|
ໃນສອງມື້ມໍ່ໆມານີ້, ໄທເມືອງປັກກິ່ງທີ່ໄປທ່ຽວສວນອຸທິຍານຊາວຢາງປັກກິ່ງລ້ວນແຕ່ໄດ້ຮູ້ສຶກມີອັນແຕກຕ່າງກັບແຕ່ກ່ອນ,ນັ້ນກໍ່ແມ່ນສວນຊາວຢາງແມ່ນສວນອຸທິຍານໃຫຍ່ກວ່າຫມູ່ຂອງປັກກິ່ງໃນສວນນີ້ໄດ້ຈັດໃຫ້ມີ"ເຫີເຫີ"ຕົວນຳໂຊກຂອງງານເອັກສໂປຈີນອາຊຽນສອງໂຕທີ່ຫນ້າຮັກ.ແຕ່ວັນທີ 9 ຫາວັນທີ 15 ມິຖຸນາ,ງານວາງສະແດງຫມາກຜົນງານເອັກສໂປຈີນອາຊຽນຕ່າງໄດ້ຈັດຂຶ້ນຢູ່ຫໍສະພາປະຊາຊົນປັກກິ່ງແລະສວນອຸທິຍານຊາວຢາງ,ໄດ້ວາງສະແດງຫມາກຜົນອັນອຸດົມສົມບູນຂອງງານເອັກສໂປດັ່ງກ່າວແລະເປີດປະຕູສູ່ພາຍນອກແລະເຕັມໄປດ້ວຍຄວາມຫມັ້ນໃຈຂອງເຂດກວາງຊີ.
ງານວາງສະແດງຫມາກຜົນງານເອັກສໂປຈີນອາຊຽນທີ່ມີຫົວເລື່ອງວ່າ:ເຂດກວາງຊີທີ່ເປີດປະຕູສູ່ພາຍນອກແມ່ນຫນຶ່ງໃນບັນດາການເຄື່ອນໄຫວສຳຄັນຂອງການເຄື່ອນໄຫວເຮືອວັດທະນະທຳກວາງຊີປັກກິ່ງປີ 2006 ທີ່ຈັດຂຶ້ນໃນຫວ່າງແລ້ວນີ້.
ງານເອັກສໂປຈີນອາຊຽນໄດ້ຈັດຂຶ້ນຢູ່ເມືອງນານນິງເຂດກວາງຊີສອງຄັ້ງຢ່າງສຳເລັດຜົນແລ້ວ.ຜູ່ນຳຈີນແລະບັນດາປະເທດອາຊຽນຫລາຍທ່ານ, ເລຂາທິການໃຫຍ່ອາຊຽນລັດຖະມົນຕີກະຊວງການຄ້າຂອງ 11 ປະເທດ ພ້ອມທັງແຂກມີກຽດລະດັບຮອງລັດຖະມົນຕີຂຶ້ນໄປ 100 ກວ່າທ່ານໄດ້ເຂົ້າ ຮ່ວມງານເອັກສໂປສອງຄັ້ງ,ຜູ່ຮັບຜິດຊອບສະພາການຄ້າຂອງ 11 ປະເທດ,ຜູ່ບໍລິຫານງານສູງສຸດຂອງບໍລິສັດຂ້າມຊາດແລະວິສາຫະກິດໃຫຍ່,ນັກທຸລະ ກິດແລະວິຊາການໄດ້ເຂົ້າຮ່ວມງານເອັກສໂປຈີນອາຊຽນ. ງານເອັກສໂປຈີນ ອາຊຽນໄດ້ເຂົ້າສູ່ຖັນແຖວງານວາງສະແດງຂະຫນາດໃຫຍ່ຂອງຈີນແລ້ວ.
1 2 3 4
|
