|
|
 |
| (GMT+08:00)
2006-04-10 22:25:54
|
 |
|
ເພງຮົງກົງແລະເພງໄຕ້ຫວັນປະມວນໜຶ່ງ
cri
Author: da
|
ໃນລາຍການນັດພົບໃນວັນອາທິດມື້ນີ້,ດາລາວັນຈະແນະນຳເພງຮົງກົງແລະເພງໄຕ້ຫວັນສູ່ທ່ານຟັງ.
ທ່ານໂຈ່ວຈວນຊູງ ເປັນນັກຮ້ອງໄຕ້ຫວັນທີ່ເຈົ້າຊູ້ ມີອຸປະນິໄສສຸພາບມາລະຍາດດີ,ທັງມີພອນສະຫວັນໃນການປະດິດແຕ່ງທີ່ດີເດັ່ນ.ທ່ານຊ່າງແຕ່ງເພງມາພັນລະນາອາລົມຈິດຂອງຄົນໃນຕົວເມືອງ,ບົດເພງບາງບົດສະແດງຄວາມເຈັບປວດທໍລະມານໃຈອັນເລິກເຊິ່ງ,ບາງບົດຊ້ຳພັດສ່ອງແສງອາລົມເບີກບານສຳລານໃຈ.ທ່ານມັກຮ້ອງເພງຮັກດ້ວຍສຽງອ່ອນຫວານ,ເອົາຊະນະໃຈຜູ້ຟັງຈົນນັບບໍ່ຖ້ວນ,ເລີຍຖືກເອີ້ນເປັນບິດາເພງຮັກ".
ເດືອນມິຖຸນາປີກາຍນີ້,ທ່ານໂຈ່ວຈວນຊູງໄດ້ອັດCDແຜ່ນໃໝ່ທີ່ຊື່ວ່າxing kong xia de chuan shuo "ຄວາມເລົ່າລືກັນໃຕ້ໝູ່ດາວ",ແຜ່ນCDແຜ່ນນີ້ໄດ້ສືບຕໍ່ເອກະລັກຂອງເພງຮັກທີ່ທ່ານຊ່າງຮ້ອງ.ຕໍ່ໄປ ທ່ານຈະໄດ້ຟັງເພງ huai gan jue"ຮູ້ສຶກບໍ່ສະບາຍ"ຊຶ່ງແມ່ນເພງເອກໃນCD,ເພງນີ້ໄດ້ພັນລະນາອາລົມໂດດດ່ຽວປ່ຽວພອຍຂອງຜູ້ບ່າວຜູ້ສາວຫຼັງຈາກອົກຫັກແລ້ວ.
"ອະດີດເໝືອນກັບຄວາມຝັນ,ເມື່ອຕື່ນແລ້ວ ຮູ້ສຶກເຈັບໃຈຫຼາຍ,ຜູ້ໂສກເສົ້າບໍ່ຮູ້ວ່າ,ຍາມໃດຕ້ອງປະກັນ.ຝົນແຮງ ຕົກສາ,ຄົນຮັກທີ່ເສຍໃຈຖືກຝົນຈົນປຽກກໍບໍ່ເປັນຫຍັງ.ຄົນອົກຫັກຮ້ອງໂຮສຸດໃຈ,ໃຫ້ຄວາມໂດດດ່ຽວປ່ຽວພອຍຫາຍໜີ.ເຖິງຈະຮູ້ແຕ່ຍັງເມົາຮັກ ເຖິງຈະເຊົາກັນແລ້ວຍັງເສົ້າໝອງຢູ່,ໃນຄ່ຳຄືນທີ່ບໍ່ເຫັນຈັກຄົນ,ລະບາຍຄວາມຮູ້ສຶກບໍ່ສະບາຍໃຈໃຫ້ໝົດກ້ຽງ."ທ່ານໂຈ່ວຈວນຊູງຮ້ອງເພງແບບຈົ່ມພ້ອມກັບເນື້ອຮ້ອງທີ່ໝອງໃຈ,ໄດ້ສະແດງໃຫ້ເຫັນຄວາມເຈັບໃຈຫຼັງອົກຫັກຢ່າງເຕັມທີ່.
"Xing kong xia de chuan shuo ຄວາມເລົ່າລືກັນໃຕ້ໝູ່ດາວ" CD ແຜ່ນໃໝ່ຂອງທ່ານໂຈ່ວຈວນຊູງລວມມີ 14 ເພງ,ໃນນັ້ນ ມີ 7 ເພງແມ່ນທ່ານໂຈ່ວຈວນຊູງແຕ່ງໃໝ່,ອີກ 7 ເພງແມ່ນເພິ່ນແຕ່ງ ແຕ່ຜູ້ອື່ນຂັບຮ້ອງໃນເມື່ອກ່ອນ,ປະຈຸບັນ ທ່ານຮ້ອງໃໝ່ເອົາເອງ.ເຊັ່ນ:ເພງ"bei ji xue ຫິມະຕົກຢູ່ຂົ້ວໂລກເໜືອ"ທີ່ຂັບຮ້ອງໂດຍນາງເສີນຮ້ວຍຫຼິນແລະທ້າວເຟີງເຕີລູນ,ເພງ" ha luo ໄຫໂລ"ທີ່ຂັບຮ້ອງໂດຍທ້າວອ່າດູ້ເປັນຕົ້ນ,ລ້ວນແຕ່ແມ່ນເພງທີ່ທ່ານໂຈ່ວຈວນຊູງມັກຫຼາຍໃນບັນດາເພງທີ່ເພິ່ນແຕ່ງ.
ເທື່ອນີ້ ທ່ານໂຈ່ວຈວນຊູງໄດ້ດັດແປງເພງເຫຼົ່ານີ້ຢ່າງພຽນໃຈ.ເຊັ່ນເພງ"ຫິມະຕົກຢູ່ຂົ້ວໂລກເໜືອ",ທ່ານໂຈ່ວຈວນຊູງບໍ່ພຽງແຕ່ໄດ້ແຕ່ງທຳນອງເພງແລະຂຽນເນື້ອເພງໃໝ່ທໍ່ນັ້ນ,ຫາກຍັງເຊີນນາງເສີນຮ້ວຍຫຼິນ ນັກຮ້ອງຜູ້ເກົ່າມາຮ້ອງກັບທ່ານພ້ອມກັນ,ຍິ່ງໄດ້ຕັ້ງໃຈແຕ່ງຕອນທີ່ສອງຄົນຮ້ອງນຳກັນຕາມຈຸດພິເສດສຽງຮ້ອງຂອງສອງຄົນ,ຊື່ເພງກໍປ່ຽນເປັນ"zai jian bei ji xue ພົບກັນໃໝ່ກັບຫິມະຕົກຢູ່ຂົ້ວໂລກເໜືອ",ເມື່ອຟັງແລ້ວ ຮູ້ສຶກມ່ວນກວ່າເກົ່າ.
"ຫິມະຂົ້ວໂລກເໜືອຕົກຢູ່ໃນຄວາມຝັນ,ຂາວບໍລິສຸດ,ແຕ່ຂ້ອຍຮູ້ສຶກມຶນເມົາ,ເຮົາສອງຄົນເຄີຍຮັກກັນບໍ່?ເຈົ້າມັກຈູງມືຊ້າຍຂ້ອຍ,ຂ້ອຍຍັງຈື່ໄດ້ຢູ່.ຂ້ອຍເຄີຍຍີ້ມໃສ່ເຈົ້າ,ກໍເຄີຍໄຫ້ຍ້ອນເຈົ້າ,ຢ້ານເສຍຄວາມຮັກຂອງເຈົ້າ.ໃນຍາມທີ່ພວກເຮົາຕົກລົງຈະເຊົາກັນ,ເຈົ້າຄຶດຫຍັງ?ຢູ່ຂົ້ວໂລກເໜືອ ຫິມະຍັງຕົກຢູ່,ຂ້ອຍຈະຈູງມືເຈົ້າອີກໄດ້ບໍ່?"
1 2 3 4
|
|
|
