ທ່ານຈ່າງກຸ້ຍເຈິ່ງກັບລູກສິດຂອງຕົນ
ທ່ານຈ່າງກຸ້ຍເຈິ່ງໄດ້ຮັບລູກສິດຫຼາຍຄົນ,ແລະທຳລາຍຮີດທີ່ວ່າກົ່ງຟູເຜົ່າຮຸຍບໍ່ສອນໃຫ້ຄົນເຜົ່າອື່ນ,ທ່ານບໍ່ພຽງແຕ່ສອນລາຍມວຍປາຍຢວນທົ່ງເປທີ່ຕົນຊຳນານນັ້ນໃຫ້ອ້າຍນ້ອງບັນດາເຜົ່າໃນທົ່ວປະເທດຈີນເທົ່ານັ້ນ,ຈົນກະທັ້ງຢູ່ຍີ່ປຸ່ນ,ສ.ເກົາຫຼີກໍມີລູກສິດຂອງທ່ານ.ເຖິງວ່າທ່ານຈ່າງກຸ້ຍເຈິ່ງເຖິງແກ່ກຳໃນປີກາຍກໍຕາມ,ແຕ່ທ່ານໄດ້ປະກອບສ່ວນເພື່ອສົ່ງເສີມຈິດໃຈກົ່ງຟູປະຊາຊາດຈີນນັ້ນໄດ້ຮັບຄວາມຍ້ອງຍໍຈາກຄົນທັງຫຼາຍໂດຍຕະຫຼອດ.ທ່ານຈ່າງຊິນປິ່ນ ຮອງປະທານສະມາຄົມຄົ້ນຄວ້າລາຍມວຍທົ່ງເປສັງກັດສະມາຄົມກິລາກົ່ງຟູປັກກິ່ງກໍແມ່ນລູກສິດຂອງທ່ານຈ່າງກຸ້ຍເຈິ່ງ.ເຖິງວ່າທ່ານເປັນຄົນເຜົ່າຮັ້ນກໍຕາມ,ແຕ່ກໍໄດ້ຮຽນຮູ້ທ່າຕີມວຍທັງໝົດຂອງອາຈານ.ພາຍຫຼັງທ່ານຈ່າງເຈິ່ງກຸ້ຍເຖິງແກ່ກຳແລ້ວ,ທ່ານຈ່າງຊິນປິ່ນໄດ້ຄິດເຖິງອາຈານໂດຍຕະຫຼອດ.ທ່ານເວົ້າວ່າ:
ທ່ານຈ່າງກຸ້ຍເຈິ່ງ
"ຄຸນງາມຄວາມດີຂອງອາຈານຂ້ອຍ ຄືທ່ານຈ່າງກຸ້ຍເຈິ່ງທີ່ປະກອບສ່ວນເຂົ້າໃນພາລະກິດກົ່ງຟູນັ້ນແມ່ນບໍ່ມີມື້ເສົ້າໝອງ.ສະມາຄົມກົ່ງຟູຊົນເຜົ່າທີ່ທ່ານສ້າງຕັ້ງຂຶ້ນນັ້ນເຮັດໃຫ້ມີການຈັດຕັ້ງສືບທອດກົ່ງຟູ.ບໍ່ວ່າເວລາຜ່ານໄປເທົ່າໃດປີ,ສະມາຄົມກົ່ງຟູຊົນເຜົ່າກໍຈະຊົງຕົວຢູ່ຕໍ່ໄປ.ລາຍມວຍປາຍຢວນທົ່ງເປກໍຍ່ອມຈະສືບທອດກັນໄປ."
ຊູ່ມື້ນີ້,ລູກແລະລູກສິດຂອງລຸງຈ່າງກຸ້ຍເຈິ່ງໄດ້ສືບທອດຫົວກະທິກົ່ງຟູແລະແນວຄິດຮັບເອົາລູກສິດຢ່າງກວ້າງຂວາງຂອງທ່ານ.ເຮັດໃຫ້ຄຸ້ມຖະໜົນໜິວແຈ,ບ່ອນໃດກໍໄດ້ເຫັນມີຜູ່ຝຶກກົ່ງຟູຢ່າງຄຶກຄັກ.ທ່າທາງອັນສະຫງ່າງາມຂອງພວກເຂົາເຈົ້າໄດ້ປະກົດຕົວເລື້ອຍໆໃນການແຂ່ງຂັນກົ່ງຟູຂະໜາດໃຫຍ່ຕ່າງໆ.
ທ່ານນາງເມີ້ງອິງ ຜູ່ຮັບຜິດຊອບຂອງສຳນັກງານຄຸ້ມຖະໜົນໜິວແຈໄດ້ຕີລາຄາພວກຝຶກກົ່ງຟູຄືແນວນີ້:"ພວກເຂົາເຈົ້າໄດ້ເສີມຂະຫຍາຍບົດບາດອັນແນ່ນອນໃນການຂະຫຍາຍແລະເຜີຍແຜ່ກົ່ງຟູຊາດຈີນ.ກ່ອນອື່ນ,ພວກເຂົາເຈົ້າໄດ້ປະກອບສ່ວນຫຼາຍສົມຄວນໃຫ້ຊາວເຜົ່າຮຸຍຢູ່ຄຸ້ມຖະໜົນໜິວແຈພວກເຮົາ,ໄດ້ມີອາຈານຫຼາຍເຊັ່ນຄົນແລ້ວ,ໄດ້ສືບທອດແລະພັດທະນາກົ່ງຟູຊົນເຜົ່າແລະວັດທະນະທຳຊົນເຜົ່າຂອງຄຸ້ມຖະໜົນໜິວແຈໂດຍຕະຫຼອດ."
ບໍ່ເທົ່າໃດປີມານີ້,ຢູ່ຄຸ້ມຖະໜົນໜິວແຈໄດ້ມ້າງເຮືອນເກົ່າສ້າງເຮືອນໃໝ່,ໂສມໜ້າຂອງຄຸ້ມຖະໜົນໜິວແຈໄດ້ເກີດມີການປ່ຽນແປງຢ່າງໃຫຍ່ຫຼວງ,ແຕ່ເລື່ອງທີ່ບໍ່ປ່ຽນແປງນັ້ນແມ່ນກົ່ງຟູຂອງຄຸ້ມຖະໜົນໜິວແຈ,ແລະຍັງມີຈິດໃຈກົ່ງຟູທີ່ຜູ່ຝຶກກົ່ງຟູຂອງຄຸ້ມຖະໜົນໜິວແຈໄດ້ສືດທອດກັນໄປທຸກເຊັ່ນຄົນ.
1 2 3
|
