|
ໃບໜ້າແຟນບານເຕະເຕັມໄປດ້ວຍຄວາມເບີກບານມ່ວນຊື່ນ.
ຕາມຂ່າວສານອາແອັຟເປລາຍງານວ່າ, ກ່ອນການແຂ່ງຂັນລະຫວ່າງທີມອູແກຼນກັບທີມອາລາບີຊາອູດິດ, ຄູຝຶກໃຫຍ່ຂອງທີມອູແກຼນໄດ້ອະທິຖານຂໍໃຫ້ເຈົ້າຟ້າເຈົ້າແຖນຈົ່ງມີຫິມະຕົກ. ແນ່ນອນແລ້ວ, ເຈົ້າຟ້າເຈົ້າແຖນບໍ່ຫ່ອນຈະໃຫ້ຫິມະຕົກຕາມຄວາມຫວັງຂອງຄູຝຶກໃຫຍ່ຜູ່ນີ້. ແຕ່ໃນທີ່ສຸດພັດມີຝົນຕົກ. ນີ້ເຮັດໃຫ້ທີມອາລາບີຊາອູດິດ "ລູກແຫ່ງທະເລຊາຍ" ເສຍປຽບດ້ານອາກາດ, ແລ້ວເສຍໄຊດ້ວຍຄະແນນ 0:4.
ການແຂ່ງຂັນນັດນີ້ຈັດຂຶ້ນຢູ່ຮຳບວກ. ກ່ອນການແຂ່ງຂັນ, ອຸນຫະພູມສູງເຖິງ 32 ອົງສາເຊ. ອາກາດຮ້ອນປານນີ້ແມ່ນໄດ້ຕາມຄວາມຫວັງຂອງທີມອາລາບີຊາອູດິດທີ່ມາຈາກເຂດທະເລຊາຍ. ແຕ່ຕໍ່ມາບໍ່ດົນພັດເລີ່ມມີຝົນຕົກ. ອຸນຫະພູມກໍຕ່ຳລົງຕາມນ້ຳຝົນ, ຈົນຮອດເວລາການແຂ່ງຂັນສິ້ນສຸດລົງ, ຝົນຍັງຕົກແຍະໆຢູ່ບໍ່ເຊົາ.
ຫຼັງການແຂ່ງຂັນ, ຄູຝຶກທີມອູແກຼນຮັບສາລະພາບວ່າ, ເພື່ອເອົາຊະນະທີມອາລາບີຊາອູດິດ, "ຂ້າພະເຈົ້າໄດ້ອະທິຖານເຈົ້າຟ້າເຈົ້າແຖນໃຫ້ຫິມະຕົກ".
ອາລາບີຊາອູດິດແມ່ນປະເທດແຫ່ງທະເລຊາຍ, ອຸນຫະພູມສູງສຸດໃນລະດູຮ້ອນໄດ້ສູງເຖິງ 50 ອົງສາ.
ໃບໜ້າແຟນບານເຕະເຕັມໄປດ້ວຍຄວາມເບີກບານມ່ວນຊື່ນ.
ຕາມຂ່າວອາແອັຟເປລາຍງານວ່າ: ໃນແຟນບານເຕະເວີນຂັບ, ແຟນບານເຕະໂຮນລັງທີ່ໃສ່ຊຸດເຕະບານສີໝາກກ້ຽງມີຊື່ດັງທີ່ສຸດ.
ມີແຟນບານເຕະໂຮນລັງ 5 ຄົນໄດ້ລອງລິດກັນ ໃຜຈະເກັ່ງກວ່າທີ່ເບິ່ງການແຂ່ງຂັນບານເຕະຕິດໆກັນໂດຍບໍ່ນອນ.
ແຟນບານເຕະຜູ່ໜຶ່ງທີ່ມາຈາກອຳສະແຕກດຳໄດ້ໄຊຊະນະ, ເຂົາບໍ່ນອນເປັນເວລາ 82 ຊົ່ວໂມງ 15 ນາທີ 57 ວິນາທີ.
ພາຍຫຼັງໄດ້ໄຊຊະນະແລ້ວ, ແຟນບານເຕະຜູ່ນີ້ລົ້ມນອນຢູ່ເທິງໂຕະ.
ລາງວັນທີ່ເຂົາໄດ້ຮັບນັ້ນແມ່ນປີ້ເບິ່ງເວີນຂັບຟີສອງໃບ.
ໃບໜ້າແຟນບານເຕະເຕັມໄປດ້ວຍຄວາມເບີກບານມ່ວນຊື່ນ.
1 2 3
|
