|
|
 |
| (GMT+08:00)
2006-06-30 16:03:27
|
 |
|
ທາງຮ່ອມຂອງປັກກິ່ງ
cri
Author: da
|
ທີ່ນີ້,ວິທະຍຸສາກົນແຫ່ງປະເທດຈີນ,ສະບາຍດີທ່ານຜູ້ຟັງທີ່ໂຄລົບ,ຊົມເຊີຍທ່ານເຂົ້າສູ່ລາຍການ"ທ່ຽວເມືອງຈີນ"ໃນວັນພຸດແຕ່ລະອາທິດ.ຢູ່ນະຄອນປັກກິ່ງ,ມີສຸພະສິດວ່າ"ຖ້າບໍ່ເຂົ້າທາງຮ່ອມຈະເຂົ້າໃຈປັກກິ່ງຍາກ,ຖ້າບໍ່ເຂົ້າທາງຮ່ອມກໍໝາຍຄວາມວ່າບໍ່ໄດ້ມາຮອດປັກກິ່ງ".ທາງຮ່ອມນ້ອຍໃຫຍ່ຂອງປັກກິ່ງໄຂວ່ກັນ,ເໝືອນດັ່ງສາຍເລືອດແຈກຢາຍຢູ່ທົ່ວເມືອງ,ແມ່ນເອກະລັກຂໍ້ໜຶ່ງຂອງສິ່ງກໍ່ສ້າງຕົວເມືອງຂອງປັກກິ່ງ.ນັກທ່ອງທ່ຽວຢາກສຳຜັດວັດທະນະທຳອັນເກົ່າແກ່ແລະກິ່ນອາຍຊີວິດການເປັນຢູ່ຂອງປັກກິ່ງຢ່າງເລິກເຊິ່ງ,ກໍຕ້ອງເຂົ້າເບິ່ງທາງຮ່ອມຂອງປັກກິ່ງ.
 ຕາມເລົ່າກັນວ່າ,ທາງຮ່ອມແມ່ນປະກົດຂຶ້ນຫຼັງຈາກປັກກິ່ງຖືກກຳນົດເປັນເມືອງຫຼວງຂອງລາຊະວົງຢວນເມື່ອສະຕະວັດທີ 13 ,ຜູ້ປົກຄອງໃນຄາວນັ້ນແມ່ນເຜົ່າມົງໂກນ,ຄຳວ່າ"ຫູທົ້ງ"ແປວ່າ"ທາງຮ່ອມ"ແມ່ນມາຈາກພາສາເຜົ່າມົງໂກນ,ໃນພາສາເຜົ່າມົງໂກນ,"ຫູທົ້ງ"ໝາຍເຖິງນ້ຳສ້າງ,ໃນໄລຍະຕົ້ນ ທາງຮ່ອມຂອງເມືອງປັກກິ່ງກໍແມ່ນຈັດວາງຕາມທີ່ຕັ້ງຂອງນ້ຳສ້າງ,ເພາະວ່າ ໃນຄາວນັ້ນ ຄົນທັງຫຼາຍເຫັນວ່າມີຄວາມຈຳເປັນຮັບປະກັນໃຫ້ມີນ້ຳສ້າງຢູ່ໃນທາງຮ່ອມແຕ່ລະເສັ້ນ.ໂດຍຜ່ານການຜັນປ່ຽນມາເປັນເວລາຫຼາຍຮ້ອຍປີ,ປະຈຸບັນ ທາງຮ່ອມໄດ້ກາຍເປັນຊື່ຂອງສິ່ງກໍ່ສ້າງທີ່ໝາຍເຖິງຖະໜົນສາຍນ້ອຍຢູ່ເມືອງພາກເໜືອຂອງຈີນ.ທາງຮ່ອມຂອງປັກກິ່ງສ່ວນຫຼາຍແມ່ນສ້າງຕາມທິດຕາເວັນອອກໄປສູ່ທິດຕາເວັນຕົກ,ທຳມະດາແລ້ວ,ຄວາມກວ້າງບໍ່ເກີນ9ແມັດ.ແຕ່ກ່ອນ,ສິ່ງກໍ່ສ້າງຢູ່ສອງຟາກທາງຫູທົ້ງເກືອບແມ່ນເຮືອນ 4 ດ້ານໝົດ.
ທ່ານຜູ້ຟັງທີ່ໂຄລົບ,ທີ່ທ່ານພວມຟັງຢູ່ນີ້ແມ່ນສຽງຮ້ອງຈ່າວຂາຍຕາມທາງຮ່ອມຂອງປັກກິ່ງ.ເມື່ອຊາວປັກກິ່ງໃນທາງຮ່ອມໄດ້ຍິນສຽງຮ້ອງຈ່າວຂາຍແລ້ວ,ກໍຮູ້ໂລດວ່າ ພໍ່ຄ້າແມ່ຂາຍເອົາຫຍັງມາຂາຍໃຫ້.ແຕ່ກ່ອນ,ສຽງຮ້ອງຈ່າວຂາຍໃນທາງຮ່ອມເມືອງປັກກິ່ງແມ່ນມີໝົດຕະຫຼອດປີແຕ່ເຊົ້າຮອດຄ່ຳ.ໃນຄາວນັ້ນ,ຄົນທັງຫຼາຍທີ່ຢູ່ໃນທາງຮ່ອມຢາກຊື້ຫຍັງ ກໍບໍ່ຕ້ອງອອກທາງຮ່ອມ,ພໍ່ຄ້າແມ່ຂາຍຈະສົ່ງມາຮອດໜ້າເຮືອນເລີຍ.ອາດເວົ້າໄດ້ວ່າ,ທາງຮ່ອມບໍ່ພຽງແຕ່ແມ່ນທາງເຂົ້າອອກເຮືອນຂອງສາມັນຊົນປັກກິ່ງເທົ່ານັ້ນ,ຍິ່ງແມ່ນຫໍພິພິທະພັນຮີດຄອງປະເພນີແຫ່ງໜຶ່ງ,ໄດ້ຈົ່ງຮອຍຊີວິດສັງຄົມໄວ້ຢ່າງຫຼວງຫຼາຍ.
1 2 3
|
|
|
