|
|
 |
| (GMT+08:00)
2006-04-06 10:25:56
|
 |
|
ລະດູບານໃໝ່ຢູ່ພູລູຊ່ານງາມແທ້ໆ
cri
Author: da
|
ເມື່ອເວົ້າເຖິງພູລູຊ່ານຢູ່ຍ່ານກາງແມ່ນ້ຳຢາງເຊ,ເພື່ອນມິດທີ່ມັກພູຜາແມ່ນ້ຳຈີນນັ້ນອາດຈະຮູ້ແລ້ວ.ພູລູຊ່ານໃນປະຈຸບັນພວມຢູ່ໃນລະດູທີ່ດອກຄາຍແລະດອກອາຊາເລບານເຕັມພູ,ນັກທ່ອງທ່ຽວທີ່ໄປປີນພູແລະທ່ອງທ່ຽວກໍນັບມື້ນັບຫຼາຍຂຶ້ນ.
ພູລູຊ່ານຕັ້ງຢູ່ແຄມໜອງໂພຢາງຫູ ໜອງນ້ຳຈືດໃຫຍ່ທີໜຶ່ງຂອງຈີນທີ່ຢູ່ຊານເມືອງຈີວຈ່ຽງແຂວງຈ່ຽງຊີ່,ມີປະລິມານນ້ຳຝົນທີ່ອຸດົມສົມບູນຕະຫຼອດປີ,ອາກາດອົບອຸ່ນ.ເມື່ອຮອດລະດູບານໃໝ່,ອຸນຫະພູມຢູ່ໃນພູຕ່າງກັນຫຼາຍ,ມີໝອກຫຼາຍ.
ພູລູຊ່ານໃນລະດູບານໃໝ່,ຢູ່ບ່ອນໃດກໍເຫັນທະເລເມກ.ການຊົມເບິ່ງທະເລເມກ ບ່ອນທີ່ດີທີ່ສຸດແມ່ນຢູ່ແຖບຖະໜົນດອກໄມ້ແລະຜາຝໍໂສ່ວອຽນທີ່ຢູ່ເທິງຈອມພູ.ຕອນຮຸ່ງເຊົ້າ,ເມກໝອກລອຍຂຶ້ນຢ່າງຊ້າໆ,ຄ່ອຍໆເຮັດໃຫ້ທົ່ວພູລູຊ່ານຕົກຢູ່ໃນທະເລໝອກອັນກວ້າງໃຫຍ່.ຢືນຢູ່ຕີນພູເງີຍໜ້າຂຶ້ນເບິ່ງ,ຈອມພູໃນໝອກ ບາງເທື່ອເບິ່ງເຫັນ ບາງເທື່ອເບິ່ງບໍ່ເຫັນ,ເມື່ອຢືນຢູ່ເທິງຈອມພູ ກົ້ມເບິ່ງທາງລຸ່ມ,ຢູ່ໃຕ້ຕີນມີແຕ່ທະເລໝອກ,ຄືກັບເຫາະເຫີນຢູ່ເທີງເມກໝອກ.ບາງທີຢູ່ເທິງພູ ມີເມກໝອກກຸ້ມກົ້ວ,ຢູ່ຕີນພູ ພັດມີຝົນຝອຍຕົກ;ບາງທີຄວັນໝອກແລະເມກໄດ້ຫັບຫາຍໄປ,ຢູ່ຕໍ່ໜ້າແມ່ນພາບວິວທິວທັດອັນສວຍງາມ.
ທ່ານຫຼີເວີນລ້ຽງທີ່ເຕີບໃຫຍ່ຢູ່ເຂດພູລູຊ່ານບອກນັກຂ່າວວ່າ:
"ມາທ່ຽວພູລູຊ່ານໃນເດືອນມີນາແລະເດືອນເມສາ,ດີທີ່ສຸດແມ່ນພັກຢູ່ເທິງພູ.ຕອນເຊົ້າ ຍ່າງອອກຈາກຫ້ອງນອນ,ເຫັນເມກໝອກເຕັມພູ,ບາງທີເຮັດໃຫ້ຄົນລືມຄີງໄປວ່າ ຕົນເອງຢູ່ໃສ,ຮູ້ສຶກສະບາຍຫຼາຍຄືລອຍຢູ່ເທີງເມກໝອກ."
1 2 3
|
|
|
