|
ທ່ານຫວາງຢິ້ວກຸ້ຍແຕ່ງເພງ30ກວ່າປີມານີ້, ທ່ານໄດ້ແຕ່ງເພງຮ້ອງ, ດົນຕີເປຍໂນ, ດົນ
ຕີປະສານສຽງແລະບົດລະຄອນຮ້ອງຢ່າງຫຼວງຫຼາຍ, ໃນນັ້ນ, ພຽງແຕ່ເພງຮ້ອງກໍ່ມີຮ້ອຍ
ກວ່າເພງ. ເພງເຫຼົ່ານີ້ໄດ້ຮັບລາງວັນຫຼາຍເທື່ອໃນການປະກວດດົນຕີປະເພດຕ່າງໆຂອງ
ຈີນ. ທ່ານຫວາງຢິ້ວກຸ້ຍເອງກໍ່ໄດ້ຮັບນາມເປັນສິນລະປິນດີເດັ່ນຜູ່ໜຶ່ງໃນຮ້ອຍຄົນທີ່ມີ
ສິນລະປະຍອດຢ້ຽມແລະຄຸນສົມບັດສູງສົ່ງໃນການປະກວດຄັ້ງປະຖົມມະເລີກຂອງສະ
ຫະພັນວົງການສິນລະປະວັນນະຄະດີຈີນ.
ເພງທີ່ທ່ານພວງຟັງຢູ່ນີ້ແມ່ນເພງເມື່ອເຕີບໃຫຍ່ແລ້ວຂ້ອຍກໍ່ຈະກາຍເປັນເຈົ້າ ເຊິ່ງເປັນ
ເພງທີ່ຂຶ້ນຊື່ລືນາມຂອງທ່ານຫວາງຢິ້ວກຸ້ຍ. ໃນເພງນີ້, ທ່ານຫວາງຢິ້ວກຸ້ຍໄດ້ສະແດງ
ຄວາມຮັກແພງອັນເລິກເຊິ່ງຕໍ່ຄູອາສອນຂອງຕົນ, ແລະກໍ່ໄດ້ສະແດງໃຫ້ເຫັນຄວາມ ເຄົາລົບແລະຄວາມຮັກແພງຕໍ່ຄູສອນຂອງຜູ່ເປັນລູກສິດທັງຫຼາຍ. ໃນງານລາຕີບຸນກຸດ
ຈີນຂອງໂທລະພາບຊີຊີທີວີຈີນເມື່ອປີ1993, ນາງຊຸ້ງຈູຢິ່ງນັກຮ້ອງໜຸ່ມກໍ່ໄດ້ຮ້ອງເພງນີ້, ແລະໄດ້ຮັບຄວາມນິຍົມຊົມຊອບຈາກຜູ່ຊົມຫຼາຍຮ້ອຍລ້ານຄົນຢູ່ຈີນ. ເພງນີ້ກໍ່ໄດ້ຮັບລາງ ວັນຄຳໃນງານປະກວດດົນຕີຈີນທາງໂທລະພາບຄັ້ງປະຖົມມະເລີກໃນປີດຽວກັນ.
1 2 3 4
|
