|
ບ້ານໂລງຊວນຕາແສງນານປາຍຂອງເມືອງຈຸນອີ້ແມ່ນບ້ານພູດອຍທີ່ ຫາງໄກສອກຫລີກຢູ່ແຂວງກຸ້ຍໂຈ່ວ ພາກຕາເວັນຕົກສຽງໃຕ້ຂອງຈີນ, ເມື່ອຫລາຍເດືອນກ່ອນ, ຊາວບ້ານຢູ່ແຫ່ງນີ້ບໍ່ໄດ້ຄິດເລີຍວ່າ, ຈະສາມາດເບິ່ງຮູບເງົາແລະຮຽນເຕັກນິກໂດຍຜ່ານຄອມພິວເຕີ ເຄື່ອງສາຍພາບສະໄລແລະອຸປະກອນເອເລັກໂຕຼນິກທັນສະໄຫມຕ່າງໆໃນບ້ານ.ບ້ານພູດອຍທີ່ຫ່າງໄກສອກຫລີກຄືບ້ານໂລງຊວນນີ້ຢູ່ຈີນຍັງມີຫລາຍພັນແຫ່ງ, ບ້ານເຫລົ່ານີ້ລ້ວນແຕ່ແມ່ນຜູ່ໄດ້ຮັບຜົນປະໂຫຍດກ່ອນໃນການປະຕິບັດໂຄງການນຳໃຊ້ຊັບພະ ຍາກອນວັດທະນະທຳແລະຂໍ້ມູນຂ່າວສານທົ່ວປະເທດຈີນ.
ສື່ເອເລັກໂຕຼນິກທີ່ຖືອິນເຕີເນັດເປັນແກນກາງໄດ້ກາຍເປັນຮູບການຕົ້ນຕໍອັນຫນຶ່ງໃນການເຜີຍແຜ່ຂໍ້ມູນຂ່າວສານແລະຄວາມຮູ້ໃນຊູ່ມື້ນີ້, ແຕ່ຢູ່ຊົນນະ ບົດແລະເຂດດ້ອຍພັດທະນາອັນໄພສານຂອງຈີນ, ຍ້ອນຄວາມຈຳ ກັດດ້ານເງື່ອນໄຂທຳມະຊາດແລະເສດຖະກິດ, ຄົນທັງຫລາຍຍັງບໍ່ສາມາດນຳໃຊ້ເຄື່ອງມືກ້າວຫນ້າດັ່ງກ່າວນີ້ມາແລກປ່ຽນແລະຮ່ຳຮຽນ.
ເມື່ອ 4 ປີກ່ອນ, ລັດຖະບານຈີນກໍ່ໄດ້ເອົາໃຈໃສ່ນຳສະພາບການດັ່ງ ກ່າວນີ້ແລ້ວ, ແລະໄດ້ພະຍາຍາມແກ້ໄຂດ້ວຍວິທີລັດຖະບານສະຫນອງການບໍລິການສາທາລະນະ,ນີ້ກໍ່ແມ່ນໂຄງການນຳໃຊ້ຊັບພະຍາກອນວັດທະນະ ທຳແລະຂໍ້ມູນຂ່າວສານນຳກັນທົ່ວປະເທດທີ່ເລີ່ມດຳເນີນມາແຕ່ປີ 2002. ປະ ຈຸບັນ, ໂຄງການນີ້ໄດ້ສ້າງສູນລະດັບຊາດແຫ່ງຫນຶ່ງ ສູນສາຂາຂັ້ນຕ່າງໆ ແລະສູນບໍລິການຂັ້ນຮາກຖານ 4226 ແຫ່ງ.ທ່ານຈ່າງເຢ້ນໂປ ຫົວຫນ້າສູນລະດັບຊາດຂອງໂຄງການນີ້ເວົ້າວ່າ:
ໂຄງການດັ່ງກ່າວແມ່ນໂຄງການພື້ນຖານໃນລະບົບບໍລິການວັດທະນະ ທຳສາທາລະນະ. ໂດຍນຳໃຊ້ລະບົບຄຸ້ມຄອງແລະບໍລິ ການແບບຕາຫນ່າງທີ່ກວມທົ່ວປະເທດ, ບັນລຸການສ້າງສາແລະນຳໃຊ້ຊັບພະຍາກອນວັດທະນະ ທຳຂໍ້ມູນຂ່າວສານນຳກັນພາຍໃນຂອບເຂດທົ່ວປະເທດ, ໄດ້ເສີມຂະຫຍາຍບົດບາດສຳຄັນໃນການປົວແປງການບໍລິການວັດທະນະທຳແກ່ມວນຊົນຂັ້ນ ຮາກຖານໃນຕົວເມືອງແລະຊົນນະບົດ. ຜ່ານຈາກວຽກງານຂອງພວກເຮົາ, ເຮັດໃຫ້ແຕ່ລະບ້ານມີວັດທະນະທຳດີຈີຕອນ.
1 2 3 4
|
