ຄົນຝຶກກົ່ງຟູໃນສະມາຄົມກົ່ງຟູຊົນເຜົ່ານີວແຈຄືທ່ານຢາງຫົງລຽງທຳມະດາແມ່ນຝຶກມວຍທີ່ຊື່ວ່າມວຍປາຍຢວນທົ່ງເປ ເຊິ່ງເປັນມວຍທີ່ຊື່ດັງຂອງເຜົ່າຮຸຍ.ເມື່ອກ່າວເຖິງມວຍຊຸດນີ້,ກໍຕ້ອງເອີ່ຍເຖິງທ່ານຈ່າງກຸ້ຍເຈິ່ງ ຜູ່ລິເລີ່ມສ້າງຕັ້ງສະມາຄົມກົ່ງຟູຊົນເຜົ່ານີວແຈ.ທ່ານກໍແມ່ນພໍ່ຂອງທ່ານຈ່າງປິ່ນທີ່ພວກເຮົາໄດ້ກ່າວມາຂ້າງເຖິງນັ້ນ,ແລະກໍແມ່ນອາຈານຂອງທ່ານຢາງຫົງລຽງ,ທ່ານເປັນນັກກົ່ງຟູທີ່ຊື່ດັງ.ທ່ານຈ່າງກຸ້ຍເຈິ່ງເກີດຢູ່ຄຸ້ມຖະໜົນນີວແຈຂອງປັກກິ່ງ,ເລີ່ມຮຽນກົ່ງຟູໃນເວລາອາຍຸ11ປີ.ທ່ານເປັນຄົນສະຫຼາດທັງມີພອນສະຫວັນ,ບວກກັບທ່ານຝຶກແອບຢ່າງດຸໝັ່ນຂະຫຍັນພຽນ,ຈິ່ງໄດ້ຮັບຜົນງານດີໃນວົງການກົ່ງຟູ.
ທ່ານຈ່າງກຸ້ຍເຈິ່ງຝຶກກົ່ງຟູ(ຜູ່ນຸ່ງເສື້ອສີເຫຼືອງ)
ໃນຍາມທ່ານຈ່າງກຸ້ຍເຈິ່ງຍັງໜຸ່ມ, ມວຍປາຍຢວນທົ່ງເປໄດ້ປະເຊີນກັບສະພາບທີ່ມໍ່ຈະສູນເສຍໄປ.ທ່ານພ້ອມກັບລູກສິດລຸ້ນອ້າຍ,ໃຊ້ເວລາ30ປີ,ໄປແຫ່ງຕ່າງໆຢາມນັກມວຍຈົນນັບບໍ່ຖ້ວນ,ໃນທີ່ສຸດ,ຮຽນຮູ້ວິທີຕີມວຍ ຄົບຊຸດຂອງມວຍປາຍຢວນທົ່ງເປທີ່ມໍ່ຈະສູນຫາຍ,ຍັງໄດ້ຮຽບຮຽງວີທີຕີຢ່າງເປັນລະບົບ,ຟື້ນຟູໂສມໜ້າເດີມຂອງລາຍມວຍດັ່ງກ່າວໃນປະຫວັດສາດ.ນອກນີ້,ທ່ານຈ່າງກຸ້ຍເຈິ່ງຍັງໄດ້ແຕ່ງບົດສອນວິທີຕີລາຍມວຍປາຍຢວນທົ່ງເປ,ນີ້ເປັນປະກອບສ່ວນອັນສຳຄັນເຂົ້າໃນການເຮັດໃຫ້ລາຍມວຍດັ່ງກ່າວໄດ້ຮັບການສືບທອດແລະພັດທະນາຢ່າງຄົບຖ້ວນໃນຕໍ່ໄປພາຍໜ້າ.
1 2 3
|
