|
|
 |
| (GMT+08:00)
2006-06-22 21:23:23
|
 |
|
ອາຫານເຊສວນ
cri
Author: da
|
ທີ່ນີ້,ວິທະຍຸສາກົນແຫ່ງປະເທດຈີນ,ສະບາຍດີ ທ່ານຜູ້ຟັງທີ່ໂຄລົບ,ຊົມເຊີຍທ່ານເຂົ້າສູ່ລາຍການທ່ຽວເມືອງຈີນ.ເມື່ອເວົ້າເຖິງແຂວງເຊສວນພາກຕາເວັນຕົກຂອງຈີນ,ນອກຈາກພູແລະພະພຸດທະຮູບໃຫຍ່ທີ່ມີຊື່ລືນາມແລ້ວ,ສິ່ງທີ່ສ້າງພາບປະທັບໃຈອັນເລິກເຊິ່ງກວ່າໝູ່ໄວ້ໃຫ້ນັກທ່ອງທ່ຽວນັ້ນແມ່ນອາຫານເຊສວນທີ່ມີລົດຊາດພິເສດ.ອາຫານເຊສວນແມ່ນອາຫານປະເພດໜຶ່ງໃນລະບົບອາຫານທີ່ມີຊື່ສຽງ 8 ລະບົບຂອງຈີນ,ມີປະຫວັດ2ພັນກວ່າປີແລ້ວ.ໃນລາຍການມື້ນີ້,ດາລາວັນຈະແນະນຳອາຫານເຊສວນສູ່ທ່ານຟັງ.
ອາຫານເຊສວນມີຈຸດພິເສດສາມຂໍ້ຄື ໃຊ້ເຄື່ອງປຸງຫຼາຍຢ່າງ ມີລົດຊາດຫຼາຍແນວແລະເໝາະກັບຄົນສ່ວນຫຼາຍ,ໃນນັ້ນຈຸດພິເສດໃຫຍ່ກວ່າໝູ່ແມ່ນລົດຊາດເຜັດມຶນ.ແຂວງເຊສວນຕັ້ງຢູ່ໃນຫຼົ້ງ,ດິນຟ້າອາກາດຊຸ່ມເຢັນ,ຄົນທັງຫຼາຍເລີຍຖືການກິນຂອງເຜັດເປັນວິທີດີໃນການແກ້ຄວາມຊຸ່ມເຢັນ.ດົນຕາມດົນ,ຄົນທ້ອງຖິ່ນກໍເບີຍລຶ້ງກິນຂອງເຜັດແລ້ວ.
ທ່ານລິວຮວຍຊຸ່ນແມ່ນພໍ່ຄົວອາຫານເຊສວນຂອງໂຮງແຮມຂັ້ນດາວຫຼັງໜຶ່ງ.ທ່ານເວົ້າວ່າ:
"ອາຫານເຊສວນຕົ້ນຕໍແມ່ນເຜັດມຶນ ແຊບນົວ ສົດໃສແລະຖືກປາກ. ອາດເວົ້າໄດ້ວ່າ ອາຫານເຊສວນແມ່ນຄອງອັນດັບໜຶ່ງໃນອາຫານ 8 ລະບົບຂອງຈີນ.ອາຫານເຊສວນມີຫຼາຍໆຢ່າງແມ່ນຄົນທັງຫຼາຍມັກກິນ,ເຊັ່ນ:ຂົ້ວຊີ້ນໄກ່ໃສ່ໝາກເຜັດແລະໝາກຖົ່ວດິນ ເຕົ້າຮູ້ມຶນແລະຂົ້ວຊີ້ນໝູເປັນຕົ້ນ,ລ້ວນແຕ່ມີຊື່ສຽງຫຼາຍ."
 ມາຮອດປະຈຸບັນ,ອາຫານເຊສວນໄດ້ພັດທະນາຮອດ 4 ພັນກວ່າເຍື່ອງແລ້ວ.ຍົກອາຫານເຊສວນຂຶ້ນມາເຕັມໂຕະ,ກໍ່ບໍ່ມີເຍື່ອງໃດຊ້ຳກັນ.ເວົ້າດ້ານລົດຊາດແລ້ວ,ມີລົດຊາດທຳມະດາຄືເຄັມ ນົວແລະເຜັດໜ້ອຍໜຶ່ງ;ມີລົດຊາດປ້ຽວຫວານຄືເຄັມ ຫວານ ສົ້ມ ເຜັດຫອມແລະນົວ; ມີລົດຊາດແປກທີ່ມີລົດຊາດຕ່າງໆປົນໃສ່ກັນ;ຍັງມີລົດຊາດໃສ່ນ້ຳມັນໝາກເຜັດ ລົດຊາດເຜັດມຶນທີ່ໃສ່ໝາກພິກໄທເປັນຕົ້ນ.ແຕ່ອາຫານສ່ວນຫຼາຍມີຈຸດພິເສດເຊັ່ນດຽວກັນນັ້ນກໍແມ່ນເຜັດ.ຄັນຊັ້ນ,ທ່ານອາດຈະຖາມວ່າ,ອາຫານເຊສວນມີຫຼາຍເຍື່ອງປານນີ້,ເຍື່ອງໃດມີລັກສະນະຕົວແທນຢ່າງຫຼາຍກວ່າ?ຖ້າວ່າທ່ານມາທ່ຽວເມືອງຈີນ,ພໍດີໄປກິນເຂົ້າຢູ່ຮ້ານອາຫານເຊສວນ,ທ່ານຕ້ອງສັ່ງອາຫານຫຼາຍເຍື່ອງຄືດັ່ງນີ້,ຄື:ຕົ້ມຊີ້ນງົວໃສ່ໝາກເຜັດ ເຕົ້າຮູ້ເຜັດມຶນ ຊີ້ນຂາໝູ ແລະຂົ້ວຊີ້ນໄກ່ໃສ່ໝາກເຜັດແລະໝາກຖົ່ວດິນ,ອາຫານເຫຼົ່ານີ້ແມ່ນຕົວແທນຂອງອາຫານເຊສວນ,ອາຫານເຍື່ອງໃດກໍມີຄວາມເປັນມາຂອງໃຜລາວ.
"ຂົ້ວຊີ້ນໄກ່ໃສ່ໝາກເຜັດແລະໝາກຖົ່ວດິນແມ່ນເອົາໝາກເຜັດຂຽວ ໝາກຖົ່ວດິນຂົ້ວແລະຊີ້ນໄກ່ມາຂົ້ວນຳກັນ.ຕາມເລົ່າລືກັນວ່າໃນທ້າຍລາຊະວົງຊິງເມື່ອ100ກວ່າປີກ່ອນ,ເຈົ້າໜ້າທີ່ທີ່ຊື່ວ່າ"ຕິງປາວເຈິ່ນ"ມັກຂົ້ວຊີ້ນໄກ່ມາຕ້ອນຮັບແຂກ,ໄດ້ຮັບຄວາມນິຍົມທີ່ສຸດຈາກແຂກ.ຍ້ອນວ່າຊື່ຕຳແໜ່ງຂອງຕິງປາວເຈີ່ນແມ່ນ"ກົ່ງປາວ",ອາຫານເຍື່ອງນີ້ຈຶ່ງຖືກຄົນທັງຫຼາຍເອີ້ນເປັນ"ກົ່ງປາວຈີ່ຕິ່ງ"ແປວ່າ"ຂົ້ວຊີ້ນໄກ່ໃສ່ໝາກເຜັດແລະໝາກຖົ່ວດິນ.ພາຍຫຼັງມາ,ຈຶ່ງຄ່ອຍໆກາຍເປັນອາຫານເຍື່ອງໜຶ່ງທີ່ມີຊື່ສຽງຂອງອາຫານເຊສວນ.
1 2 3
|
|
|
