|
ແຟນບານເຕະອາລາບີຊາອູດິດພວມຮ້ອງໂຮສະໜັບສະໜູນທີມຊາດຕົນ
ງານແຂ່ງຂັນເຕະບານຊີງຂັນໂລກພວມດຳເນີນຢູ່ຢ່າງຟົດຟື້ນ, ແຟນບານເຕະທີ່ຈົນລືມຕົນລືມໂຕນັ້ນກໍພວມສົນໃຈນຳການແຂ່ງຂັນຢູ່ທຸກເວລາ, ແລະພວມສະເຫວີຍຄວາມເບີກບານໃຈຂອງງານແຂ່ງຂັນບານເຕະຊີງຂັນໂລກຄັ້ງນີ້. ໃນລາຍການມື້ນີ້ ພວກເຮົາຫັນສາຍຕາໄປສູ່ນອກສະໜາມແຂ່ງຂັນ, ເບິ່ງສະພາບນອກການແຂ່ງຂັນມີຫຍັງແດ່.
ແຟນບານເຕະແອສປາຍແລະແຟນບານເຕະຕຸຍນີຊີ
ຮ້ອງເພງດຽວກັນ ຜູ່ໃດບໍ່ຮັກຫອມຊີວິດ
ຜູ່ນັ້ນກໍຈະບໍ່ໄດ້ຫຍັງຈັກດີ້
"ຜູ່ໃດບໍ່ຮັກຫອມຊີວິດ ຜູ່ນັ້ນກໍຈະບໍ່ໄດ້ຫຍັງຈັກດີ້. ຜູ່ໃດໝົດຫວັງຕໍ່ຊີວິດ ຜູ່ນັ້ນຄົງຈະມີບັນຫາເກີດນຳໂຕ." ກ່ອນການແຂ່ງຂັນລະຫວ່າງທີມແອສປາຍກັບທີມຕຸຍນີຊີບໍ່ເທົ່າໃດນາທີ, ໃນເວລາເພງປະຈຳງານແຂ່ງຂັນບານເຕະຊີງຂັນໂລກທີ່ເຢຍລະມັນດັງຂຶ້ນຢູ່ສະໜາມກິລາສະຕຸດກາດ, ແຟນບານເຕະແອສປາຍແລະຕຸຍນີຊີທີ່ຍັງຮ້ອງໂຮສະໜັບສະໜູນທີມທີ່ຕົນມັກນັ້ນ ກໍໄດ້ຮ່ວມກັນຮ້ອງເພງປະຈຳງານຕາມດົນຕີ, ສ້າງບັນຍາກາດການແຂ່ງຂັນລະຫວ່າງທີມແອສປາຍກັບທີມຕຸຍນີຊີໃຫ້ມ່ວນຊື່ນແລະກົມກຽວກັນທີ່ສຸດ.
ແຟນບານເຕະຕຸຍນີຊີພວມຮ້ອງໂຮສະໜັບສະໜູນທີມຊາດຕົນ.
ແຟນບານເຕະຕຸຍນີຊີບາງຄົນແຕ້ມໜ້າເປັນຮູບທຸງຊາດ, ຄຸມທຸງຊາດຜືນໃຫຍ່ໃສ່ຄີງ, ບາງຄົນຖືກອງດິນເຜົາ, ຕີກອງເປັນຈັງຫວະຕ່າງກັນ ທັງຟ້ອນທັງຮ້ອງເພງ. ແຟນບານເຕະແອສປາຍບາງຄົນໄດ້ຕົກແຕ່ງຕົນເອງເປັນນັກສູ້ງົວກະທິງ, ນີ້ໄດ້ດຶງດູດສາຍຕາຂອງຄົນຫຼວງຫຼາຍ. ພວກເຂົາເຈົ້າຍັງຖືທຸງແດງເປັນຜ້າແພທີ່ໃຊ້ກະຕຸກງົວກະທິງ, "ສູ້" ກັບຄົນສັນຈອນຢູ່ຕາມທາງ, ລີລາຢອກລໍ້ເຫຼົ່ານີ້ໄດ້ເຮັດໃຫ້ເມືອງສະຕຸດກາດເຕັມໄປດ້ວຍຄວາມມ່ວນຊື່ນ.
ແຟນບານເຕະຕຸຍນີຊີພວມຮ້ອງໂຮສະໜັບສະໜູນທີມຊາດຕົນ.
1 2 3
|
