|
|
 |
| (GMT+08:00)
2006-06-26 09:31:33
|
 |
|
ສະເຫນີງານວາງສະແດງຫມາກຜົນງານເອັກສໂປຈີນອາຊຽນ
cri
Author: sayvanny
ຕາມຊາບວ່າ, ງານເອັກສໂປຈີນອາຊຽນຄັ້ງທີສາມຈະຈັດຂຶ້ນຢູ່ເມືອງນານນິງເຂດກວາງຊີໃນເດືອນຕຸລາປີນີ້,ວຽກງານກະກຽມທຸກລາຍໄດ້ເຮັດເສັດສັບແລ້ວ,ງານເອັກສໂປເທື່ອນີ້ລວມທັງຫມົດໄດ້ຈັດຮ້ານວາງສະແດງ 3000 ຮ້ານ,ໃນນັ້ນ ຮ້ານວາງສະແດງໃນຫ້ອງ 2500 ຮ້ານ, ຮ້ານວາງສະແດງກາງແຈ້ງ 500 ຮ້ານ. ຈຳນວນຮ້ານວາງສະແດງຂອງປະເທດອາຊຽນຈະຈາກ 700 ກວ່າຮ້ານໃນຄັ້ງທີສອງເພີ່ມຂຶ້ນເປັນ 1000 ຮ້ານ,ກວມ 1/3ຂອງຮ້ານວາງສະແດງທັງຫມົດໃນງານ.ໃນເວລານັ້ນ, ກອງປະຊຸມສຸດຍອດລະລຶກ ຈີນກັບອາຊຽນສ້າງການພົວພັນຄູ່ຂາສົນທະນາຄົບຣອບ 15 ປີແລະກອງປະຊຸມສຸດຍອດການຄ້າການລົງທຶນຈີນອາຊຽນກໍ່ຈະຈັດຂຶ້ນຢູ່ເມືອງນານນິງ ພ້ອມດຽວກັນ.
ໃນເວລາໃຫ້ສຳພາດທາງໂທລະສັບຕໍ່ນັກຂ່າວວິທະຍຸ CRI ,ທ່ານຊີນິງ ນິງ ຜູ່ອຳນວຍການຝ່າຍຈີນຂອງສະພາມົນຕີການຄ້າຈີນອາຊຽນ ຜູ່ຊ່ຽວ ຊານບັນຫາການຄ້າອາຊີອາຄະເນເວົ້າວ່າ,ງານເອັກສໂປຈີນອາຊຽນຄັ້ງທີສາມທີ່ຈັດຂຶ້ນໃນປີນີ້ພໍດີກົງກັບຈີນກັບອາຊຽນສ້າງການພົວພັນຄູ່ຂາສົນທະນາຄົບ ຮອບ 15 ປີແລະປີໄມຕີຈິດຮ່ວມມືລະຫວ່າງຈີນກັບອາຊຽນ,ເນື່ອງໃນໂອກາດນີ້, ການຈັດງານວາງສະແດງຫມາກຜົນງານເອັກສໂປຈີນອາຊຽນຢູ່ປັກກິ່ງຈະມີຄວາມຫມາຍສຳຄັນຍິ່ງ.ທ່ານເວົ້າວ່າ:
ເທື່ອນີ້, ເຂດກວາງຊີໄດ້ວາງສະແດງຫມາກຜົນຂອງງານເອັກສໂປຈີນອາຊຽນຕໍ່ຄົນທັງຫລາຍຢູ່ປັກກິ່ງ, ບໍ່ສະເພາະແມ່ນສະແດງໃຫ້ເຫັນງານເອັກສໂປຈີນອາຊຽນທໍ່ນັ້ນ, ຍິ່ງຫລາຍກວ່ານັ້ນແມ່ນເມື່ອສະແດງການພັດທະນາໃຫມ່ຂອງການພົວພັນລະຫວ່າງຈີນກັບອາຊຽນ.ມັນຈະເກີດມີບົດບາດອັນຕັ້ງຫນ້າທີ່ສຸດຕໍ່ການຊຸກຍູ້ການແລກປ່ຽນວັດທະນະທຳລະຫວ່າງຈີນກັບອາຊຽນ,ສ້າງເງື່ອນໄຂດີງາມໃຫ້ແກ່ການຮ່ວມມືເສດຖະກິດການຄ້າຈໍ່ຕົວຂຶ້ນເປັນພື້ນຖານສັງຄົມກວ້າງຂວາງກວ່າເກົ່າ.ງານເອັກສໂປນີ້ໄດ້ຈັດຂຶ້ນສອງຄັ້ງຢ່າງສຳເລັດຜົນແລ້ວ, ງານວາງສະແດງຫມາກຜົນຄັ້ງນີ້ໄດ້ແນະນຳສະພາບການຂອງງານເອັກສໂປສອງຄັ້ງຕໍ່ຄົນທັງຫລາຍ,ເພື່ອບອກຄົນທັງຫລາຍວ່າ, ໃນໄລຍະສ້າງເຂດການຄ້າເສລີຈີນກັບອາຊຽນຕ່າງໄຂຕະຫລາດແກ່ຝ່າຍກົງກັນຂ້າມ, ຊອກຫາໂອກາດການທຸລະກິດແລະໂອກາດການລົງທຶນຫລາຍກວ່າເກົ່າ, ຍ່ອມຈະເຮັດໃຫ້ທັງສອງຝ່າຍໄດ້ຜົນປະໂຫຍດພ້ອມກັນ.
1 2 3 4
|
|
|
