|
|
 |
| (GMT+08:00)
2006-06-01 21:01:01
|
 |
|
ທ່ຽວວັດຝາເມີນ
cri
Author: da
ທ່ານຢາວອິນລຽງເວົ້າວ່າ:
ພະສາລີລິກະທາດ
"ວັດທະນະທຳພຸດທະສາສະໜາຂອງວັດຝາເມິນແມ່ນໜຶ່ງບໍ່ມີສອງໃນທົ່ວປະເທດຈີນ,ພະສາລີລິກະທາດຂອງພະສາກະຍະມູນີຢູ່ແຫ່ງນີ້,ຢູ່ແຫ່ງນີ້ໄດ້ຂຸດພົບເພັດນິນຈິນດາຂອງລາຊະວົງຖາງຢ່າງຫຼວງຫຼາຍ.ພວກຂ້າພະເຈົ້າຈັດການເຄື່ອນໄຫວທຸກປີ,ໄດ້ດູດດຶງແຂກທ່ອງທ່ຽວຈຳນວນຫຼວງຫຼາຍ."
 ຕາມແນະນຳວ່າ,ປີ1988,ວັດຝາເມີນໄດ້ປະຕິສັງຂອນຢ່າງໃໝ່ອ່ຽມ,ໄດ້ເປີດປະຕູສູ່ໂລກຄືນໃໝ່.ທາດທີ່ສ້າງໃໝ່ຕາມຮູບເດີມສູງ 47 ແມັດ,ສະຫງ່າຜ່າເຜີຍຫຼາຍ,ຢູ່ໃນທາດຍັງໄດ້ສ້າງຂັ້ນໄດໃຫ້ແຂກທ່ອງທ່ຽວປີນຂຶ້ນຈ້ອງມອງທາງໄກ.ວັງໃຕ້ດິນກໍໄດ້ປະຕິສັງຂອນໃໝ່ຕາມຮູບເດີມ,ໃຫ້ພຸດທະສາສະນິກະຊົນບູຊາແລະແຂກທ່ອງທ່ຽວຊົມເບິ່ງ.ແຕ່ສິ່ງທີ່ຕ່າງກັບເມື່ອກ່ອນນັ້ນແມ່ນ,ຢູ່ເບື້ອງຕາເວັນຕົກຂອງວັດ,ໄດ້ສ້າງຫໍພິພິທະພັນຫຼັງໜຶ່ງເພື່ອວາງສະແດງວັດຖຸບູຮານອັນລ້ຳຄ່າຂອງລາຊະວົງຖາງທີ່ຂຸດໄດ້ຈາກວັງໃຕ້ດິນ.ປະຈຸບັນ,ເມື່ອທ່ຽວວັດຝາເມີນແລ້ວ ແຂກທ່ອງທ່ຽວສາມາດໄປຊົມຫໍພິພິທະພັນໂລດ,ຊົມເບິ່ງເພັດນິນຈິນດາເຫຼົ່ານີ້ຢ່າງຈະແຈ້ງ.ພະສາລີລິກະທາດພະຄຸລີແລະເພັດນິນຈິນດາອື່ນໆທີ່ບູຊາໃນວັດຝາເມີນຍັງໄດ້ຖືກສົ່ງໄປບູຊາຢູ່ໄທ ສ.ເກົາຫຼີ ເຂດໄຕ້ຫວັນແລະເຂດຮົງກົງຂອງຈີນເປັນຕົ້ນ,ວັດຝາເມີນຍັງແຮກສ່ຽວເປັນ"ວັດອ້າຍນ້ອງ"ກັບວັດໂດຊິນຊາຂອງສ.ເກົາຫຼີ.
ໃນເດືອນເມສາແຕ່ລະປີ,ວັດຝາເມີນຍັງຈະຈັດບຸນທ່ອງທ່ຽວວັດທະນະທຳສາກົນ.ໃນໄລຍະບຸນທ່ອງທ່ຽວ,ວັດຝາເມີນຈະຈັດ"ງານສົມໂພດອະທິຖານ"ແລະເຄື່ອນໄຫວອື່ນໆເຊັ່ນງານວາງສະແດງເພັດນິນຈິນດາທີ່ຍອດຢ້ຽມຂອງລາຊະວົງຖາງເປັນຕົ້ນ,ໃນນັ້ນ "ງານສົມໂພດອະທິຖານ"ແມ່ນທຳມະການຂອງພຸດທະສາສະໜາທີ່ອະທິຖານສັນຕິພາບຂອງໂລກ,ມີພາບໃຫຍ່ໂຕມະຫາສານທີ່ເຫັນຍາກໃນມື້ທຳມະດາ.
1 2 3
|
|
|
