|
ງານວາງສະແດງຫມາກຜົນຂອງການອະນຸລັກມໍລະດົກວັດທະນະທຳບໍ່ແມ່ນວັດຖຸຂອງຈີນທີ່ກຳລັງຈັດຂຶ້ນຢູ່ຫໍພິພິດທະພັນແຫ່ງຊາດຈີນນັ້ນໄດ້ວາງ ສະແດງຂອງແທ້ເກືອບ 2000 ເຄື່ອງແລະຮູບພາບ 1500 ກວ່າແຜ່ນ,ເຊິ່ງ ສະແດງໃຫ້ເຫັນຫມາກຜົນອັນອຸດົມສົມບູນທີ່ຈີນໄດ້ຮັບໃນການອະນຸລັກມໍ ລະດົກວັດທະນະທຳທີ່ບໍ່ແມ່ນວັດຖຸນັ້ນຢ່າງຮອບດ້ານ.ໃນຫລາຍມື້ມານີ້,ມີຜູ່ມາຊົມຢ່າງບໍ່ຂາດສາຍ,ສື່ມວນຊົນກໍ່ໄດ້ລາຍງານຢ່າງຫລວງຫລາຍ,ກາຍເປັນຈຸດຮຸ່ງຂອງຂົງເຂດວັດທະນະທຳປັກກິ່ງ.
ໃນຫ້ອງວາງສະແດງຂອງຫໍພິພິດທະພັນແຫ່ງຊາດຈີນ, ຈັກຕ່ຳຜ້າໄຫມຕ້ວນຢຸນຈິງຂະຫນາດໃຫຍ່ເຄື່ອງຫນຶ່ງໄດ້ດຶງດູດຜູ່ຊົມຢ່າງຫລວງ ຫລາຍ, ຈັກຕ່ຳຍາວເກືອບ 6 ແມັດ, ກວ້າງ 1 ແມັດ, ສູງ 4 ແມັດ, ເຮັດດ້ວຍໄມ້,ຄືກັບຫໍສອງຊັ້ນຫລັງຫນຶ່ງ.ຈັກຕ່ຳນີ້ຄວບຄຸມດ້ວຍສອງຄົນ, ຜູ່ຫນຶ່ງຢູ່ເທິງຈັດວາງເສັ້ນຕັ້ງ,ອີກຜູ່ຫນຶ່ງຢູ່ລຸ່ມຈັດວາງເສັ້ນຂວາງ,ສອງຄົນກຳລັງສະແດງສີມືຕ່ຳຜ້າໄຫມຕ້ວນຢຸນຈິງທີ່ສັບສົນໃຫ້ຜູ່ຊົມທັງຫລາຍ.
ຈັກຕ່ຳຜ້າໄຫມຕ້ວນຢຸນຈິງ
ຈັກຕ່ຳຜ້າໄຫມຕ້ວນຢຸນຈິງເຄື່ອງນີ້ແມ່ນຂົນສົ່ງມາຈາກເມືອງນານກິ່ງ ບ່ອນຜະລິດຜ້າໄຫມທີ່ມີຊື່ສຽງຂອງຈີນ.ທ່ານວາງປາວລິນ ຫົວຫນ້າສະຖາ ບັນຄົ້ນຄວ້າຜ້າໄຫມຕ້ວນຢຸນຈິງຂອງເມືອງນານກິ່ງແນະນຳວ່າ, ໃນສະໄຫມບູຮານ, ຜ້າໄຫມຕ້ວນຢຸນຈິງສ່ວນຫລາຍແມ່ນໃຊ້ສຳລັບຕັດຊຸດສະຫລອງພະອົງຂອງກະສັດ,ເຊິ່ງຕ່ຳດ້ວຍຂົນນົກຫົງ ເສັ້ນໄຫມສີແລະເສັ້ນຄຳແທ້ເປັນຕົ້ນ, ມີກຳມະວິທີສັບສົນ,ການຕ່ຳກໍ່ຊ້າ,ນາຍຊ່າງສອງຄົນມື້ຫນຶ່ງຕ່ຳໄດ້ແຕ່ 40 ຕາ ລາງຊັງຕີແມັດເທົ່ານັ້ນ,ສະນັ້ນຈິ່ງມີຄວາມເວົ້າທີ່ວ່າ: ຜ້າໄຫມຕ້ວນຢຸນຈິງແພງຄືຄຳ. ທ່ານວາງເວົ້າວ່າ, ຜ້າໄຫມຕ້ວນຢຸນຈິງທີ່ມີກຳມະວິທີສັບສົນນັ້ນແມ່ນຈັກຕ່ຳທັນສະໄຫມທີ່ວ່ອງໄວນັ້ນເຮັດບໍ່ໄດ້. ທ່ານເວົ້າວ່າ:
ວິທີຕ່ຳຜ້າຂອງຈັກຕ່ຳຍຸກປະຈຸບັນກັບວິທີຕ່ຳຜ້າໄຫມຕ້ວນຢຸນຈິງບໍ່ຄືກັນ,ຜ້າໄຫມຕ້ວນຢຸນຈິງງາມປານເມກສີເທິງທ້ອງຟ້າ,ມັນຕ້ອງສະແດງສີຕ່າງໆນາໆຢູ່ເທິງເສັ້ນຂວາງ, ຜ່ານວິທີຖັກດອກໄມ້, ເວົ້າງ່າຍໆກໍ່ແມ່ນຄືກັບ ການຕັດຫຍິບເຄື່ອງນຸ່ງ,ຫຍິບເທື່ອຫນຶ່ງມີສີຊະນິດຫນຶ່ງ, ຕົວຢ່າງຄືເສັ້ນ ຂວາງເສັ້ນນີ້ມີ 50 ສີ, ເຮົາກໍ່ຕ້ອງຖັກ 50 ເທື່ອ,ປະກອບເປັນເສັ້ນຂວາງເສັ້ນນີ້, ກຳມະວິທີແບບນີ້ແມ່ນຈັກຕ່ຳຍຸກປະຈຸບັນເຂົ້າແທນບໍ່ໄດ້.
1 2 3 4
|
