|
|
 |
| (GMT+08:00)
2006-06-26 09:31:33
|
 |
|
ສະເຫນີງານວາງສະແດງຫມາກຜົນງານເອັກສໂປຈີນອາຊຽນ
cri
Author: sayvanny
ໃນເວລາໃຫ້ສຳພາດຕໍ່ນັກຂ່າວວິທະຍຸ CRI,ທ່ານເຈິ້ງຈຸນຈ້ຽນ ຮອງຫົວຫນ້າພະແນກວຽກງານງານວາງສະແດງສາກົນຂອງເຂດກວາງຊີ ເຊິ່ງເປັນອົງການເຮັດວຽກຖາວອນຂອງງານເອັກສໂປຈີນອາຊຽນເວົ້າວ່າ,ງານ ເອັກສໂປຈີນອາຊຽນແມ່ນງານມະຫະກຳເສດຖະກິດການຄ້າສາກົນທີ່ມີລັກສະນະສັງລວມ, ນອກຈາກການຄ້າສິນຄ້າ,ການຄ້າການບໍລິການແລະການຮ່ວມມືການລົງທຶນແລ້ວ, ຍັງມີງານສິນລະປະເພງພື້ນເມືອງສາກົນນານນິງ,ການສະແດງຮີດຄອງປະເພນີອາຊີອາຄະເນແລະການສະແດງສິນລະປະວັດທະນະທຳອື່ນໆ,ການແລກປ່ຽນວັດທະນະທຳກໍ່ແມ່ນເນື້ອໃນສຳຄັນອັນຫນຶ່ງຂອງງານເອັກສໂປນີ້.ຜະລິດຕະພັນທີ່ບັນດາປະເທດອາຊຽນເອົາມາວາງສະແດງນັ້ນສ່ວນຫລາຍກໍ່ມີເນື້ອໃນວັດທະນະທຳຢ່າງຫລວງຫລາຍ,ມັນແມ່ນຫມາກຜົນຂອງວັດທະນະທຳບັນດາປະເທດອາຊຽນ.ທ່ານເວົ້າວ່າ:
ງານເອັສໂປຈີນອາຊຽນບໍ່ພຽງແຕ່ແມ່ນແທ່ນຮ່ວມມືເສດຖະກິດການຄ້າທໍ່ນັ້ນ, ພ້ອມກັນນັ້ນມັນກໍ່ແມ່ນແທ່ນແລກປ່ຽນວັດທະນະທຳອີກດ້ວຍ,ການເອົາການເຄື່ອນໄຫວວັດທະນະທຳສະແດງຕໍ່ພາຍນອກ,ແລ້ວຊຸກຍູ້ການພັດ ທະນາເສດຖະກິດການຄ້າລະຫວ່າງຈີນກັບອາຊຽນແມ່ນເຫມາະສົມທີ່ສຸດ.
ຕາມຊາບວ່າ, ໃນໄລຍະຈັດງານເອັກສໂປຈີນອາຊຽນຄັ້ງທຳອິດເມື່ອປີ 2004,ລວມທັງຫມົດໄດ້ຕ້ອນຮັບຜູ່ຊົມຈີນແລະຕ່າງປະເທດ 3 ແສນ 5 ຫມື່ນເທື່ອຄົນ.ຈີນກັບບັນດາປະເທດອາຊຽນລວມໄດ້ຈັດງານສັງສັນການລົງທຶນ 26 ເທື່ອ, ໄດ້ເຊັນສັນຍາທີ່ມີມູນຄ່າເກືອບ 100 ຕື້ຢວນ.ໃນງານເອັກສໂປຈີນ ອາຊຽນຄັ້ງທີສອງ,ຍອດມູນຄ່າການຄ້ານັບລວມກັນແລ້ວໄດ້ບັນລຸ 1 ຕື້ 150 ລ້ານໂດລາສະຫະລັດ.
ເພື່ອໃຫ້ວົງການຕ່າງໆຂອງຈີນຮູ້ຈັກຫມາກຜົນອຸດົມສົມບູນທີ່ໄດ້ຮັບໃນງານເອັກສໂປຈີນອາຊຽນສອງຄັ້ງຢ່າງຮອບດ້ານກວ່າເກົ່າ,ເທື່ອນີ້, ງານວາງສະແດງຫມາກຜົນຂອງງານເອັກສໂປຈີນອາຊຽນທີ່ອົງການປົກຄອງເຂດກວາງຊີຈັດຂຶ້ນຢູ່ປັກກິ່ງນັ້ນໄດ້ແນະນຳການຮ໋ວມມືລະຫວ່າງຈີນກັບບັນດາປະເທດອາຊຽນກໍ່ຄືປະເທດອື່ນໆໃນດ້ານການຄ້າ ການລົງທຶນ ການທ່ອງທ່ຽວແລະວັດທະນະທຳແລະຫມາກຜົນທີ່ໄດ້ຮັບໂດຍຖືງານເອັກສໂປດັ່ງກ່າວເປັນແທ່ນ.
1 2 3 4
|
|
|
