|
|
 |
| (GMT+08:00)
2006-05-11 17:21:52
|
 |
|
ທ່ຽວພູທ້າຍຊ່ານໃນລະດູບານໃໝ່
cri
Author: da
ນາງຫຼີຊິ່ງດຳລົງຊີວິດຢູ່ແຫ່ງນີ້ 20 ກວ່າປີແລ້ວ,ນາງເວົ້າວ່າ,ແຂກທ່ອງທ່ຽວທີ່ເຄີຍມາທ່ຽວເມືອງເຟີຍເສີງລ້ວນແຕ່ເອີ້ນແຫ່ງນີ້ເປັນ"ເມືອງລັບແລ,ແດນສະຫວັນຢູ່ເມືອງມະນຸດ".ນາງເວົ້າວ່າ:
"ພວກຂ້າພະເຈົ້າເອີ້ນແຫ່ງນີ້ເປັນ"ໄທ້ຊ່ານຊີ້ວຊີ່"ແປວ່າ"ເຂດໂຊພູໄທ້ຊ່ານ.ເພາະວ່າຢູ່ແຫ່ງນີ້ມີຕົ້ນຄາຍເຕັມພູ,ໃນລະດູບານໃໝ່,ເບິ່ງຈາກທາງໄກ,ດອກຄາຍສີບົວປະດັບປະດາພູຂຽວນ້ຳໃສ,ຖ້າທຽບກັບພູໄທ້ຊ່ານແລ້ວ,ແຫ່ງນີ້ມີເອກະລັກພິເສດຂອງຕົນ."
ຖະໜົນທ່ຽນເຈ່
ບໍ່ວ່າສວນເຊີລີຫຼືສວນໝາກຄາຍເຟີຍເສີງ,ລ້ວນແຕ່ແມ່ນຊົມດອກໄມ້,ສ່ວນສິ່ງທີ່ສາມາດຊ່ອງແສງໃຫ້ເຫັນເອກະລັກຂອງພູໄທ້ຊ່ານໃນລະດູບານໃໝ່ຢ່າງແທ້ຈິງນັ້ນແມ່ນບ່ອນສູງສຸດຂອງພູໄທ້ຊ່ານ.ໃນສາຍຕາຂອງຄົນຈີນສະໄໝບູຮານ,ພູໄທ້ຊ່ານແມ່ນພູທີ່ໃກ້ກັບທ້ອງຟ້າທີ່ສຸດ.ແຂກທ່ອງທ່ຽວປີນຂຶ້ນຮອດປະຕູນານທ່ຽນເມິນ,ຍ່າງເລາະຕາມຖະໜົນທ່ຽນເຈ່,ຈະໄດ້ເຫັນດອກໄມ້ສີແດງແລະຕົ້ນໄຄ້ຂຽວຢ່າງເຕັມຕາ.ໃນລະດູບານໃໝ່ແລະລະດູຮ້ອນ,ຢູ່ເທິງຂົວປູ້ທ່ຽນຢູ່ຖະໜົນທ່ຽນເຈ່ມັກມີສາຍຮຸງເກີດຂຶ້ນເລື້ອຍໆ,ຖ້າຢືນຢູ່ເທິງຂົວເບິ່ງໄປທາງໄກ,ມີລົມເຢັນພັດໂຊຍມາ,ຟັງສຽງນ້ຳບໍ່ໄຫຼລິດໆ,ແຂກທ່ອງທ່ຽວຈະຮູ້ສຶກວ່າເໝືອນທ່ຽວຢູ່ແດນສະຫວັນຄືກັບເທວະດາ.
ລຸງອູເວີຍມິງທີ່ມາປີນພູໂດຍຈຳເພາະ ເຄີຍມາປີນພູໄທ້ຊ່ານເມື່ອ 20 ກວ່າປີກ່ອນ,ແຕ່ພູໄທ້ຊ່ານໃນລະດູບານໃໝ່ປີນີ້ໄດ້ສ້າງພາບປະທັບໃຈອັນເລິກເຊິ່ງພິເສດໄວ້ໃຫ້ເພິ່ນ.ລຸງເວົ້າວ່າ:
"ຂ້າພະເຈົ້າເຄີຍມາປີນພູໄທ້ຊ່ານເມື່ອ 20 ກວ່າປີກ່ອນ,ເທື່ອນັ້ນແມ່ນເທື່ອທຳອິດ,ຈາກປະຕູຈົ່ງທ່ຽນເມີນປີນຂຶ້ນຕໍ່ໄປ.ໃນຄາວນັ້ນ ທາງແຄບຫຼາຍ,ບໍ່ກວ້າງຄືດຽວນີ້,ຢູ່ສອງຟາກທາງລ້ວນແຕ່ແມ່ນຊາກສະຫຼັກຫັກພັງ,ຂັ້ນໄດກໍບໍ່ພຽງປານນີ້.ພູໃນຄາວນັ້ນບໍ່ສະອາດຮຽບຮ້ອຍຄືປະຈຸບັນ,ມີຂອງເສດຢູ່ສອງຟາກທາງ,ຕົ້ນໄມ້ກໍບໍ່ດົກໜາຄືດຽວນີ້."
1 2 3
|
|
|
