|
ທ່ານເສີນເຈີ ທີ່ຈະແນະນຳໃຫ້ທ່ານຮູ້ໃນລາຍການມື້ນີ້ແມ່ນຜູ່ອະນຸລັກສິນລະປະວັດທະນະທຳພື້ນເມືອງຢ່າງຈົດຈໍ່ຜູ່ຫນຶ່ງ. ໃນສິບກວ່າປີມານີ້, ເພິ່ນໄດ້ເຂົ້າສູ່ເຂດຊົນເຜົ່າສ່ວນຫນ້ອຍທີ່ພາກຕາເວັນຕົກສຽງໃຕ້ຂອງຈີນ, ໃຈຈົດໃຈຈໍ່ໃນການກອບກູ້ແລະອະນຸລັກສາຍເລືອດແຫ່ງສິນລະປະວັດທະນະທຳພື້ນເມືອງໄດ້ເປີດເສັ້ນທາງສືບທອດສິນລະປະພື້ນເມືອງ, ພາລະກິດຂອງເພິ່ນຄ່ອຍໆພາໃຫ້ຄົນທັງຫລາຍເອົາໃຈໃສ່ນັບມື້ນັບຫລາຍ.
ກ່ອນທ່ານເສີນເຈີເຮັດວຽກອະນຸລັກສິນລະປະວັດທະນະທຳພື້ນເມືອງ, ເພິ່ນເຄີຍເປັນນັກແຕ່ງເນື້ອເພງທີ່ປະຈັກຕາຄົນບົນເວທີເພງຂອງຈີນ, ບົດເພງຫລາຍໆບົດທີ່ເພິ່ນແຕ່ງນັ້ນໄດ້ຮັບຄວາມນິຍົມຊົມຊອບຈາກຄົນທັງ ຫລາຍ,ຄືເພງເຮັດໃຫ້ໂລກເຕັມໄປດ້ວຍຄວາມຮັກ, ພູພຽງດິນເຫລືອງ,ໄປຊີໂຄວ,ແລະເພງດຽວກັນເປັນຕົ້ນລ້ວນແຕ່ມີຊື່ລືນາມໃນຊຸມປີ 80-90 ສະຕະ ວັດແລ້ວນີ້.
ເພງທີ່ທ່ານພວມຟັງຢູ່ນີ້ແມ່ນເພງຊື່ວ່າເຮັດໃຫ້ໂລກເຕັມໄປດ້ວຍຄວາມຮັກທີ່ແຕ່ງໂດຍທ່ານເສີນເຈີ,ນີ້ແມ່ນເພງທີ່ເພິ່ນແຕ່ງໃນປີ 1986 ໃຫ້ແກ່ປີສັນຕິພາບສາກົນ.ເພງນີ້ໄດ້ຮັບຄວາມນິຍົມທີ່ສຸດຢ່ຈີນໃນຄາວນັ້ນ,ທ່ານເສີນເຈີກໍ່ໄດ້ມີຊື່ລືນາມຂຶ້ນຍ້ອນເພງນີ້. ຈາກນັ້ນມາ, ຊື່ຂອງເພິ່ນໄດ້ຖືກຄົນທັງ ຫລາຍຄຸ້ນເຄີຍໂດຍຄຽງຄູ່ກັບເພງພູພຽງດິນເຫລືອງແລະເພງດຽວກັນເປັນ ຕົ້ນ.ເລີ່ມແຕ່ຕົ້ນຊຸມປີ 90 ,ທ່ານເສີນເຈີໄດ້ເລີ່ມທົດລອງຂຽນບົດເພງທີ່ມີສີສັນຕ່າງກັນ,ແລະໄດ້ແຕ່ງປະມວນເພງດວງຈັນສີດຳແລະເພງຣອກແອນໂຣນເຊີນໂຈວເປັນຕົ້ນ, ການປະດິດຄິດແຕ່ງໃນດ້ານດົນຕີຂອງເພິ່ນໄດ້ຮັບຄວາມຢືນຢັນຢ່າງເຕັມສ່ວນຈາກຄົນທັງຫລາຍ.
ໃນເວລາໃຫ້ສຳພາດຕໍ່ນັກຂ່າວ, ທ່ານເສີນເຈີເວົ້າວ່າ, ຜົນງານທີ່ເພິ່ນໄດ້ຮັບແລະຄວາມຍ້ອງຍໍຂອງຄົນທັງຫລາຍໃນຄາວນັ້ນໄດ້ເຊີດຊູກຳລັງໃຈເພິ່ນຫລາຍທີ່ສຸດ, ໄດ້ເຮັດໃຫ້ເພິ່ນມີຄວາມຫ້າວຫັນໃນການປະດິດຄິດແຕ່ງຢ່າງຫລວງຫລາຍ.ທີ່ຈິງແລ້ວ,ໃນຍາມຍັງນ້ອຍ,ທ່ານເສີນເຈີບໍ່ເຄີຍຄິດເລີຍວ່າຈະເດີນຕາມເສັ້ນທາງແຕ່ງເພງ,ເພິ່ນແມ່ນເລີ່ມກ້າວເຂົາເສັ້ນທາງແຕ່ງເພງໃນການຫລໍ່ລ້ຽງຂອງວັນນະຄະດີ,ເນື້ອເພງທີ່ເພິ່ນຂຽນນັນເຕັມໄປດ້ວຍກິ່ນອາຍວັນນະຄະດີອັນເຂັ້ມຂຸ້ນ.
1 2 3 4
|
