|
|
 |
| (GMT+08:00)
2006-04-06 10:25:56
|
 |
|
ລະດູບານໃໝ່ຢູ່ພູລູຊ່ານງາມແທ້ໆ
cri
Author: da
ຍ້ອນພູລູຊ່ານມີເມກຫຼາຍແລະນ້ຳໝອກຫຼາຍ,ຊາທີ່ຜະລິດຢູ່ພູລູຊ່ານກໍຖືກຕັ້ງຊື່ເປັນຊາຢຸນອູ້ ແປວ່າຊາເມກໝອກ.ຊາຢຸນອູ້ມີຄຸນນະພາບດີເລີດ,ບໍ່ພຽງແຕ່ຂາຍດິບຂາຍດີຢູ່ຈີນທໍ່ນັ້ນ,ຍັງຂາຍໄປຮອດຍີ່ປຸ່ນ ເຢຍລະມັນ ສ.ເກົາຫຼີ ອາເມລິກາແລະອັງກິດເປັນຕົ້ນ.ຕົ້ນເດືອນເມສາແຕ່ລະປີແມ່ນຍາມດີທີ່ສຸດສຳລັບເກັບແລະຜະລິດຊາຢຸນອູ້.ສະນັ້ນ,ດຽວນີ້ໄປທ່ຽວພູລູຊ່ານ,ຄົນສ່ວນຫຼາຍມັກຊື້ຊາຢຸນອູ້ພູລູຊ່ານກັບເມືອຕ້ອນພີ່ນ້ອງແລະໝູ່ເພື່ອນ.
ເງື່ອນໄຂດິນຟ້າອາກາດທີ່ມີເອກະລັກພິເສດຂອງພູລູຊ່ານ,ເຮັດໃຫ້ພືດຢູ່ແຫ່ງນີ້ຈະເລີນງອກງາມທີ່ສຸດ.ປະຈຸບັນ,ດອກຄາຍ ດອກອາຊາເລ ແລະດອກຈອງເປັນຕົ້ນພວມບານເຮືອງເຮື່ອຢູ່ເທິງພູ,ໃນເວລາລົມພັດມາ,ໝົດພູມີແຕ່ກິ່ນດອກໄມ້ຫອມ.
ສວນພຶກສາຊາດລູຊ່ານທີ່ສ້າງຂຶ້ນເມື່ອປີ 1934 ແມ່ນສວນພຶກສາຊາດທີ່ສ້າງຂຶ້ນກ່ອນໝູ່ຂອງຈີນ,ໜ້າໄປທ່ຽວຊົມຫຼາຍ.ຢູ່ໃນສວນມີເຂດຕົ້ນໄມ້ ເຂດຫ້ອງອຸ່ນ ເຂດພືດດິນເບື່ອມ ສວນຊາຢຸນອູ້ ແລະສວນປູກຕົ້ນຢາເປັນຕົ້ນ,ຢູ່ແຫ່ງນີ້ຍັງມີພືດຊົມຢ່າງຫຼວງຫຼາຍ.ຕາມສະຖິຕິ,ປະຈຸບັນ ຢູ່ໃນສວນພຶກສາຊາດລູຊ່ານໄດ້ປູກພືດພາຍໃນແລະຕ່າງປະເທດ 3400 ກວ່າຊະນິດ,ທັງໄດ້ສ້າງການພົວພັນແລກປ່ຽນແນວພັນພືດກັບ60ກວ່າປະເທດແລ້ວ.ທ່ານສືສຽງເໝີຍ ຮອງນັກຄົ້ນຄວ້າສວນພຶກສາຊາດລູຊ່ານແນະນຳວ່າ,ດຽວນີ້ ພູລູຊ່ານໃນລະດູບານໃໝ່ ຕົ້ນໄມ້ຕົ້ນຫຍ້າກຳລັງຟື້ນຟູ,ສວນພຶກສາຊາດລູຊ່ານໃນຍາມນີ້ແມ່ນໂລກຂອງພືດປະເພດຕົ້ນແປກແລະປະເພດອາຊາເລ.ທ່ານເວົ້າວ່າ:
"ຈຸດພິເສດຂອງພວກຂ້າພະເຈົ້າ,ໜຶ່ງແມ່ນພືດປະເພດຕົ້ນແປກ,ສອງແມ່ນດອກອາຊາເລ.ໃນໄລຍະເລີ່ມສ້າງສວນ ກໍໄດ້ນຳເຂົ້າພືດປະເພດຕົ້ນແປກແລະດອກອາຊາເລຢ່າງຫຼວງຫຼາຍແລ້ວ.ດຽວນີ້ ຢູ່ໃນສວນມີຕົ້ນໄມ້ສູງຈຸຟ້າຢ່າງຫຼວງຫຼາຍ,ແຕ່ພັດແມ່ນນຳເຂົ້າຈາກຕ່າງປະເທດເປັນຈຳນວນຫຼວງຫຼາຍພາຍຫຼັງສ້າງສວນແລ້ວ,ປະເພດທີ່ນຳເຂົ້ານັ້ນກໍແມ່ນອຸດົມສົມບູນທີ່ສຸດ."
 ຢູ່ໃນເມກໝອກແລະຊຸມຕົ້ນໄມ້ສີຂຽວນັ້ນແມ່ນເຮືອນວິນລາຕັ້ງຊ້ອງໆກັນ,ນີ້ແມ່ນຈຸດພິເສດອີກຂໍ້ໜຶ່ງຂອງພູລູຊ່ານ.ແຕ່ຜູ້ເຜີຍແຜ່ສາສະໜາຂອງອັງກິດສ້າງເຮືອນພັກຮ້ອນຫຼັງທຳອິດຢູ່ແຫ່ງນີ້ເມື່ອປີ 1885 ຈົນຮອດປະຈຸບັນ,ພູລູຊ່ານໄດ້ຮັກສາໄວ້ເຮືອນວິນລາທີ່ມີເອກະລັກຂອງ 18 ປະເທດລວມ 1 ພັນກວ່າຫຼັງ.ຢູ່ແຫ່ງນີ້ ມີເຮືອນຈຳລອງສິ່ງກໍ່ສ້າງຂອງເບຼຊິນ,ຍັງມີສິ່ງກໍ່ສ້າງແບບອີຕາລີໃນສະໄໝຟື້ນຟູສິນລະປະວັດທະນະທຳ; ມີຫຼັງຄາແບບເນີນຊັນທີ່ມັກເຫັນຂອງເອີລົບເໜືອ,ຍັງມີຫຼັງຄາແບບເນີນໜ້ອຍຂອງເອີລົບໃຕ້.ບາງຫຼັງຕັ້ງຢູ່ເທິງຈອມພູຂຽວອຸ່ມທຸ່ມ,ບາງຫຼັງຕັ້ງຢູ່ລະຫວ່າງນ້ຳຫ້ວຍ.ຢູ່ໃນທ່າມກາງສີຂຽວຂອງລະດູບານໃໝ່,ເຮືອນວິນລາເຫຼົ່ານີ້ປະຈັກຕາທີ່ສຸດ.
ນາງຖາງຕົ່ງຕົ່ງ ແຂກທ່ອງທ່ຽວຂອງປັກກິ່ງໄດ້ມາຊົມເຮືອນວິນລາຢູ່ແຫ່ງນີ້ໂດຍຈຳເພາະສອງເທື່ອແລ້ວ.ນາງເວົ້າວ່າ,ເຮືອນວິນລາເທິງພູລູຊ່ານບໍ່ພຽງແຕ່ມີໂຄງສ້າງພິເສດທໍ່ນັ້ນ,ຫາກຍັງປະສານກັບສິ່ງແວດລ້ອມຢູ່ອ້ອມຂ້າງຢ່າງກົມກຽວກັນອີກດ້ວຍ.ໃນພູທີ່ມີຊື່ສຽງຂອງຈີນ,ມີແຕ່ພູລູຊ່ານຈຶ່ງມີ"ບ້ານໂລກ"ທີ່ມີຂະໜາດໃຫຍ່ປານນີ້.ນາງເວົ້າວ່າ:
"ເຮືອນວິນລາຂອງພູລູຊ່ານບໍ່ພຽງແຕ່ງາມທໍ່ນັ້ນ,ຫາກຍັງມີລັກສະນະຕົວແທນອີກດ້ວຍ.ເປັນຫຍັງມາທ່ຽວເທື່ອໃດ ຂ້ອຍກໍມັກມາຊົມເຮືອນວິນລາຢູ່ແຫ່ງນີ້?ຍ້ອນວ່າ ນອກຈາກຮູ້ສຶກວ່າສວຍງາມແລ້ວ,ຍັງຈະໄດ້ຮູ້ນິທານປະຫວັດສາດຢ່າງຫຼວງຫຼາຍຈາກສິ່ງກໍ່ສ້າງເຫຼົ່ານີ້."
1 2 3
|
|
|
