|
|
 |
| (GMT+08:00)
2006-06-22 21:23:23
|
 |
|
ອາຫານເຊສວນ
cri
Author: da
ສ່ວນຜູ້ປະດິດສ້າງອາຫານ"ມາໂພເຕົ້າຮູ້"ຂົ້ວເຕົ້າຮູ້ໃສ່ໝາກພິກໄທມຶນນັ້ນ,ຕາມເວົ້າກັນວ່າແມ່ນແມ່ເຖົ້າຂາຍເຕົ້າຮູ້ຜູ້ໜຶ່ງ,ໃນເວລາຂາຍບໍ່ດີ,ຈະເຫຼືອເຕົ້າຮູ້ຫຼາຍ.ແມ່ເຖົ້າຜູ່ນີ້ມີເພື່ອນຂ້າງເຮືອນທີ່ຂາຍຊີ້ນງົວຜູ້ໜຶ່ງ,ສອງຄອບຄົວນີ້ດີຕໍ່ກັນຫຼາຍ,ເພື່ອນຂ້າງເຮືອນຜູ້ນີ້ມັກອອກຊີ້ນງົວໃຫ້ແມ່ເຖົ້າເລື້ອຍໆ.ແມ່ເຖົ້າກໍຊອຍຊີ້ນງົວ,ຂົ້ວກັບເຕົ້າຮູ້.ຍ້ອນວ່າຢູ່ໜ້າຂອງແມ່ເຖົ້າມີຂີ້ແມງວັນ,ອາຫານເຍື່ອງນີ້ຈຶ່ງຖືກຄົນທັງຫຼາຍເອີ້ນເປັນ"ມາໂພເຕົ້າຮູ້".
ທ່ານຜູ້ຟັງທີ່ເຄົາລົບ,ຖ້າທ່ານໄປທ່ຽວເມືອງເສີງຕູ່ ເທດສະບານແຂວງເຊສວນ,ຕ້ອງໄປຊີມອາຫານເຊສວນອ້ອຍຕ້ອຍຢູ່ຮ້ານອາຫານທີ່ມີຊື່ສຽງສ່ວນໜຶ່ງເຊັ່ນ:ຮ້ານ"ເສີນມາໂພເຕົ້າຮູ້" ຮ້ານ"ໄຊ້ເກິ່ນຊ່ຽງ" ຮ້ານ"ໄປຕີ້ເສີງຈີວເຈ່ຍ"ເປັນຕົ້ນ.ທີ່ຈິງແລ້ວ,ຢູ່ຈີນ ແຫ່ງໃດກໍສາມາດຊີມອາຫານເຊສວນທີ່ອ້ອຍຕ້ອຍໄດ້.ເວົ້າສຳລັບປັກກິ່ງແລ້ວ,ຢູ່ທຸກແຫ່ງຫົນເມືອງປັກກິ່ງລ້ວນແຕ່ມີຮ້ານອາຫານເຊສວນເຊັ່ນ:ຮ້ານ"ເຟີ້ຍເຖີງອີຊ່ຽງ" ຮ້ານ"ຮວງເສີງຫຼາວມ່າ" ຮ້ານ"ຊົງຊິ້ງໂຫໂກ່ເສີງ" ຮ້ານ"ອີຊິ້ງຈີວເຈ່ຍ"ເປັນຕົ້ນ.ເພື່ອໃຫ້ຖືກກັບລົດນິຍົມແລະຄວາມຊິນເຄີຍໃນການກິນຂອງແຫ່ງຕ່າງໆ,ຊາວເຊສວນຍັງໄດ້ປົວແປງລົດຊາດອາຫານເຊສວນ.ທ່ານລິວຮວຍຊຸ່ນ ພໍ່ຄົວອາຫານເຊສວນເວົ້າວ່າ:
"ປະຈຸບັນ ຢູ່ບັນດາຕົວເມືອງ,ອາຫານເຊສວນຂາຍດິບຂາຍດີທີ່ສຸດ,ດີກວ່າອາຫານລະບົບອື່ນ.ເອກະລັກຕ່າງກັນໃນການທຸລະກິດຂອງບັນດາຮ້ານອາຫານ,ສ່ອງແສງໃຫ້ເຫັນວັດທະນະທຳອາຫານການກິນຂອງແຂວງເຊສວນ,ໄດ້ເອົາວັດທະນະທຳແຂວງເຊສວນເຊື່ອມໂຍງເຂົ້າກັບອາຫານການກິນ.ອາຫານເຊສວນສາມາດກວມຕະຫຼາດທີ່ດີຂອງແຫ່ງຕ່າງໆ,ສາມາດເໝາະກັບລົດນິຍົມຂອງຄົນໃນທ້ອງຖິ່ນຕ່າງກັນ,ສາມາດປຸ່ງແຕ່ງລົດຊາດທີ່ເໝາະແກ່ຄົນໃນແຫ່ງຕ່າງໆ."
ກໍເໝືອນດັ່ງຄຳເວົ້າຂອງທ່ານລິວຮວຍຊຸ່ນ,ອາຫານເຊສວນໄດ້ຮັບຄວາມນິຍົມຊົມຊອບທີ່ສຸດຢູ່ບັນດາຕົວເມືອງຂອງຈີນ.ເຖິງວ່າອາຫານເຊສວນເຜັດຫຼາຍກໍຕາມ,ແຕ່ຄົນສ່ວນຫຼາຍກໍຍັງມັກກິນ.ພວກເຂົາເຈົ້າມັກກິນອາຫານເຊສວນຈົນເຖິງຂັ້ນຫຼາຍມື້ບໍ່ໄດ້ກິນກໍຢາກກິນ.ທ່ານໂຈ່ວອີ້ຫູນິຍົມອາຫານເຊສວນຫຼາຍ,ເພິ່ນໄດ້ບອກສະເໜອາຫານເຊສວນໃຫ້ຟັງວ່າ:
"ມີເທື່ອໜຶ່ງ,ຂ້າພະເຈົ້າກິນອາຫານ"ມາລ້າຈຶຈີ່"ແປວ່າ"ຂົ້ວຊີ້ນໄກ່ເຜັດມຶນ"ໃນຈານແດງມີໝາກເຜັດກອງໃສ່ຊີ້ນໄກ່.ຂ້າພະເຈົ້າຮູ້ສຶກແປກຫຼາຍ.ແຕ່ເມື່ອຊີມແລ້ວ ຈັ່ງແມ່ນແຊບຫຼາຍ,ຂ້າພະເຈົ້າກໍມັກອາຫານເຊສວນໂລດ.ເມື່ອກິນອາຫານເຊສວນມາຫຼາຍປີ,ຮູ້ສຶກວ່າ ລົດຊາດອາຫານເຊສວນໜັກປາກຫຼາຍ,ເໝາະກັບລົດຊາດນິຍົມຂອງຂ້າພະເຈົ້າຫຼາຍ."
1 2 3
|
|
|
