|
|
 |
| (GMT+08:00)
2006-05-06 19:09:06
|
 |
|
ເສດຖະກິດຈີນກັບອາຊີຕາເວັນອອກສຽງໃຕ້ໄດ້ເຊື່ອມໂຍງເຂົ້າກັນຢ່າງບໍ່ຢຸດຢັ້ງ
cri
ເຖິງວ່າໄດ້ມີການຮ່ວມມືຢ່າງກວ້າງຂວາງແລະມີການກໍ່ສ້າງລະອຽດກໍ່ຕາມ, ແຕ່ຍັງມີຜູ່ຊ່ຽວຊານຫລາຍຄົນເຫັນວ່າ, ກົນໄກທຳຄວາມເຂົ້າໃຈກັນລະຫວ່າງຈີນກັບອາຊີຕາເວັນອອກສຽງໃຕ້ບໍ່ສົມບູນປານໃດ,ຈະມີຫລາຍບັນຫາເກີດຂຶ້ນ, ແລ້ວນຳເອົນຜົນບໍ່ດີມາໃຫ້ການພັດທະນາເສດຖະກິດຂອງພາກພື້ນນີ້.
ທ່ານລີສິງ ຫົວຫນ້າສູນຄົ້ນຄວ້າການພັດທະນາພາກພື້ນຂອງມະຫາວິ ທະຍາໄລຢຸນນານຈີນເຫັນວ່າ, ກົນໄກທຳຄວາມເຂົ້າໃຈກັນລະຫວ່າງຈີນກັບບັນດາປະເທດອາຊີຕາເວັນອອກສຽງໃຕ້ແລະບັນດາປະເທດອະນຸພາກພື້ນແມ່ນ້ຳຂອງບໍ່ກ້ຳເກິ່ງກັນ.ສອງຝ່າຍບໍ່ໄດ້ທຳຄວາມເຂົ້າໃຈກັນຢ່າງບັງເກີດຜົນໃນບັນຫາສຳຄັນຄື ການກະທຳຂອງວິສາຫະກິດແລະການບຸກເບີກຊັບພະຍາກອນນ້ຳເປັນຕົ້ນ.
ທ່ານລີສິງແນະນຳວ່າ, ໂດຍແນໃສ່ນະໂຍບາຍຍົກເວັ້ນພາສີຕໍ່ຜັກແລະຫມາກໄມ້,ຝ່າຍໄທໄດ້ຄົ້ນຄວ້າຢ່າງເປັນລະບົບ,ໄດ້ເກັບກຳສະພາບການຜົນປະໂຫຍດຂອງຊາວກະສິກອນໄທທີ່ຈະໄດ້ຮັບຫລືຖືກທຳລາຍໃນເວລາປະຕິບັດນະໂຍບາຍຍົກເວັ້ນພາສີ,ແລ້ວຮ່າງເອກະສານອັນລະອຽດ.ເມື່ອທຽບໃສ່ກັນແລ້ວ, ການຄົ້ນຄວ້າຄ້າຍຄືກັນນີ້ຂອງຈີນຍັງຫນ້ອຍ, ເກືອບບໍ່ໄດ້ຈັດຕັ້ງການຄົນຄວ້າ.
ໃນຂະນະດຽວກັນ, ທ່ານວາງວານອີງ ຜູ່ຊ່ຽວຊານຂອງສູນຄົ້ນຄວ້າການພັດທະນາພາກພື້ນຂອງມະຫາວິທະຍາໄລຢຸນນານຈີນເຫັນວ່າ, ລັດຖະບານຈີນຂາດບົດຮຽນໃນດ້ານຄຸ້ມຄອງພາກພື້ນ,ໃນເວລາຈີນເຊື່ອມໂຍງເຂົ້າກັບອາຊຽນແລະອະນຸພາກພື້ນແມ່ນ້ຳຂອງນັ້ນ, ເບົ້າແບບເກົ່າແລະທັດສະນະຄະຕິເກົ່າຈະເກີດມີຜົນສະທ້ອນທາງລົບຕໍ່ແກ່ການດຳເນີນວຽກງານແລະການຮ່ວມມືກັນ.
ຜູ່ຊ່ຽວຊານເຫັນວ່າ, ຈີນຈະເຮັດໃຫ້ເສດຖະກິດເຊື່ອມໂຍງເຂົ້າກັບປະເທດອາຊີຕາເວັນອອກສຽງໃຕ້ຢ່າງແທ້ຈິງ, ການບຳລຸງສ້າງຊັບພະຍາກອນມະນຸດທີ່ມີສາຍຕາພາກພື້ນແລະສ້າງກົນໄກເຊື່ອໃຈກັນແລະແລກປ່ຽນກັນໃນວົງການປັນຍາຊົນນັ້ນແມ່ນຂໍກະແຈ.
1 2 3
|
|
|
