|
ໃນຫລາຍປີມໍ່ໆມານີ້, ຂະແຫນງການວັດທະນະທຳແມ່ນຫົວຂໍ້ຈຸດຮ້ອນອັນຫນຶ່ງຢູ່ຈີນ.ອົງການປົກຄອງທຸກຂັ້ນໃຫ້ຄວາມເອົາໃຈໃສ່,ສັງຄົມເຂົ້າຮ່ວມຢ່າງກວ້າງຂວາງ, ແຂວງແລະເຂດປົກຄອງຕົນເອງເກືອບ 2/3 ໃນທົ່ວປະເທດໄດ້ສະເຫນີອອກມາວ່າຈະສ້າງຂະແຫນງການວັດທະນະທຳເປັນຂະແຫນງການເສົາຄ້ຳຂອງທ້ອງຖິ່ນຕົນ.
ໃນຕຶກສິບກວ່າຊັ້ນຢູ່ໃຈກາງນະຄອນອູຮານ ເທດສະບານແຂວງຫູໄປ,ບໍລິສັດກາຕຸນຈ່ຽງທົງກໍ່ກວມສາມຊັ້ນ.ເມື່ອຍ່າງເຂົ້າບໍລິສັດ,ຈະເຫັນແຕ່ໄວຫນຸ່ມທັງຫມົດພວມເຮັດວຽກຢ່າງມີລະບຽບ.ປັດຈຸບັນ ບໍລິສັດທີ່ສ້າງຕັ້ງ ຂື້ນໃນປີ 2000 ຫລັງນີ້ແມ່ນຫນຶ່ງໃນບັນດາບໍລິສັດກາຕຸນທີ່ມີກຳລັງຕົວຈິງກວ່າຫມູ່ຢູ່ຈີນ.ປັດຈຸບັນ, ບໍລິສັດດັ່ງກ່າວພວມສ້າງລະຄອນກາຕຸນເລື່ອງຊຽວຈືຈ້ຽນຊານ ແປວ່າບັກນ້ອຍຈ້ຽນຊານ.ທ່ານຈູໂຢ້ກ້ານ ຜູ່ອຳນວຍການໃຫຍ່ຂອງບໍລິສັດດັ່ງກ່າວເວົ້າວ່າ:
ປັດຈຸບັນ ພວກເຮົາເດີນຕາມເສັ້ນທາງຮ່ວມມືກັບອົງການຈັດຕັ້ງທີ່ກ່ຽວຂ້ອງຢູ່ພາຍໃນແລະຕ່າງປະເທດ,ລະຄອນທີ່ພວກເຮົາຖ່າຍໃນສະເພາະຫນ້ານີ້ແມ່ນໃຫ້ສະຖາບັນຮູບເງົາປັກກິ່ງແລະໂທລະພາບສູນກາງຈີນພ້ອມກັນອອກແບບ,ລວມທັງນັກປະພັນເລື່ອງເຍົາວະຊົນຈຳນວນຫນຶ່ງຂອງເມືອງອູຮານກໍ່ມາຮ່ວມມືກັນ.ເມື່ອກ່າວເຖິງກຳລັງຕົວຈິງແລ້ວ, ບໍລິສັດພວກເຮົາຄວນຢູ່ໃນອັນດັບທີຫນຶ່ງຫາທີຫ້າຢູ່ພາຍໃນປະເທດຈີນ.
ທ່ານຈູໂຢ້ກ້ານເວົ້າວ່າ, ນອກຈາກປະດິດສ້າງໂດຍຕົນເອງແລ້ວ,ປັດຈຸ ບັນ,ບໍລິສັດນີ້ພວມຮ່ວມມືກັບບໍລິສັດຂອງສິບກວ່າປະເທດແລະເຂດແຄວ້ນເພື່ອຖ່າຍທຳລະຄອນຕຸນ.ຕົວຢ່າງຄືເລື່ອງເປັດອະວະກາດ (The Space Hip Hot Duck)ທີ່ຮ່ວມມືກັບບໍລິສັດຊັນວູຂອງສາທາລະນະລັດເກົາຫລີ,ເລື່ອງຄອບຄົວພາກພູມໃຈ(The Proud Family)ທີ່ຮ່ວມມືກັບບໍລິສັດໄຮເພີຣີອອນອານີໄມຊັນຂອງອາເມລິກາ,ເລື່ອງຫມີເບັນເຈມີນ(Benjemi Bear)ທີ່ຮ່ວມມືກັບບໍລິສັດແອມເບີວຸດຂອງອີຕາລີເປັນຕົ້ນ,ລ້ວນແຕ່ໄດ້ຮັບປະສິດທິຜົນເປັນຢ່າງດີ.ທ່ານຈູໂຢ້ກ້ານເວົ້າວ່າ, ເປົ້າຫມາຍຂອງບໍລິສັດກາຕຸນຈ່ຽງທົງແມ່ນກາຍເປັນບໍລິສັດໃຫຍ່ທີ່ມີຊື່ລືນາມໃນສາກົນ.
1 2 3 4
|
