|
|
 |
| (GMT+08:00)
2006-06-21 18:31:52
|
 |
|
ຄະນະດົນຕີ"ເຫີ່ຍຢ່າຈື"ກັບເພງຂອງພວກນາງ
cri
Author: mo
ຫຼັງຈາກຄະນະດົນຕີ"ເຫີ່ຍຢ່າຈື"ປະກອບຄືນໃໝ່ແລ້ວບໍ່ດົນ, ກໍໄດ້ຮັບຄວາມເອົາໃຈໃສ່ຈາກບໍລິສັດແຜ່ນສຽງ. ເດືອນກໍລະກົດປີ 2003, ຄະນະດົນຕີ"ເຫີ່ຍຢ່າຈື"ໄດ້ອັດCDແຜ່ນໃໝ່ທີ່ໃຫ້ຊື່ວ່າ"liu xing de jing dian" ເພງມ່ວນອະມະຕະ, ແລະໄດ້ເຂົ້າຮ່ວມການອັດCDອະນຸລັກສິ່ງແວດລ້ອມແຜ່ນທຳອິດຂອງຈີນໃນທ້າຍປີດຽວກັນ, ແຕ່ປີ 2004 ເປັນຕົ້ນມາ, ຄະນະ"ເຫີ່ຍຢ່າຈື"ຍັງໄດ້ອັດCDອີກຫຼາຍແຜ່ນເຊັ່ນ"ban ni er shi nian"ເປັນເພື່ອນເຈົ້າ 20 ປິ, ແລະອື່ນໆ. ຕໍ່ໄປເຊີນຟັງເພງ"qing shen shen yu meng meng" ຮັກກັນຢ່າງເລິກເຊິ່ງ ຂັບຮ້ອງໂດຍຄະນະດົນຕີ"ເຫີ່ຍຢ່າຈື".
ໃນຫຼາຍປີມານີ້, ຄະນະ"ເຫີ່ຍຢ່າຈື"ໄດ້ສ້າງພື້ນຖານອັນໜາແໜ້ນໃນວົງດົນຕີສະໄໝນິຍົມຂອງຈີນ, ນັກດົນຕີແລະນັກຮ້ອງທີ່ມີຊື່ສຽງຫຼາຍໆຄົນເຄີຍຮ່ວມມືກັບຄະນະ"ເຫີ່ຍຢ່າຈື"ບໍ່ຫຼາຍກໍໜ້ອຍ, ພວກເຂົາເຈົ້າຖືການຂັບຮ້ອງຂອງຄະນະ"ເຫີ່ຍຢ່າຈື"ເປັນ"ມາດຖານການປະສານສຽງ". ພື້ນຖານດົນຕີທີ່ໜາແໜ້ນ ບົດຮຽນຂັບຮ້ອງອັນອຸດົມສົມບູນ ແລະຄວາມຮູ້ສຶກແຫລມຄົມຂອງການປະສານສຽງ, ໄດ້ປະກອບເປັນລັກສະນະແລະສະເໜສີລະປະອັນພິເສດຂອງ"ເຫີ່ຍຢ່າຈື". ພວກນາງໄປໆມາລະຫວ່າງເວທີສະແດງແລະຫ້ອງອັດສຽງແຫ່ງຕ່າງໆຂອງຈີນ, ສ້າງຊີວິດອັນດີງາມຂອງພວກນາງ. ມ້ວນທ້າຍລາຍການມື້ນີ້, ເຊີນຟັງເພງ"hua xin" ຫຼາຍໃຈ ຂັບຮ້ອງໂດຍ ຄະນະດົນຕີ"ເຫີ່ຍຢ່າຈື".
"ໃຈດອກໄມ້ລີ້ຢູ່ໃນເກສອນ, ຈົນພາດລະດູເບັ່ງບານ, ເຈົ້າລືມລະດູການ, ບໍ່ເປີດໃຫ້ຄົນເຂົ້າໃຈງ່າຍ, ເປັນຫຍັງບໍ່ຈູງແຂນຂ້ອຍໄປຟັງດວງຕາເວັນແລະດວງຈັນຮ້ອງເພງ? ຟ້າມືດຟ້າແຈ້ງ, ຊີວິດຄົນເຮົາຈະມີຄາວມ່ວນຊື່ນຈັກປີ? ລະດູບານໃໝ່ຜ່ານໄປແລ້ວຍັງຈະຕ່າວກັບຄືນອີກ, ດອກໄມ້ໂຮຍແລ້ວຍັງຈະບານໃໝ່, ຂໍແຕ່ເຈົ້າຍິນດີ, ຂ້ອຍພາຍເຮືອມຸ່ງໄປຫາໃຈທະເລຂອງເຈົ້າ.
ເອົາລະ ທ່ານຜູ້ຟັງທີ່ເຄົາລົບ, ລາຍການຢ່ອນອາລົມໃນວັນເສົາພາກນີ້ຂໍຈົບລົງທໍ່ນີ້, ຂອບໃຈທ່ານທີ່ຮັບຟັງ, ສະບາຍດີ.
1 2 3
|
|
|
