|
ເຜົ່າອີທີ່ດຳລົງຊີວິດຢູ່ພາກຕາເວັນຕົກສຽງໃຕ້ຂອງຈີນໄດ້ຮັບຄວາມເອົາໃຈໃສ່ຈາກນັກປາດນັບມື້ນັບຫຼາຍຍ້ອນມີປະຫວັດສາດອັນດົນນານແລະວັດທະນະທຳທີ່ອຸດົມສົມບູນ.ໃນຊຸ່ມປີມານີ້,ການຄົ້ນຄວ້າດ້ານຕ່າງໆຂອງເຜົ່າອີເຊັ່ນສາສະໜາ,ພາສາແລະກາບກອນເປັນຕົ້ນພວມດຳເນີນຢ່າງຄຶກຄັກ,ໂດຍສະເພາະຢູ່ອາເມລິກາແລະຍີ່ປຸ່ນ,ຈົນກະທັ້ງໄດ້ມີອົງການຄົ້ນຄວ້າເຜົ່າອີສຶກສາ. ພວກເຮົາຈະເຂົ້າໃກ້ກັບພວກຄົນທີ່ຄົ້ນຄວ້າເຜົ່າອີສຶກສາຢ່າງຈົດຈໍ່,ໄປຟັງເລື່ອງກ່ຽວກັບພວກເຂົາເຈົ້າກັບເຜົ່າອີສຶກສາ.
ເມື່ອກ່າວເຖິງເຜົ່າອີສຶກສາ,ມີຊາວອາເມລິກາຜູ່ໜຶ່ງໄດ້ສ້າງຄຸນງາມຄວາມດີທີ່ລົບລ້າງບໍ່ໄດ້,ນັ້ນກໍແມ່ນທ່ານຮາແລວ ສຕີແວນ.ທ່ານເປັນສາດສະດາຈານມະນຸດສາດມະຫາວິທະຍາໄລວໍຊິງຕັນນະຄອນຊີແອັດໂທ.ເມື່ອ10ປີກ່ອນ, ທ່ານຮາແລວໄດ້ຮຽກໂຮມນັກວິຊາການຈີນແລະຕ່າງປະເທດ,ຈັດງານສຳມະນາສາກົນເຜົ່າອີສຶກສາຄັ້ງປະຖົມມະເລີກຢູ່ນະຄອນຊີແອັດໂທ.ຈາກນັ້ນມາ,ງານສຳມະນາໄດ້ຈັດຂຶ້ນຢູ່ເຢຍລະມັນແລະຈີນເປັນລຳດັບ,ປັດຈຸບັນໄດ້ຈັດ4ຄັ້ງແລ້ວ,ນັກຄົ້ນຄວ້າເຜົ່າອີສຶກສາລ້ວນແຕ່ຮູ້ສຶກເປັນກຽດທີ່ສາມາດເຂົ້າຮ່ວມງານສຳມະນາດັ່ງກ່າວ.
ພິທີສະຫຼອງບຸນທວນໄຟຂອງເຜົ່າອີ
ທ່ານຮາແລວເປັນຄົນສູງ,ຫົວລ້ານ, ປີໜຶ່ງມີເກືອບເຄິ່ງປີທ່ານໄດ້ດຳລົງຊີວິດຢູ່ບ່ອນທີ່ມີຊາວເຜົ່າອີ ຕັ້ງພູມລຳເນົາຢູ່ຂອງຈີນເຊັ່ນແຂວງເຊສວນ,ແຂວງຢຸນນານແລະແຂວງກຸ້ຍໂຈ່ວເປັນຕົ້ນ.ໃນຊົ່ວໄລຍະນັ້ນ,ຄົນທັງຫຼາຍໄດ້ເຫັນເລື້ອຍໆວ່າທ່ານຮາແລວໄດ້ນຸ່ງເສື້ອແຂນສັ້ນສີດຳແລະມີລວດລາຍສີແດງຂອງເຜົ່າອີ,ໄປທັດສະນະສຶກສາຢູ່ບ້ານເຜົ່າອີ.
ທ່ານຮາແລວປາກພາສາເຜົ່າອີຫຼືພາສາຣັນ,ລົມກັບຊາວບ້ານເຜົ່າອີ,ດັ່ງນັ້ນ ເຂົ້າໃກ້ຊິດຊາວເຜົ່າອີງ່າຍທີ່ສຸດ,ຢູ່ທີ່ປະຊຸມງານສຳມະນາເຜົ່າອີສຶກສາຄັ້ງທີ4ທີ່ຈັດຂຶ້ນຢູ່ກິ່ງແຂວງລຽງຊານເຜົ່າອີປົກຄອງຕົນເອງແຂວງເຊສວນຈີນ,ທ່ານຮາແລວໄດ້ຕ້ອນຮັບການເຂົ້າສຳພາດຂອງນັກຂ່າວ.ທ່ານເວົ້າວ່າ:20ກວ່າປີກ່ອນ,ຜູ່ຄົ້ນຄວ້າເຜົ່າອີບໍ່ຫຼາຍປານໃດ,ທ່ານໄດ້ເລືອກເອົາເຜົ່າອີສຶກສາເປັນຫົວຂໍ້ສຶກສາ,ປັດຈຸບັນ,ເຜົ່າອີແລະເຜົ່າອີສຶກສາໄດ້ກາຍເປັນຍາດຕິພີ່ນ້ອງຂອງທ່ານທີ່ປະຫ່າງຍາກແລ້ວ.ທ່ານເວົ້າວ່າ:
"ພໍເລີ່ມຄົ້ນຄວ້າເຜົ່າອີສຶກສາ, ກໍໄດ້ກາຍເປັນວິຊາຂອງຂ້າພະເຈົ້າ,ກາຍເປັນເນື້ອໃນອັນໜຶ່ງໃນຊີວິດຂອງຂ້າພະເຈົ້າ.ຂ້າພະເຈົ້າໄດ້ພ້ອມກັນກັບນັກວິຊາການເຜົ່າອີສຶກສາຈີນແຕ່ງໜັງສືກ່ຽວກັບເຜົ່າອີສຶກສາສອງຫົວ,ຕໍ່ໄປຍັງຈະແຕ່ງໜັງສືກ່ຽວກັບເຜົ່າອີສຶກສາອີກ."
1 2 3
|
