ຫຼິ້ນກົງຟູບໍ່ເປັນ,ຂໍແຕ່ອ້າຍຈິ້ງ ຮັກຂ້ອຍຢ່າງສຸດໃຈ".ເຊີນຟັງໄດ້ເລີຍ.
 ນາງວັງຢົງເກີດຢູ່ສິ່ງເຕົ໋າເມືອງແຄມທະເລຢູ່ພາກຕາເວັນອອກຂອງຈີນ,ເລີ່ມຮຽນສີໄວໂອລິນແຕ່ຍາມ 8 ປີ,ທັງໄດ້ສະແດງໃຫ້ເຫັນພອນສະຫວັນດ້ານດົນຕີມາແຕ່ນ້ອຍ,ນາງມີຄວາມສະດຸ້ງໄວທີ່ສຸດຕໍ່ສຽງແລະທຳນອງ,ຟັງແຕ່ເທື່ອດຽວ,ນາງກໍຮ້ອງໄດ້ໂລດ.ອາຍຸ 12 ປີ ,ນາງວັງຢົງກໍ່ເລີ່ມຮຽນດີດເປ່ຍໂນ່.ອາຍຸ 15 ປີ,ນາງວັງຢົງໄດ້ຟັງເພງອັງກິດເທື່ອທຳອິດ,ນາງປະກົດເຫັນວ່າເພງສະໄໝມ່ວນແທ້ໆ,ຈຶ່ງເລີ່ມຊອກຫາກະເສັດເພງອັງກິດມາຟັງ.ຕໍ່ມາ,ນາງວັງຢົງໄດ້ສອບເສັງເຂົ້າສະຖາບັນກະຈາຍສຽງປັກກິ່ງດ້ວຍຄະແນນດີເລີດ.
ໃນທ່າມກາງບັນຍາກາດວັດທະນະທຳອັນເຂັ້ມຂຸ້ນແລະຄວາມເສລີຢູ່ມະຫາວິທະຍາໄລ,ນາງວັງຢົງໄດ້ພະຍາຍາມຮຽນກີຕາແລະວິທີແຕ່ງເພງ,ທັງແນ່ໃຈວ່າ ດົນຕີຈຶ່ງແມ່ນເລື່ອງທີ່ນາງເອງມັກທີ່ສຸດ.ໃນໄລຍະຮຽນຢູ່ມະຫາວິທະຍາໄລ,ນາງວັງຢົງກໍ່ເລີ່ມແຕ່ງເພງໃຫ້ຕົນເອງແລະນັກຮ້ອງຜູ້ອື່ນ,ເພງ yun bu zhi dao yu zhi dao "ເມກບໍ່ຮູ້ ແຕ່ຝົນຮູ້"ທີ່ແຕ່ງໃນເວລາຮຽນຈົບນັ້ນໄດ້ທີໜຶ່ງໃນ"ການລຽງລຳດັບເພງຈີນ".
1 2 3
|
|
|
