|
ໃນຊົນເຜົ່າສ່ວນໜ້ອຍຕ່າງໆຂອງຈີນ,ຊາວເຜົ່າຮຸຍມັກຝຶກກົ່ງຟູ.ຕັ້ງແຕ່ສະໄໝບູຮານມານີ້,ບ່ອນໃດມີເຜົ່າຮຸຍໂຮມກັນຕັ້ງພູມລຳເນົາຢູ່,ບ່ອນນັ້ນກໍຈະມີບັນຍາກາດຝຶກກົ່ງຟູອັນເຂັ້ມຂຸ້ນ.ຢູ່ປັກກິ່ງກໍມີຊາວເຜົ່າຮຸຍຫຼາຍພໍສົມຄວນໄດ້ຝຶກກົ່ງຟູ.
ຢູ່ຄຸ້ມເຮືອນຢູ່ເຜົ່າຮຸຍຖະໜົນໜິວແຈ ພາກໃຕ້ນະຄອນປັກກິ່ງ,ມີສະມາຄົມກົ່ງຟູຊົນເຜົ່າແຫ່ງໜຶ່ງ,ສະມາຊິກສວນຫຼາຍແມ່ນໄທເມືອງທີ່ດຳລົງຊີວິດໃນຄຸ້ມເຮືອນຢູ່ແຫ່ງນີ້.ໃນຍາມທຳມະດາ,ຄົນທັງຫຼາຍຕ່າງຄົນຕ່າງໄປໄປເຮັດການພໍໃຜພໍລາວ,ເມື່ອເລີກການແລ້ວຫຼືໃນມື້ພັກ,ພວກເຂົາເຈົ້າກໍມາເຕົ້າໂຮມກັນຢູ່ ສະມາຄົມກົ່ງຟູຊົນເຜົ່າ, ຝຶກກົ່ງຟູ,ຫາລືແລະແລກປ່ຽນວິທີຫັດກົ່ງຟູ.
ເປັນຫຍັງເຜົ່າຮຸຍຈິ່ງມັກຫັດກົ່ງຟູ? ທ່ານຈ່າງປິ່ນ ສະມາຊິກສະມາຄົມກົ່ງຟູຊົນເຜົ່າໄດ້ເຫຼົ່າມູນເຫດສູ່ຟັງ. ໃນສະໄໝບູຮານ,ເພື່ອສອດຄ່ອງກັບຄວາມຕ້ອງຂອງສົງຄາມ,ເຜົ່າຮຸຍໄດ້ຝຶກແອບຂີ່ມ້າຍິງທະນູ,ຝຶກວິທີໃຊ້ຫອກໃຊ້ໄມ້ຄ້ອນ,ຖືການຝຶກກົ່ງຟູເປັນພາຫະນະສຳຄັນໃນການປ້ອງກັນຕົວເອງ.ທ່ານຈ່າງປິ່ນເວົ້າວ່າ:"ເມື່ອເວົ້າໃນດ້ານປະຫວັດສາດແລ້ວ,ໃນຄາວນັ້ນກໍແມ່ນພຽງແຕ່ຢາກ ຝຶກກົ່ງຟູປ້ອງກັນຕົນເອງເທົ່ານັ້ນ."
ຍ້ອນວ່າພໍ່ຝຶກກົ່ງຟູ,ແຕ່ຍາມຍັງນ້ອຍ,ທ່ານຈ່າງປິ່ນກໍໄດ້ຮັບຜົນສະທ້ອນຈາກພໍ່ຢ່າງບໍ່ຮູ້ສຶກຕົວ,ຕາມທ່ານເວົ້າວ່າ, ບາງທ່າຕີກົ່ງຟູ,ບໍ່ໄດ້ຕັ້ງໃຈຮຽນ,ແຕ່ກໍຮູ້ເອງຢ່າງບໍ່ຮູ້ສຶກຕົວ.ໃນເວລາອາຍຸ17,18ປີ,ທ່ານຈ່າງປິ່ນຈິ່ງເລີ່ມ ຝຶກກົ່ງຟູຢ່າງເປັນທາງການ,ແຕ່ຍາມນັ້ນທ່ານເປັນຄົນຂີ້ຄ້ານຝຶກກົ່ງຟູບໍ່ດຸໝັ່ນປານໃດ.ໃນເວລາອາຍຸ20ກວ່າປີ,ທ່ານຈ່າງປິ່ນໄດ້ຮູ້ສຶກວ່າຕົນເອງມັກກົ່ງຟູແທ້ໆ,ເລີຍຝຶກ ຢ່າງເອົາຈິງເອົາຈັງເປັນພິເສດ.ພາຍລຸນມາ,ທ່ານຈ່າງປິ່ນຍັງຊີງໄດ້ລາງວັນລະດັບໃດໜຶ່ງໃນການແຂ່ງຂັນກົ່ງຟູຫຼາຍເທື່ອທີ່ນະຄອນປັກກິ່ງຈັດຂຶ້ນ,ນີ້ຈິ່ງເຮັດໃຫ້ທ່ານມີຄວາມສົນໃຈນຳກົ່ງຟູຫຼາຍກວ່າເກົ່າ.
ປັດຈຸບັນ,ທ່ານຈ່າງປິ່ນເປັນເຖົ້າແກ່ບໍລິສັດເອກະຊົນແຫ່ງໜຶ່ງ,ເຖິງວ່າຂຸ້ນວຽກຫຼາຍ,ແຕ່ທ່ານບໍ່ໄດ້ປະລະກົ່ງຟູທີ່ຕົນມັກ,ຫາກແມ່ນຍາດເວລາຫວ່າງຝຶກກົ່ງຟູເລື້ອຍໆ.
ກໍຄືກັນກັບທ່ານຈ່າງປິ່ນ,ທ່ານຢາງຫົງລຽງ ຮອງປະທານສະມາຄົມກົ່ງຟູຊົນເຜົ່າໜິວແຈກໍມີຄວາມຈູບຈ້າວຫ້າວຫັນຕໍ່ການຝຶກກົ່ງຟູ.ຍ້ອນວ່າໃນຄອບຄົວມີຄົນຝຶກແອບມວຍປ້ຳເຜົ່າຮຸຍ,ສະນັ້ນ,ທ່ານຈິ່ງໄດ້ຮັບຜົນສະທ້ອນຈາກນ້ຳໃຈເຄົາລົບກົ່ງຟູຕັ້ງແຕ່ຍາມຍັງນ້ອຍ,ຝັນຫາໂດຍຕະຫຼອດ,ຢາກຮຽນກົ່ງຟູ.ແຕ່ຈົນຮອດທ່ານມີອາຍຸ20ກວ່າປີ,ທ່ານຈິ່ງເລີ່ມຝຶກກົ່ງຟູ.ເມື່ອຫົວທີ່,ຍ້ອນຝຶກບໍ່ຖືກຫຼັກ,ທ່ານຢາງຫົງລຽງຄິດວ່າກົ່ງຟູແມ່ນຕ່າງກັນກັບຄວາມຝັນຂອງຕົນຢ່າງຫຼວງຫຼາຍ.ໂດຍສະເພາະແມ່ນການຝຶກແອບເມື່ອຍຫຼາຍ,ທັງບໍ່ມ່ວນຈັກດີ້.ສະນັ້ນ,ທ່ານເຄີຍຄຶດຢາກປະລະການຝຶກກົ່ງຟູ.ແຕ່ເມື່ອຄ່ອຍໆໄດ້ກຳກົດເກນຂອງກົ່ງຟູແລ້ວ,ທ່ານຢາງຫົງລຽງຄ່ອຍໆໄດ້ຮັບຜົນດີຈາກການຝຶກກົ່ງຟູ.ທ່ານບອກນັກຂ່າວວ່າ:
"ການຝຶກກົ່ງຟູ ສຸຂະພາບຈະແຂງແຮງດີ,ເມື່ອຮຽນຝຶກກົ່ງຟູແລ້ວ,ສຸຂະພາບຂອງຂ້ອຍເຂັ້ມແຂງຂຶ້ນ,ອີກອັນໜຶ່ງ,ຮຽນຝຶກກົ່ງຟູກໍໄດ້ພາໃຫ້ຊີວິດຂ້ອຍອຸດົມສົມບູນຂຶ້ນ,ແລະຄຸນສົມບັດໄດ້ຮັບການຫຼໍ່ຫຼອມ,ຂ້ອຍໄດ້ຮູ້ຫຼາຍສິ່ງຫຼາຍຢ່າງໂດຍຜ່ານການຮຽນກົ່ງຟູ."
1 2 3
|
