|
|
 |
| (GMT+08:00)
2006-04-05 11:15:40
|
 |
|
ຫໍພິພິດທະພັນແຫ່ງຊາດຈີນວາງສະແດງຫມາກຜົນອຸດົມສົມບູນໃນການອະນຸລັກມໍລະດົກວັດທະນະທຳທີ່ບໍ່ແມ່ນວັດຖຸຂອງຈີນ(ສຽງ)
cri
Author: sayvanny
ງານວາງສະແດງເທື່ອນີ້ແມ່ນງານວາງສະແດງມໍລະດົກວັດທະນະທຳທີ່ບໍ່ແມ່ນວັດຖຸລະດັບຊາດຄັ້ງທຳອິດຕັ້ງແຕ່ປະເທດຈີນໃຫມ່ສ້າງຕັ້ງຂຶ້ນ,ລາຍ ການວາງສະແດງທີ່ຄ້າຍຄືກຳມະວິທີຕ່ຳຜ້າໄຫມຕ້ວນຢຸນຈິງ ແລະ ເພງພື້ນເມືອງເຜົ່າຜູມີນັ້ນຍັງມີຫລາຍ,ເຊິ່ງຄັດເລືອກມາຈາກຂອງແທ້ 6000 ກວ່າເຄື່ອງທີ່ແຫ່ງຕ່າງໆທົ່ວປະເທດຈີນເລື່ອກສົ່ງມາໃຫ້, ເຄື່ອງວາງສະແດງແຕ່ລະເຄື່ອງຫລືຮູບພາບແຕ່ລະແຜ່ນລ້ວນແຕ່ເປັນຕົວແທນວັດທະນະທຳພື້ນເມືອງທີ່ມີສີສັນພິເສດຂອງທ້ອງຖິ່ນກວ່າຫມູ່,ໄດ້ສະແດງໃຫ້ເຫັນຫມາກຜົນອັນອຸດົມສົມບູນຂອງຈີນໃນການອະນຸລັກມໍລະດົກວັດທະນະທຳທີ່ບໍ່ແມ່ນວັດຖຸ.
ເລີ່ມແຕ່ຊຸມປີ 50 ສະຕະວັດແລ້ວນີ້, ລັດຖະບານຈີນກໍ່ໄດ້ໃຊ້ມາດຕະການອັນຕັ້ງຫນ້າແລະບັງເກີດຜົນຫລາຍຢ່າງໃນດ້ານອະນຸລັກມໍລະດົກວັດທະນະທຳທີ່ບໍ່ແມ່ນວັດຖຸ,ຕົວຢ່າງຄື ໄດ້ສຳຫລວດ ບັນທຶກ ຮຽບຮຽງແລະຄົ້ນຄວ້າຕໍ່ມໍລະດົກວັດທະນະທຳພື້ນເມືອງຂອງຊົນເຜົ່າສ່ວນຫນຶ່ງ, ກອບກູ້ແລະເກັບຮັກສາຊັບພະຍາກອນສິນລະປະກຳອັນລ້ຳຄ່າເປັນຈຳນວນຫລວງ ຫລາຍ, ໄດ້ຮຽບຮຽງພິມຈຳນວນປະມວນປື້ມທີ່ກ່ຽວຂ້ອງ, ເຈາະຈົງຄ້ຳຊູມໍລະ ດົກວັດທະນະທຳທີ່ບໍ່ແມ່ນວັດຖຸທີ່ມີຄຸນຄ່າສຳຄັນຈຳນວນຫນຶ່ງຄື ງິ້ວປັກກິ່ງ ງິ້ວຄຸນສູ່ແລະກັງຟູເປັນຕົ້ນ, ດຳເນີນການກໍ່ສ້າງເຂດອະນຸລັກວັດທະນະທຳ ຢູ່ເຂດຊົນເຜົ່າສ່ວນຫນ້ອຍຕັ້ງພູມລຳເນົມຈຸ້ມກັນສ່ວນຫນຶ່ງ,ດຳເນີນກິດຈະການອະນຸລັກຊີວະຊາດວັດທະນະທຳພື້ນເມືອງຊົນເຜົ່າຂອງຈີນເປັນຕົ້ນ,ມາດຕະການເຫລົ່ານີ້ໄດ້ຮັບຫມາກຜົນຫລາຍຢ່າງ.
ແຕ່ວ່າ, ຄຽງຄູ່ກັບເສດຖະກິດໂລກາວິວັດແລະບາດກ້າວຫັນເປັນທັນສະໄຫມນັບມື້ນັບເລັ່ງໄວເຂົ້າ, ມໍລະດົກວັດທະນະທຳທີ່ບໍ່ແມ່ນວັດຖຸຂອງຈີນໄດ້ປະເຊີນກັບການທ້າທາຍໃນການຢູ່ລອດແລະການພັດທະນາແລະປະເຊີນກັບຄວາມອັນຕະລາຍທີ່ຈະຫາຍສາບສູນ.ຕັ້ງແຕ່ກ້າວເຂົ້າສະຕະວັດໃຫມ່ເປັນຕົ້ນມາ, ລັດຖະບານຈີນໄດ້ເພີ່ມທະວີການປົກປັກຮັກສາແລະສືບທອດມໍລະດົກວັດທະນະທຳທີ່ບໍ່ແມ່ນວັດຖຸ,ໄດ້ຕັ້ງຫນ້າຊຸກຍູ້ວຽກງານນິຕິ ບັນຍັດກ່ຽວກັບການອະນຸລັກມໍລະດົກວັດທະນະທຳ,ຮ້ອງຂໍໃຫ້ຈັດເຂົ້າໃນສາລະບານຕົວແທນມໍລະດົກວັດທະນະທຳທາງປາກເວົ້າແລະບໍ່ແມ່ນວັດຖຸຂອງມະນຸດຂອງອົງການໂຢເນັສໂກສະຫະປະຊາຊາດ,ສ້າງລະບົບສາລະ ບານມໍລະດົກວັດທະນະທຳທີ່ບໍ່ແມ່ນວັດຖຸລະດັບຊາດຂອງຈີນ, ເຫລົ່ານີ້ເປັນ ຕົ້ນ.ຫວ່າງກ່ອນນີ້ບໍ່ດົນ,ລັດຖະບານຈີນໄດ້ຕົກລົງຈັດເອົາວັນເສົາອາທິດທີສອງຂອງເດືອນມິຖຸນາແຕ່ລະປີເປັນວັນມໍລະດົກວັດທະນະທຳຂອງຈີນ,ເພື່ອຍົກສະຕິຂອງທົ່ວປວງຊົນໃນການອະນຸລັກມໍລະດົກວັດທະນະທຳໃຫ້ສູງຂຶ້ນ.ງານວາງສະແດງຫມາກຜົນທີ່ຈັດຂຶ້ນຢູ່ຫໍພິພິດທະພັນເທື່ອນີ້,ມີເນື້ອໃນອຸດົມ ສົມບູນແລະມີຮູບການຫລາຍຢ່າງຫລາຍແນວ,ເຮັດໃຫ້ຜູ່ຊົມສາມາດໄດ້ເຫັນໂສມຫນ້າວັດທະນະທຳດັ້ງເດີມອັນດີເລີດເຫລົ່ານີ້. ທ່ານໂຈ່ວເຫີຜິງຮອງລັດຖະມົນຕີກະຊວງວັດທະນະທຳຈີນໄດ້ຕີລາຄາຢ່າງຕັ້ງຫນ້າຕໍ່ງານວາງສະແດງເທື່ອນີ້.ທ່ານເວົ້າວ່າ:
1 2 3 4
|
|
|
