|
|
 |
| (GMT+08:00)
2006-06-21 18:31:52
|
 |
|
ຄະນະດົນຕີ"ເຫີ່ຍຢ່າຈື"ກັບເພງຂອງພວກນາງ
cri
Author: mo
ນອກຈາກຮ້ອງເພງເອກແລະເພງສະຫຼັບໃນເລື່ອງໂທລະພາບແລ້ວ, ຄະນະດົນຕີ"ເຫີ່ຍຢ່າຈື"ມັກ
ຮ້ອງເພງທີ່ຮຽບຮຽງໃໝ່. ຜູ້ຟັງສ່ວນຫຼາຍເຫັນວ່າ, ຮ້ອງເພງຂອງຜູ້ອື່ນທີ່ຮຽບຮຽງໃໝ່ບໍ່ສາມາດສະແດງຈຸດດີເດັ່ນຂອງນັກຮ້ອງ. ແຕ່ການຂັບຮ້ອງຂອງຄະນະດົນຕີ"ເຫີ່ຍຢ່າຈື"ພັດມ່ວນໄປອີກຢ່າງໜຶ່ງ, ພວກນາງຊຳນານທີ່ສຸດແມ່ນໃຊ້ການປະສານສຽງທີ່ມ່ວນອອນຊອນຈູງໃຈຜູ້ຟັງ, ເພງໄວມ່ວນເບົາອ່ອນຊ້ອຍປານນ້ຳໄຫຼ, ເພງຊ້າລະມ່ອມລະໄມຈັບໃຈ, ຄືດັ່ງແຕ້ມຮູບດ້ວຍສຽງເພງ, ນຳເອົາຄວາມເພີ້ຝັນຝັກໄຝ່ອັນບໍ່ສຸດສ້ຽງມາໃຫ້ຄົນທັງຫຼາຍ.
ທ້າຍຊຸມປີ 90 ສະຕະວັດທີ່ແລ້ວ, ນາງລູ້ລີ້ລີ້ແລະນາງອິນຊູ່ຈ້ານໄດ້ອອກຈາກຄະນະດົນຕີເ ຫີ່ຍຢ່າຈືຕໍ່ເນື່ອງກັນ. ປີ 2003, ນາງສີຊີ້ວເສຍ ຜູ້ລິເລີ່ມສ້າງຄະນະດົນຕີ"ເຫີ່ຍຢ່າຈື"ໄດ້ເລືອກເອົານາງອຽງມ້ານແລະນາງຝານທົງໂຈວທີ່ຮຽນວິຊາຮ້ອງເພງໄດ້ປະກອບເປັນຄະນະ"ເຫີ່ຍຢ່າຈື"ຄະນະໃໝ່. ບົນພື້ນຖານຮັກສາເອກະລັກເດີມນັ້ນ, "ເຫີ່ຍຢ່າຈື"ທີ່ປະກອບຄືນໃໝ່ໄດ້ເພີ່ມສີສັນປະສານສຽງແລະພະລັງຊີວິດອັນສົດໃສຫຼາຍກວ່າເກົ່າ. ຕໍ່ໄປເຊີນຟັງເພງ"mei li de cao yuan wo de jia" ທົ່ງຫຍ້າທີ່ສວຍງາມ ບ້ານເກີດຂອງຂ້າ ຊື່ງຂັບຮ້ອງໂດຍຄະນະດົນຕີ"ເຫີ່ຍຢ່າຈື". ເພງນີ້ໄດ້ວາດພາບທົ່ງຫຍ້າທີ່ງາມປານແຕ້ມແລະຊີວິດອັນສຸກສັນຂອງຊາວລ້ຽງສັດ.
"ທົ່ງຫຍ້າຂຽວສະອຸ້ມ ມວນມາລາສັບຫວ່າງ, ເຫັນທັງຝູງນົກຮ້ອງ ຝູງກະເບື້ອຢ່ອງຕອມ, ອັດຊະໄນໝູ່ມ້າ ທັງໂຄແກະຂາວປອດ, ງາມດັ່ງມວນມ່ານເມກ, ປະດັບຟ້າພັດສະຖານ, ສຸລິຍາຍ້າ ສາຍແສງໃສ່ສ່ອງ, ຍິນແຕ່ນວນນາງຮ້ອງ ເພງສະອອນບ້ານເກີດ. ບໍ່ມີຖິ່ນໃດເລີດ ກວ່າບ້ານນ້ອງທົ່ງຂຽວ ແທ້ໃດ!"
1 2 3
|
|
|
