ນາງຕູ້ຈ່ວນໄດ້ດຳລົງຊີວິດຢູ່ເມືອງເສີງຕູ່ມາຫຼາຍປີແລ້ວ.ນາງເວົ້າວ່າ,ທຳມະດາແລ້ວ ຊາວເສີງຕູ່ແມ່ນເລືອກກິນໝໍ້ໄຟຊະນິດຕ່າງກັນຕາມການປ່ຽນແປງຂອງລະດູການ.ນາງເວົ້າວ່າ:
"ໝໍ້ໄຟຂອງເມືອງເສີງຕູ່ພວກເຮົາມີຫຼາຍຊະນິດ,ທັງແຊບ.ໃນລະດູຕ່າງກັນ ພວກເຮົາຈະກິນໝໍ້ໄຟຊະນິດຕ່າງກັນ.ໃນລະດູຮ້ອນ ພວກເຮົາກິນໝໍ້ໄຟເຜັດ,ເພື່ອໃຫ້ເຫື່ອອອກ,ທັງຫຼຸດຄວາມອ້ວນທັງຮູ້ສຶກສະບາຍ;ໃນລະດູໜາວ ຈະກິນໝໍ້ໄຟແກງສີຂາວທີ່ບຳລຸງຮ່າງກາຍ,ທັງບຳລຸງຜີວ ທັງໃຫ້ຕົວອຸ່ນຂຶ້ນ."
ນ້ຳແກງຂອງໝໍ້ໄຟເສີງຕູ່ມີຫຼາຍຊະນິດ,ອາຫານທີ່ເອົາມາຕົ້ມກິນນັ້ນກໍມີບໍ່ໜ້ອຍ,ຫຼາຍເຖິງຫຼາຍຮ້ອຍຊະນິດ.ໃນເຄື່ອງປຸງເຫຼົ່ານີ້ ມີອາຫານຊະນິດກອບອ່ອນເຊັ່ນ:ແຜ່ນຊີ້ນປາ ແຜ່ນຊີ້ນໝູ ໄສ້ເປັດ ຊີ້ນແກະ,ໃສ່ເຂົ້າໃນໝໍ້ລວກບຶດໜຶ່ງກໍສຸກແລ້ວ,ຍັງມີອາຫານຫຼາຍຢ່າງຄືກະເພາະງົວ ຊີ້ນໄກ່ ເຫັດ ຜັກກາດທະເລເປັນຕົ້ນ, ຕ້ອງຕົ້ມດົນແດ່ຈຶ່ງສຸກ.ສຳລັບອາຫານເຢື່ອງໃດຕ້ອງຕົ້ມດົນປານໃດນັ້ນ,ແມ່ນສຸດແລ້ວແຕ່ລູກຄ້າຈະເຮັດຕາມບົດຮຽນຂອງຕົນ,ມີແຕ່ເຮັດໃຫ້ພໍດ້າມພໍດີ,ຈຶ່ງສາມາດເຮັດໃຫ້ອາຫານມີລົດຊາດແຊບນົວຈົນສຸດຂີດ.
ປະຈຸບັນ,ໝໍ້ໄຟນ້ຳແກງສີແດງແລະສີຂາວ ແມ່ນອາຫານສອງຢ່າງທີ່ຊາວເສີງຕູ່ນິຍົມຫຼາຍກວ່າໝູ່.ນອກນີ້,ອີງຕາມລັກສະນະຕ່າງກັນຂອງອາຫານ,ໄດ້ແປປ່ຽນເປັນໝໍ້ໄຟທີ່ມີລົດຊາດຫຼາຍຊະນິດເຊັ່ນ:ໝຊ້ໄຟອາຫານທະເລ ໝໍ້ໄຟຫົວປາ ໝໍ້ໄຟກະຕ່າຍແລະໝໍ້ໄຟອາຫານປ່າເປັນຕົ້ນ,ຕ່າງມີເອກະລັກພິເສດຂອງຕົນ.
ທ່ານຫ້ານຈິ່ງທີ່ຈາກແຫ່ງອື່ນມາເຮັດວຽກຢູ່ເມືອງເສີງຕູ່,ຍ້ອນວ່າມັກກິນ ໝໍ້ໄຟທຸກຊະນິດ,ລາວຈິ່ງຢູ່ເມືອງເສີງຕູ່ຈົນ 8 ປີ.ລາວເວົ້າວ່າ:
"ສິ່ງທີ່ປະທັບໃຈຢ່າງເລິກເຊິ່ງກວ່າໝູ່ຕໍ່ເມືອງເສີງຕູ່,ແມ່ນໝໍ້ໄຟ,ສາເຫດສຳຄັນອັນໜຶ່ງທີ່ຂ້າພະເຈົ້າຢູ່ເມືອງເສີງຕູ່ກໍມີສ່ວນກ່ຽວຂ້ອງກັບໝໍ້ໄຟ. ໝໍ້ໄຟທີ່ຂ້າພະເຈົ້າມັກກິນກວ່າໝູ່ນັ້ນແມ່ນ"ໝໍ້ປາເຢັນ",ເພາະວ່າຊີ້ນປາອ່ອນ ແຊບທີ່ສຸດ."
"ໝໍ້ປາເຢັນ"ທີ່ທ່ານຫ້ານຈິ່ງເວົ້ານັ້ນ,ແມ່ນໝໍ້ໄຟຊະນິດໃໝ່ທີ່ຫາກໍ່ແຜ່ກັນຫຼາຍໃນຫຼາຍປີມານີ້.ໃນເວລາກິນໝໍ້ປາເຢັນຊະນິດນີ້,ທາງຮ້ານຈະເອົາປາໝໍ້ໜຶ່ງທີ່ຕົ້ມສຸກແລ້ວມາໃຫ້ແຂກກິນກ່ອນ,ຈົນກິນຊີ້ນປາໃຫ້ໝົດແລ້ວ,ຈິ່ງຈູດໄຟອຸ່ນນ້ຳແກງ,ນ້ຳແກງຟົດແລ້ວ,ລູກຄ້າກໍລວກອາຫານອື່ນກິນໄດ້ເລີຍ.
ໝໍ້ໄຟຊະນິດໃໝ່ທີ່ຄ້າຍຄືກັນຍັງມີຫຼາຍຢ່າງ,ເຊັ່ນໝໍ້ໄຟທີ່ບໍ່ໃສ່ນ້ຳແກງ,ຫາກແມ່ນໃສ່ນ້ຳມັນ ຂີງ ໝາກເຜັດແລະແຈ່ວໝາກຖົ່ວເຫຼືອງໃນໝໍ້,ແລ້ວຂົ້ວກັບອາຫານ; ອີກຕົວຢ່າງຄື: ໝໍ້ໄຟນ້ຳຮ້ອນລ້າ,ບໍ່ໃສ່ເຄື່ອງປຸງຫຍັງເລີຍ,ອາຫານທີ່ຕົ້ມສຸກແລ້ວຕ້ອງກິນກັບແຈ່ວ.
1 2 3
|
