ທີ່ຈິງແລ້ວ,ເຜົ່າອີແມ່ນຊົນເຜົ່າໜຶ່ງທີ່ມີປະຫວັດມາແຕ່ບູຮານະການ,ໃນໄລຍະທ້າຍສະຕະວັດທີ19,ເຜົ່າອີກໍໄດ້ຮັບຄວາມສົນໃຈຈາກນັກວິຊາການຕ່າງປະເທດແລ້ວ.ໃນເວລານັ້ນ,ນັກວິຊາການ,ນັກຜະຈົນໄພ,ນັກທ່ອງທ່ຽວແລະຜູ່ເຜີຍແຜ່ສາສະໜາ,ເມື່ອໄດ້ທັດສະນະສຶກສາແລະຜະຈົນໄພຢູ່ເຂດຕັ້ງພູລຳເນົາຂອງຊາວເຜົ່າອີແລ້ວ,ໄດ້ແຕ່ງບົດທີ່ກ່ຽວຂ້ອງ,ເລີ່ມຄົ້ນຄວ້າເຜົ່າອີສຶກສາ.ແຕ່ວ່າ,ເຜົ່າອີສຶກສາໄດ້ກາຍເປັນວິຊາການໜຶ່ງແລະໄດ້ຮັບຄວາມເອົາໃຈໃສ່ຫຼາຍກວ່າເກົ່ານັ້ນຍັງແມ່ນໃນຊຸມປີ80ສະຕະວັດແລ້ວນີ້.ຢູ່ຈີນ,ສະຖາບັນຄົ້ນຄວ້າສະເພາະຈຳນວນໜຶ່ງໄດ້ສ້າງຕັ້ງຂຶ້ນ,ນັກນັກວິຊາການເປັນງວດໆໄດ້ເຕີບໃຫຍ່ຂຶ້ນ.ສ່ວນນັກວິຊາການມະນຸດສາດ,ແລະນັກວິຊາການປະເພນີວິທະຍາຂອງອາເມລິກາ,ເຢຍລະມັນ,ຍີ່ປຸ່ນແລະປະເທດອື່ນໆກໍເລີ່ມທັດສະນະສຶກສາແລະຄົ້ນຄວ້າຢູ່ເຂດຕັ້ງພູມລຳເນົາຂອງເຜົ່າອີເລື້ອຍໆ.
ທ່ານເຄັນຈິ ຊາໂນແມ່ນ ສາດສະດາຈານມະຫາວິທະຍາໄລຄານາໂກຂອງຍີ່ປຸ່ນ,ຍ້ອນວ່າໄດ້ຄົ້ນຄວ້າສາສະໜາເຜົ່າອີຫຼາຍປີ,ແລະໄດ້ສະເໜີທັດສະນະຕ່າງໆເຊັ່ນ,ເຮັດແນວໃດຈິ່ງຈະດຳເນີນການສືບທອດໄດ້ໃນສັງຄົມຍຸກປັດຈຸບັນ.ດຽວນີ້,ທ່ານມີຊື່ສຽງອັນແນ່ນອນໃນວົງການເຜົ່າອີສຶກສາ.ທ່ານເຄັນຈິ ຊາໂນເຫັນວ່າ,ສາສະໜາເຜົ່າອີແມ່ນໜຶ່ງໃນບັນດາສາສະໜາດຶກດຳບັນທີ່ຮັກສາໄວ້ຢ່າງສົມບູນໃນໂລກປັດຈຸບັນ.ພາຍຫຼັງໄດ້ລົງເລິກຄົ້ນຄວ້າວັດທະນະທຳປີໂມຂອງເຜົ່າອີແລ້ວ,ທ່ານເຫັນວ່າ,ມັນມີຄວາມໝາຍທີ່ຊ່ອຍໃຫ້ທ່ານຮູ້ຈັກຊົນຊາດຕົນໃຫ້ດີກວ່າເກົ່າ.
ປີໂມເຜົ່າອີ
ປີໂມເປັນຜູ່ເຮັດພິທີສາສະໜາເຜົ່າອີ ຄົນພວກນີ້ເປັນຜູ່ຮັບຜິດຊອບການຕິດຕໍ່ພົວພັນລະຫວ່າງຄົນກັບບັນພະບູລຸດ,ທຳມະຊາດແລະເທບພະເຈົ້າທີ່ເຜົ່າອີເຊື່ອຖື.ປີໂມຜູ່ມີລະດັບສູງຍັງຮູ້ປັດຊະຍາ,ດາລາສາດ,ວິທີປິ່ນປົວ,ພູມີສາດ. ພັນກວ່າປີມານີ້,ປີໂມໄດ້ຫາບແບກໜ້າທີ່ສືບທອດວັດທະນະທຳສັງຄົມເຜົ່າອີ.ທ່ານຄັນຈິຊາໂນເຫັນວ່າ,ວັດທະນະທຳປີໂມມີຕົວໜັງສື,ເປັນສິ່ງສັງລວມວັດທະນະທຳຮູບປະທຳກັບວັດທະນະທຳນາມມະທຳ,ສະນັ້ນ,ຄວນຖືກຈັດເປັນມໍລະດົກວັດທະນະທຳໂລກແລ້ວໃຫ້ໄດ້ຮັບການອະນຸລັກ.
ປີໂມເຜົ່າອີ
1 2 3
|
