|
|
 |
| (GMT+08:00)
2006-04-03 17:22:16
|
 |
|
ເພງຂອງນາງວັງຢົງ
cri
Author: da
ປີ 2005,ນາງວັງຢົງໄດ້ອັດCDແຜ່ນໃໝ່ຊື່ວ່າ duo ai "ຮັກໃຫ້ຫຼາຍໆ",ມີ 10 ເພງ,ນາງວັງຢົງເປັນຜູ້ແຕ່ງເນື້ອຮ້ອງແລະທຳນອງເພງທັງໝົດ.ເພງ ai ya "ໄອຢາ"ໄດ້ລຽນຢູ່ອັນດັບໜ້າ"ຂອງເວທີເພງຈີນ"ໂດຍຕະຫຼອດ.ເມື່ອໄດ້ກະຈາຍຢູ່ວິທະຍຸກະຈາຍສຽງຮົງກົງແລ້ວ,ກໍໄດ້ຮັບຄວາມນິຍົມຊົມເຊີຍຫຼາຍ.
ຄຳວ່າ"ໄອຢາ"ແມ່ນຄຳອຸທານທີ່ນາງວັງຢົງມັກເວົ້າທີ່ສຸດ,ບໍ່ວ່າພົບເລື່ອງດີຫຼືເລື່ອງບໍ່ດີ,ນາງກໍມັກວ່າ"ໄອຢ່າ",ນາງສັງເກດເຫັນວ່າ,ນີ້ແມ່ນຄຳອຸທານທີ່ຄົນຈີນມັກເວົ້າໂດຍສະເພາະ,ຄົນປະເທດອື່ນແມ່ນບໍ່ເວົ້າ,ສະນັ້ນ ນາງວັງຢົງຈຶ່ງເອົາເປັນຊື່ເພງ.
(ປ່ອຍເພງ)ທີ່ທ່ານພວມຟັງຢູ່ນີ້ແມ່ນເພງ"ໄອຢາ".ເພງນີ້ຈັງຫວະໄວ ຮ້ອງແບບຂີ້ດື້ ເບົາອົກເບົາໃຈ,ຈັງຫວະນີ້ຟັງແລ້ວເຮັດໃຫ້ຄົນປວດຢາກເຕັ້ນລຳໄປນຳ,ເນື້ອເພງງ່າຍໆ,ສະແດງອາລົມຮັກຂອງຜູ້ສາວທີ່ລັກຮັກອ້າຍບ່າວ,ເວົ້າຢ່າງຊື່ກົງເປັນຕາແພງ."ຮັກເຈົ້າເດ້,ແຕ່ເຈົ້າບໍ່ກະເຕື້ອງ,ຈັ່ງແມ່ນລຳຄານ,ຕົນເອງກໍຕື່ນຕົນເອງ,ໄອຢາ!"
CDແຜ່ນຂອງນາງວັງຢົງກໍຂາຍດີບໍ່ຢອກ,ແລະໄດ້ຖືກຈັດເຂົ້າລຽງລຳດັບໃນທັນທີ.ວິທີຮ້ອງເພງອັນພິເສດຂອງນາງ,ໄດ້ຮັບຄວາມຊົມເຊີຍຂອງແຟນເພງຫຼາຍກວ່າເກົ່າ.ຕໍ່ໄປ,ເຊີນຟັງເພງ shui zhu yu "ຕົ້ມປາເຜັດ" ໃນCDແຜ່ນໃໝ່ຂອງນາງວັງຢົງ.
(ປ່ອຍເພງ)shui zhu yu "ຕົ້ມປາເຜັດ"ແມ່ນອາຫານທີ່ຄົນຈີນມັກກິນໃນປະຈຸບັນ,ທັງເຜັດທັງຮຶນ,ກິນແລ້ວຕາຊື່ນ,ແຮ່ງກິນແຮ່ງມັກກິນ.ໃນເພງນີ້,ນາງສາວຜູ້ໜຶ່ງທີ່ເປັນໜ້າຮັກປຽບຕົ້ມປາເຜັດຄືກັບຄວາມຮັກອັນຟົດຟື້ນ,ຈັ່ງແມ່ນເໝາະສົມແທ້ໆ.ໃນເພງຈັງຫວະ hip-pop ເພງນີ້,ເອົາສຽງພິນຊ່ຽນຊຽນເຄື່ອງເສບຈີນສະຫຼັບໃສ່,ມີຄວາມຮູ້ສຶກພິເສດພິເສດ.
1 2 3
|
|
|
