|
|
 |
| (GMT+08:00)
2006-05-06 19:09:06
|
 |
|
ເສດຖະກິດຈີນກັບອາຊີຕາເວັນອອກສຽງໃຕ້ໄດ້ເຊື່ອມໂຍງເຂົ້າກັນຢ່າງບໍ່ຢຸດຢັ້ງ
cri
ວັນທີ 28 ມີນາປີ 2006, ງານສັງສັນໂຄງການຮ່ວມມືເສດຖະກິດການຄ້າຢູ່ເຂດສາມຫລ່ຽມປານແມ່ນ້ຳຈູຈຽງຄັ້ງທີສາມໄດ້ຈັດຂຶ້ນຢູ່ຄຸນມິງ.ບັນດາເຂດແຂວງໄດ້ໂຄສະນາໂຄງດຶງດູດການລົງທຶນແລະປະກາດຂ່າວຈຳນົງການລົງທຶນ,ແລະໄດ້ຈັດງານສັງສັນໂດຍແບ່ງເປັນຈຸຂອງຂະແຫນງການຕ່າງໆ.ງານສັງສັນທາງການຈະຈັດຂຶ້ນພ້ອມດຽວກັນກັບງານມະຫະກຳສິນຄ້າຂາເຂົ້າຂາອອກຄຸນມິງຄັ້ງທີ 14 ທີ່ຈະຈັດຂຶ້ນຢູ່ເມືອງຄຸນມິງແຕ່ວັນທີ 6 ຫາວັນທີ 10 ມິຖຸນາ,ງານສັງສັນເທື່ອນີ້ຈະມີຮ້ານວາງສະແດງ 828 ຮ້ານ.
ເວົ້າສຳລັບງານສັງສັນນີ້,ໄດ້ດຶງດູດນັກທຸລະກິດເຂດແຄມທະເລຢ່າງຫລວງຫລາຍໄປເມືອງຄຸນມິງ. ຕາມຫ້ອງການຮ່ວມມືເສດຖະກິດແຂວງຢຸນ ນານແນະນຳວ່າ, ປັດໄຈສຳຄັນທີ່ດຶງດູດຜູ່ລົງທຶນໄປນັ້ນແມ່ນໂອກາດແຝງ ຊ້ອນຂອງກົນໄກ 9+2 ເຊື່ອມໂຍງກັບອາຊຽນ.ທ່ານຈິນເສິງ ຫົວຫນ້າຫ້ອງການຮ່ວມມືພາກພື້ນສາກົນຂອງແຂວງຢຸນນານເວົ້າວ່າ, ງານສັງສັນເສດຖະກິດການຄ້າປານແມ່ນ້ຳຈູຈຽງຄັ້ງທີ 3 ໄດ້ຈັດຫົວຂໍ້ຈຳເພາະຫາລືບັນຫາກົນໄກ 9+2 ເຊື່ອມໂຍງກັບປະເທດອາຊຽນ.
ບໍລິສັດຜະລິດຕະພັນກະສິກຳເຊີ້ນເຈີ້ງຫຸ້ນສ່ວນຈຳກັດທີ່ໄດ້ສ້າງຕາຫນ່າງບຸກເບີກ ບໍລິຫານແລະຂາຍຍົກຜະລິດຕະພັນພາຍໃນປະເທດນັ້ນແມ່ນວິສາຫະກິດຫນຶ່ງຂອງຢູ່ຕ່າງແຂວງທີ່ມາຮ່ວມງານເທື່ອນີ້.ທ່ານມາຈຽນ ຜູ່ຮັບຜິດຊອບວິສາຫະກິດນີ້ເຫັນວ່າ, ການເຂົ້າສູ່ພາກຕາເວັນຕົກສຽງໃຕ້ຂອງຈີນຈະສ້າງພື້ນຖານໃຫ້ແກ່ເຂົາເຈົ້າເຂົ້າສູ່ຕະຫລາດອາຊີຕາເວັນອອກສຽງໃຕ້ໃນມື້ຫນ້າ,ວິສາຫະກິດຈະຊອກຄົ້ນຕະຫລາດອາຊີຕາເວັນອອກສຽງໃຕ້ຢ່າງບໍ່ຢຸດຢັ້ງໃນຂະນະທີ່ສ້າງຕາຫນ່າງຕະຫລາດຢູ່ພາຍໃນປະເທດໃຫ້ຫມັ້ນຄົງ.
ຕໍ່ຄວາມບົ່ມຊ້ອນຂອງຕະຫລາດພາຍຫລັງ 9+2 ເຊື່ອງໂຍງກັບອາຊຽນແລ້ວ, ພໍ່ຄ້າແຂວງເຈີຈ່ຽງແລະເມືອງເວີນໂຈວທີ່ທຸລະກິດຢູ່ແຂວງຢຸນນານກໍ່ສົນໃຈນຳຫລາຍ,ບຸກຄົນວົງການການຄ້າເຫັນວ່າ, ສິນຄ້ານ້ອຍ,ເຄື່ອງໃຊ້ປະຈຳວັນ ຜະລິດຕະພັນກະສິກຳ ແລະຜະລິດຕະພັນອຸດສາຫະກຳເບົາລ້ວນແຕ່ແມ່ນສິນຄ້າທີ່ມີກຳລັງບົ່ມຊ້ອນມະຫາສານໃນຕະຫລາດອາຊຽນ.
ບຸກຄົນວິເຄາະເສດຖະກິດເຫັນວ່າ, ຕາບໃດກົນໄກ 9+2 ເຊື່ອມໂຍງກັບຕະຫລາດບັນດາປະເທດອາຊຽນແລະອາຊີໃຕ້ແລະບັນລຸການຈໍລະຈອນພັດ ສະດຸແລ້ວ,ກໍ່ຈະເກີດມີກຳລັງບົ່ມຊ້ອນດ້ານເສດຖະກິດຢ່າງມະຫາສານ. ພາຍຫລັງເລີ່ມຕົ້ນສ້າງເຂດການຄ້າເສລີຈີນອາຊຽນຢ່າງເປັນທາງການແລ້ວ, ໄຟຟ້າຂອງແຂວງຢຸນນານແລະເຂດກວາງຊີຈີນໄດ້ເປີດຕະຫລາດໃຫຍ່ຢູ່ອາຊີຕາເວັນອອກສຽງໃຕ້,ຄຽງຄູ່ກັບກົນໄກຫມູນເດີນຂອງຕະຫລາດສຸກງອມຂຶ້ນ, ບັນດາແຂວງແຄມທະເລແລະຮົງກົງ ມາກາວຂອງຈີນຈະຊຸກຍູ້ການພັດທະນາເສດຖະກິດການຄ້າຢູ່ພາກພື້ນນີ້ຢ່າງບໍ່ຢຸດຢັ້ງໂດຍອີງໃສ່ທ່າແຮງດ້ານເງິນທຶນ ການເງິນ ຂໍ້ມູນຂ່າວສານ ການບໍລິການ ການຄ້າແລະການຈໍລະຈອນພັດສະດຸເປັນຕົ້ນ.
1 2 3
|
|
|
