|
ໄຕມາດທີຫນຶ່ງໃນປີ 2006 ຫາກໍ່ຜ່ານພົ້ນໄປ, ການເຊື່ອມໂຍງເຂົ້າກັນດ້ານເສດຖະກິດລະຫວ່າງຈີນກັບອາຊີຕາເວັນອອກສຽງໃຕ້ໄດ້ມີການບຸກ ທະລຸຫລາຍຢ່າງຄື ການໄປສະນີໂດຍກົງ ທາງຫລວງຄຸນມິງຫາບາງກອກຕອນສຳຄັນໄດ້ສ້າງສຳເລັດ ການເດີນເຮືອຕາມລຳແມ່ນ້ຳຂອງແລະການຕິດຕໍ່ກັນລະຫວ່າງເຂດສາມຫລ່ຽມປານແມ່ນ້ຳຈູຈຽງກັບອາຊຽນເປັນຕົ້ນ,ການເຊື່ອມໂຍງເຂົ້າກັນດ້ານເສດຖະກິດຢ່າງບໍ່ຢຸດຢັ້ງໄດ້ເຮັດໃຫ້ຄົນທັງຫລາຍເລັງສາຍຕາໃສ່ພາກພື້ນທີ່ມີກຳລັງບົ່ມຊ້ອນດ້ານເສດຖະກິດຢ່າງມະຫາສານແຫ່ງນີ້.
ວັນທີ 31 ມີນາປີ 2006, ຄະນະຜູ່ແທນໄປສະນີຈີນກັບຄະນະຜູ່ແທນໄປສະນີແຫ່ງຊາດລາວໄດ້ເຊັນບົດບັນທຶກຄວາມເຂົາໃຈດ້ານການພັດທະ ນາແລະການຮ່ວມມື,ສອງຝ່າຍຈະບັນລຸການແລກປ່ຽນເຄື່ອງໄປສະນີໂດຍກົງ,ສະຫນອງໃຫ້ການບໍລິການສົ່ງຕໍ່ເຄື່ອງໄປສະນີຂອງປະເທດທີສາມແລະການຈໍລະຈອນພັດສະດຸບໍລິການສາກົນ.ອັນໄດ້ເຮັດໃຫ້ທາງໄປສະນີສັ້ນເຂົ້າ 5500 ກວ່າກິໂລແມັດ,ເຊິ່ງໃນເມື່ອກ່ອນ,ຈົດ ຫມາຍທີ່ຝາກຈາກເມືອງຄຸນມິງໄປຍັງວຽງຈັນນັ້ນ,ຕ້ອງຜ່ານປັກກິ່ງກ່ອນຫລືຜ່ານຊ່ອງແຄບມາລະກາ,ທັງຕ້ອງການເວລານານທັງມີສະມັດຕະພາບຕ່ຳ.
ສອງຝ່າຍຈີນກັບລາວຈະດຳເນີນການຮ່ວມມືດ້ານໄປສະນີ, ຊຸກຍູ້ການຝາກພັດສະດຸ ການແລກປ່ຽນຂໍ້ມູນຂ່າວສານແລະການຈໍລະຈອນພັດສະດຸ ບໍລິການຂອງປະເທດທີ່ກ່ຽວຂ້ອງ,ເຮັດໃຫ້ເວລາສົ່ງເຄື່ອງໄປສະນີລະຫວ່າງຈີນກັບປະເທດແລະພາກພື້ນອາຊຽນສັ້ນເຂົ້າ.ບົນພື້ນຖານດັ່ງກ່າວ,ຍັງຈະພັດທະນາການຈໍລະຈອນພັດສະດຸບໍລິການ ການຝາກເງິນແລະການແລກປ່ຽນເງິນໃນສາກົນ ແລະການແລກປ່ຽນວັດທະນະທຳສະສົມສະແຕມສາກົນເປັນຕົ້ນ.
ໃນຖານເປັນຂອດສຳຄັນຂອງການຈໍລະຈອນພັດສະດຸບໍລິການ, ແລະເປັນຂໍກະແຈຂອງຊ່ອງທາງສາກົນ, ໃນຕົ້ນປີນີ້, ການຄົມມະນາຄົມກໍ່ໄດ້ມີການບຸກທະລຸຫລາຍຢ່າງຄື:ຜ່ານການກໍ່ສ້າງເປັນເວລາເກືອບສາມປີ, ເສັ້ນທາງແຕ່ຄຸນມິງຫາບາງກອກຕອນໃນແດນຈີນຄື ທາງດ່ວນຕອນເມືອງຊືມາວຫາເມືອງສຽວມົງຢາງຂອງສິບສອງພັ່ນນາແຂວງຢຸນນານຈີນໄດ້ສ້າງສຳເລັດແລ້ວ.
ພະແນກຄົມມະນາຄົມແຂວງຢຸນນານແນະນຳວ່າ, ທາງດ່ວນສາຍນີ້ ຍາວ 97,75 ກິໂລແມັດ, ລົງທຶນເກືອບ 4 ຕື້ຢວນ,ແລ່ນລົດໄດ້ໃນວັນທີ 6 ເມສາ.ບັດນັ້ນແຂກຈີນແລະຕ່າງປະເທດທີ່ໄປເຂົ້າຮ່ວມບຸນຫົດນ້ຳ ເຊິ່ງເປັນບຸນປີໃຫມ່ເຜົ່າໄທລື້ຢູ່ກິ່ງແຂວງສິບສອງພັ່ນນາເຜົ່າລື້ປົກຄອງຕົນເອງຂີ່ລົດຈາກເມືອງຄຸນມິງໃຊ້ເວລາພຽງ 7-8 ຊົ່ວໂມງກໍ່ຮອດຊຽງຮຸ່ງແລ້ວ, ໃຊ້ເວລາສັ້ນກວ່າສາມຊົ່ວໂມງທຽບກັບເມື່ອກ່ອນ.
ການພັດທະນາການເດີນເຮືອຕາມລຳແມ່ນ້ຳລ້ານຊ້າງແມ່ນ້ຳຂອງກໍ່ໄດ້ມີການຄືບຫນ້າຢ່າງໃຫຍ່ຫລວງ.ໃນໄລຍະ 5 ປີຄັ້ງທີ 11 ,ຈີນຈະປະສານ ສົມທົບກັບລາວ ມຽນມາແລະໄທສຳເລັດການພິຈາລະນາອະນຸມັດຂໍ້ກຳນົດການເກັບຄ່າຢູ່ເທິງແມ່ນ້ຳຂອງຂອງສາມປະເທດດັ່ງກ່າວ, ເຮັດໃຫ້ການເກັບຄ່າເຂົ້າທ່າແລະກວດກາຂອງສີ່ປະເທດຈີນ ລາວ ມຽນມາແລະໄທເປັນເອກະພາບກັນ, ຊຸກຍູ້ການພັດທະນາຂອງການເດີນເຮືອສາກົນ;ຍາດແຍ່ງໃຫ້ລັດຖະບານລາວ ມຽນມາແລະໄທພິຈາລະນາອະນຸມັດການທົດລອງຂົນສົ່ງນ້ຳມັນສຳເລັດຮູບໂດຍໄວ.ຊຸກຍູ້ຈີນກັບມຽນມາຈັດການເຈລະຈາສັນຍາການຂົນສົ່ງທາງບົກແລະທາງນ້ຳປະສົມລະຫວ່າງຈີນມຽນມາຄືນໃຫມ່, ກໍ່ສ້າງທາງຂົນສົ່ງທາງນ້ຳແລະທາງບົກໂດຍໄວ;ຍາດແຍ່ງເປີດການຂົນສົ່ງໂດຍສານແລະສິນຄ້າລະຫວ່າງລາວ ຫວຽດນາມກັບກິ່ງແຂວງຫົງເຫີຂອງແຂວງຢຸນນານຈີນ,ເພື່ອຂຸດຄົ້ນຄວາມບົ່ມຊ້ອນຂອງແມ່ນ້ຳລ້ານຊ້າງແມ່ນ້ຳ ຂອງໃນການຂົນສົ່ງຢ່າງຮອບດ້ານ.
1 2 3
|
