|
|
 |
| (GMT+08:00)
2006-06-30 16:03:27
|
 |
|
ທາງຮ່ອມຂອງປັກກິ່ງ
cri
Author: da
 ທາງຮ່ອມຂອງປັກກິ່ງທີ່ໜ້າທ່ຽວກວ່າໝູ່ແມ່ນທາງຮ່ອມຢູ່ມໍ່ໜອງສືຊ້າໄຫ.ໜອງສືຊ້າໄຫຕັ້ງຢູ່ໃຈກາງເມືອງ,ປະກອບດ້ວຍໜອງເຊນໄຫ ໜອງໂຮ້ວໄຫແລະໜອງສີ່ໄຫ.ຢູ່ບ່ອນຄົບລະຫວ່າງໜອງເຊນໄຫກັບໜອງໂຮ້ວໄຫໄດ້ສ້າງຂົວຫີນກົ່ງທີ່ກະທັດຮັດແຫ່ງໜຶ່ງ,ເອີ້ນວ່າຂົວ"ຢິນຕິ້ນສຽວ".ຢູ່ອ້ອມຂ້າງຂົວ"ຢິນຕິ້ນສຽວ"ມີພາບວິວທິວທັດອັນສວຍງາມ,ປິນຂຶ້ນຂົວຫີນກົ່ງດັ່ງກ່າວຈ້ອງມອງເບິ່ງທາງໄກແມ່ນເລື່ອງທີ່ແຈບໃຈທີ່ສຸດ,ໃນຍາມອາກາດປອດໂປ່ງ,ທ່ານຍັງສາມາດເບິ່ງເຫັນຮູບພູ ຢູ່ທາງໄກຢ່າງຊັດເຈນ.ຢູ່ອ້ອມຂ້າງໜອງສືຊ້າໄຫມີທາງຮ່ອມແລະເຮືອນ 4 ດ້ານທີ່ຖືກຮັກສາໄວ້ເປັນຢ່າງດີຫຼາຍແຫ່ງ,ໃນນັ້ນກໍມີເຮືອນເກົ່າຂອງບຸກຄົນຜູ້ມີຊື່ສຽງ,ທັງມີສວນອຸທິຍານສ່ວນຕົວທີ່ຖືກຮັກສາໄວ້ເປັນຢ່າງດີຫຼາຍແຫ່ງ,ເຊັ່ນຕຳໜັກກົ່ງວັງຝູເປັນຕົ້ນ,ເປັນໜ້າໄປທ່ຽວຊົມຫຼາຍ.
ໃນຫຼາຍປີມານີ້,ຄຽງຄູ່ກັບການຂະຫຍາຍຕົວຂອງການກໍ່ສ້າງຕົວເມືອງ,ຕຶກອາຄານຢູ່ໃນເມືອງປັກກິ່ງນັບມື້ນັບຫຼາຍຂຶ້ນ,ທາງຮ່ອມພັດນັບມື້ນັບໜ້ອຍລົງ.ປະຈຸບັນ ອົງການປົກຄອງນະຄອນປັກກິ່ງໄດ້ເລີ່ມປົກປັກຮັກສາທາງຮ່ອມທີ່ມີຈຸດພິເສດສ່ວນໜຶ່ງ.ເພື່ອເຮັດໃຫ້ຄົນທັງຫຼາຍຊອກຮູ້ຊີວິດການເປັນຢູ່ຂອງປັກກິ່ງເກົ່າ,ກົມທ່ອງທ່ຽວນະຄອນປັກກິ່ງຍັງໄດ້ຈັດລາຍການ"ທ່ຽວທາງຮ່ອມ",ໃຫ້ນັກທ່ອງທ່ຽວຂີ່ລົດສາມລໍ້ທີ່ມີຄົນລາກໄປທ່ຽວເຮືອນ 4 ດ້ານ,ກິນນ້ຳຊາຂຽວ,ຟັງນິທານປັກກິ່ງເກົ່າ,ໃຫ້ພວກເຂົາເຈົ້າສຳຜັດກັບຊີວິດການເປັນຢູ່ຂອງພວກເຂົາເຈົ້າ.ເນື້ອໃນຂອງການ"ທ່ຽວທາງຮ່ອມ"ລວມທັງຜູ່ນຳທ່ຽວພາແຂກໄປຊົມເບິ່ງຫໍລະຄັງຂອງປັກກິ່ງ,ເບິ່ງໂສມໜ້າທົ່ວເມືອງປັກກິ່ງຈາກບ່ອນສູງ;ພາແຂກເຂົ້າທາງຮ່ອມ,ຂີ່ລົດສາມລໍ້ທ່ຽວທາງຮ່ອມ,ຊົມເບິ່ງເຮືອນເກົ່າຂອງຜູ້ມີຊື່ສຽງແລະຕຳໜັກທີ່ມີຊື່ສຽງ;ພາແຂກເຂົ້າເຮືອນ 4 ດ້ານລົມກັບໄທເມືອງ,ຊອກຮູ້ຊີວິດການເປັນຢູ່ຂອງຄົນຈີນຜູ້ທຳມະດາສາມັນເປັນຕົ້ນ.
ທ່ານກຸນເຕີ ເວນ ທີ່ມາຈາກເຢຍລະມັນເວົ້າວ່າ,ຂີ່ລົດສາມລໍ້ທ່ຽວທາງຮ່ອມ,ບໍ່ພຽງແຕ່ສະດວກເທົ່ານັ້ນ,ຍັງສາມາດສັງເກດເບິ່ງທາງຮ່ອມຢ່າງລະອຽດອີກ.ທ່ານເວົ້າວ່າ:
"ຂ້າພະເຈົ້າເຄີຍເຫັນລົດທີ່ຄ້າຍຄືກັນນີ້ຢູ່ອິນເດຍ,ລົດແບບນີ້ດີຫຼາຍ,ເໝາະໃຊ້ໃນການທ່ຽວທາງຮ່ອມຫຼາຍ,ສາມາດຂີ່ລົດນີ້ໄປທຸກຂອງຂອກເຄແຈຮົ້ວຂອງທາງຮ່ອມ,ສ່ວນລົດຕັກຊີພັດເຮັດບໍ່ໄດ້.ທາງຮ່ອມດີຫຼາຍ,ແມ່ນເອກະລັກພິເສດຂອງປັກກິ່ງ,ເມື່ອທຽບກັບຕຶກອາຄານສູງສຽບຟ້າແລະຄຸ້ມການຄ້າແລ້ວ,ຂ້າພະເຈົ້າມັກທາງຮ່ອມຂອງປັກກິ່ງຫຼາຍກວ່າ."
ການຂີ່ລົດສາມລໍ້ປະເພດດັ່ງກ່າວໄປເລາະທ່ຽວທາງຮ່ອມໃນເຂດໜອງສືຊ້າໄຫ,ແມ່ນລາຍການທີ່ຄົນຕ່າງປະເທດແລະຄົນຕ່າງຖິ່ນຂອງຈີນທີ່ມາທ່ຽວປັກກິ່ງນິຍົມທີ່ສຸດ.
1 2 3
|
|
|
