|
|
 |
| (GMT+08:00)
2006-06-30 16:03:27
|
 |
|
ທາງຮ່ອມຂອງປັກກິ່ງ
cri
Author: da
ອາດເວົ້າໄດ້ວ່າ,ທາງຮ່ອມປັກກິ່ງຫຼາຍຈົນນັບບໍ່ຖ້ວນ,ຈົນມີສຸພະສິດວ່າ"ທາງຮ່ອມທີ່ມີຊື່ສຽງມີ 360 ສາຍ,ແຕ່ທາງຮ່ອມທີ່ບໍ່ມີຊື່ພັດຫຼາຍປານຂົນງົວ".ທາງຮ່ອມຂອງປັກກິ່ງໃນຍາມຫຼາຍທີ່ສຸດມີຮອດ 6 ພັນກວ່າສາຍ.ຢ່າສູ່ຄິດວ່າທາງຮ່ອມປັກກິ່ງລ້ວນແຕ່ແມ່ນຝາແລະດິນຂໍສີຂີ້ເຖົ່າ,ເບິ່ງແລ້ວຄືວ່າຄືກັນໝົດ,ບໍ່ມີຈຸດພິເສດຫຍັງ.ແຕ່ທີ່ຈິງແລ້ວ,ທາງຮ່ອມທຸກເສັ້ນລ້ວນແຕ່ມີນິທານຂອງຕົນ.ທ່ານຫຼີມິງເຕີ ນັກຮີດຄອງປະເພນີວິທະຍາເວົ້າວ່າ,ຈາກຊື່ຂອງທາງຮ່ອມທີ່ມີລັກສະນະຕ່າງກັນ ກໍ່ສາມາດເຂົ້າໃຈຊີວິດການເປັນຢູ່ໃນທາງຮ່ອມໃນຄາວນັ້ນ,ທາງຮ່ອມບາງເສັ້ນຍັງໄດ້ຝາກຝັງຄວາມຫວັງຂອງຄົນ.
"ມີທາງຮ່ອມເສັ້ນໜຶ່ງຊື່ວ່າ"ໄປຮວ່າເຊິ່ນຊູ້"ແປວ່າ"ບ່ອນທີ່ມີດອກໄມ້ນາໆຊະນິດ",ຟັງແລ້ວກໍຮູ້ສຶກງາມຫຼາຍ.ມີບາງແຫ່ງເຄີຍເປັນບ່ອນຢູ່ຂອງຜູ້ມີຊື່ສຽງ,ອາດຈະແມ່ນຜູ້ທີ່ມີອິດທິພົນໃນຄາວນັ້ນ,ທາງຮ່ອມກໍຕັ້ງຊື່ຕາມຊື່ຂອງຜູ້ນັ້ນ,ແລ້ວສືບທອດກັນມາຮອດປະຈຸບັນ."
ທ່ານຫຼີມິງເຕີເວົ້າວ່າ,ມີທາງຮ່ອມເສັ້ນໜຶ່ງມີຮູບຄືກັບໄມ້ສ້າວ,ເລີຍເອີ້ນເປັນ"ທາງຮ່ອມໄມ້ສ້າວ";ມີທາງຮ່ອມເສັ້ນໜຶ່ງມີຮູບຄືສາຍແອວຢົກຂອງຂຸນນາງສະໄໝບູຮານ,ເລີຍເອີ້ນເປັນ"ທາງຮ່ອມສາຍແອວຢົກ";ຍັງມີທາງຮ່ອມອີກເສັ້ນໜຶ່ງເອີ້ນວ່າ"ຢັ່ນໄຕ້ເຊເຈ"ແປວ່າ"ທາງຮ່ອມຖົງຢາສູບ",ຍ້ອນວ່າແຕ່ກ່ອນຢູ່ແຫ່ງນີ້ເຄີຍເປັນບ່ອນຂາຍຖົງຢາສູບ.
 ດຽວນີ້,ທາງຮ່ອມທີ່ມີສະເພາະຢູ່ປັກກິ່ງໄດ້ກາຍເປັນພາຫະຂອງວັດທະນະທຳ ປັກກິ່ງ,ໄດ້ດູດດຶງໃຈຄົນທັງຫຼາຍທີ່ມາຈາກແຫ່ງຕ່າງໆດ້ວຍສະເໜພິເສດຂອງຕົນ.ທ່ານຄວ້າງຫັນ ນັກແຕ້ມຮູບຈີນທີ່ມີຊືລືນາມຍ້ອນຊ່າງແຕ້ມທາງຮ່ອມເວົ້າວ່າ,ທ່ານເກີດຢູ່ພາກໃຕ້ຂອງຈີນ,ແຕ່ພໍມາຮອດປັກກິ່ງກໍຕິດໃຈນຳທາງຮ່ອມໃນທັນທີ.ທ່ານເວົ້າວ່າ:
"ທາງຮ່ອມຂອງເມືອງປັກກິ່ງແມ່ນສິລະປະຂະແໜງໜຶ່ງ,ໄດ້ຜ່ານມາຫຼາຍຮ້ອຍປີແລ້ວ.ເໝືອນດັ່ງຜູ້ເຖົ້າທີ່ໄດ້ຜ່ານເວລາມາຫຼາຍຟ້າຫຼາຍປີ,ມີຮອຍຍູ່ເຕັມໜ້າ,ກະໂຕມັນເອງກໍມີເອກະລັກພິເສດຫຼາຍທີ່ສຸດແລ້ວ."
1 2 3
|
|
|
