|
ໃນເວລາເບິ່ງການແຂ່ງຂັນຢູ່ສະໜາມກິລາ, ແຟນບານເຕະແອສປາຍມັກແກວ່ງກວາຍທຸງໄປມາແລະຮ້ອງໂຮຢູ່ບໍ່ຢຸດບໍ່ເຊົາ, ກະຕຸ້ນໃຈຄົນທີ່ສຸດ. ບົນແທ່ນຊົມຂອງແຟນບານເຕະຕຸຍນີຊີ, ສຽງກອງດັງຂຶ້ນເປັນຈັງຫວະພິເສດ. ແຟນບານເຕະຕຸຍນີຊີຜູ່ໜຶ່ງທີ່ໄປເບິ່ງການແຂ່ງຂັນຢູ່ສະຕຸດກາດກ່າວວ່າ: "ຢູ່ຕຸຍນີຊີ ມື້ໃດມີການແຂ່ງຂັນຂອງທີມຊາດແລ້ວ, ມື້ນັ້ນກໍເປັນບຸນຂອງແຟນບານເຕະ. ພວກເຮົາມາເຢຍລະມັນບໍ່ແມ່ນເພື່ອສູ້ກັນເອົາປຽບ, ຫາກແມ່ນເພື່ອສະເຫວີຍຄວາມມ່ວນຈາກບານເຕະ, ສະແດງບຸກຄະລິກລັກສະນະຂອງຊາວຕຸຍນີຊີພວກເຮົາ.
ທຸກສິ່ງທຸກຢ່າງເພື່ອງານແຂ່ງຂັນເຕະບານຊີງຂັນໂລກ
ຕາມຂ່າວສານອາເປລາຍງານວ່າ: ສາມາດເວົ້າໄດ້ວ່າ ເຢຍລະມັນແມ່ນຜູ່ຈັດຕັ້ງງານແຂ່ງຂັນເຕະບານຊີງຂັນໂລກທີ່ເປັນແບບຢ່າງໃນການຮັບປະກັນປີ້ເຂົ້າປະຕູສະໜາມຂອງສ່ວນບຸກຄົນ.
ຫວ່າງມໍ່ໆນີ້, ມີແຟນບານເຕະບາງຄົນໄດ້ຊື້ປີ້ປອມໂດຍຜ່ານອິນເຕີເນັດ, ແຕ່ວ່າຄະນະກຳມະການຈັດຕັ້ງບໍ່ໄດ້ຫ້າມແຟນບານເຕະເຂົ້າສະໜາມກິລາກໍ່ແລ້ວກັນ, ຫາກແມ່ນໃຫ້ແຟນບານເຕະສະໜອງຫຼັກຖານການຊື້ປີ້, ແລ້ວຈັດວາງແຟນບານເຕະເຫຼົ່ານີ້ເຂົ້າສະໜາມກິລາເບິ່ງການແຂ່ງຂັນ.
ວັນທີ 20 ມິຖຸນາ, ທີມເຢຍລະມັນ ປະເທດເຈົ້າພາບແຂ່ງຂັນກັບທີມເອກກວາດໍເຊິ່ງເປັນການແຂ່ງຂັນນັດສຸດທ້າຍໃນສາຍ. ປີ້ຂອງແຟນບານເຕະຜູ່ໜຶ່ງຖືກລັກຢູ່ລານຈອດລົດ, ເຂົາລາຍງານຕໍ່ຄະນະກຳມະການຈັດຕັ້ງໃນທັນທີ.
ຄະນະກຳມະການຈັດຕັ້ງເລີຍເອົາປີ້ແທນໃບໜຶ່ງໃຫ້ແຟນບານເຕະທີ່ຖືກລັກຜູ່ນີ້. ຝ່າຍຕຳຫຼວດກໍກຽມພ້ອມແລ້ວຢູ່ສະໜາມກິລາໂອລິມປິກທີ່ແບກແລງ, ລໍຖ້າຜູ່ລັກປີ້ຜູ່ນີ້ປະກົດຕົວ.
ໃບໜ້າແຟນບານເຕະເຕັມໄປດ້ວຍຄວາມເບີກບານມ່ວນຊື່ນ.
ຕາມຂ່າວສານອາແອັຟເປລາຍງານວ່າ, ຜູ່ຊາຍຜູ່ໜຶ່ງໄດ້ລັກປີ້ເຂົ້າສະໜາມຂອງການແຂ່ງຂັນລະຫວ່າງທີມເບຼຊິນກັບທີມອົສຕຼາລີຈາກຜູ່ຍິງຜູ່ໜຶ່ງ, ແລ້ວເຂົ້າເບິ່ງການແຂ່ງຂັນເຕະບານ.
ແຕ່ທັນໃດນັ້ນ, ຕຳຫຼວດກໍປະກົດຕົວຢູ່ຕໍ່ໜ້າຜູ່ຊາຍຜູ່ນີ້, ແລະພາເຂົາໄປ.
ໂອ, ຜູ່ຊາຍທີ່ນັ່ງຢູ່ຂ້າງຜູ່ລັກປີ້ຜູ່ນີ້ພໍດີແມ່ນຜົວຂອງຜູ່ຍິງທີ່ເສຍປີ້. ຜູ່ເປັນຜົວຜູ່ນີ້ກໍໂທຫາຕຳຫຼວດໃນທັນທີ.
ໃບໜ້າແຟນບານເຕະເຕັມໄປດ້ວຍຄວາມເບີກບານມ່ວນຊື່ນ.
ຕາມຂ່າວສານອາແອັຟເປລາຍງານວ່າ: ແຟນບານເຕະໂຮນລັງຜູ່ໜຶ່ງຈັ່ງແມ່ນໂຊກດີແທ້, ເຂົາໄດ້ທຳນາຍຢ່າງຖືກຕ້ອງວ່ານ້ຳກ້ອນໜັກ 22 ໂຕນໃນສວນສາທາລະນະແບກແລງລະລາຍເປັນນ້ຳຈະໃຊ້ເວລານານເທົ່າໃດ, ແລ້ວໄດ້ລາງວັນເພັດທີ່ເປັນຮູບບານເຕະທີ່ມີມູນຄ່າ 9 ໝື່ນໂດລາສະຫະລັດ.
ນ້ຳກ້ອນກ້ອນນີ້ລະລາຍເປັນນ້ຳໄດ້ໃຊ້ເວລາ 7 ມື້ 16 ຊົ່ວໂມງ 19 ນາທີ 6 ວິນາທີ.
ລວມທັງໝົດມີແຟນບານເຕະຊາວເນັດ 4 ໝື່ນກວ່າຄົນໄດ້ເຂົ້າຮ່ວມການທຳນາຍ. ໃນທີ່ສຸດ, ແຟນບານເຕະໂຮນລັງຜູ່ນີ້ໄດ້ຮັບລາງວັນດັ່ງກ່າວ.
ໃບໜ້າແຟນບານເຕະເຕັມໄປດ້ວຍຄວາມເບີກບານມ່ວນຊື່ນ.
1 2 3
|
