|
ງານແຂ່ງຂັນເຕະບານຊິງຂັນໂລກຄັ້ງທີ 18 ທີ່ຈັດຂຶ້ນຢູ່ສ.ເກົາຫລີແລະຍີ່ປຸ່ນເມື່ອປີ 2002 ແມ່ນທິມບານເຕະເພດຊາຍແຫ່ງຊາດຈີນເຂົ້າຮ່ວມການແຂ່ງຂັນຮອບຊິງຂັນໂລກຂອງງານແຂ່ງຂັນລະດັບສາກົນຂະຫນາດໃຫຍ່ນີ້ເປັນຄັ້ງທຳອິດ.ໃນຄາວນັ້ນ,ແຟນຈີນໄດ້ຫລັ່ງໄຫລເຂົ້າສ.ເກົາຫລີ,ເຊຍໃຫ້ທິມຈີນ,ສ່ວນບັນຍາກາດຢູ່ພາຍໃນປະເທດຈີນກໍ່ຄຶກຄຶ້ນຟົດຟື້ນທີ່ສຸດ.ຫລັງຈາກນັ້ນສີ່ປີ, ໃນການແຂ່ງ ຂັນເຕະບານຊິງຂັນໂລກຮອບຄັ້ງທີ 19ທີ່ຈັດຂຶ້ນຢູ່ເຢຍລະມັນ, ທິມຈີນບໍ່ໄດ້ເຂົ້າຮ່ວມ.ດຽວນີ້, ງານແຂ່ງຂັນບານເຕະຊິງຂັນໂລກທີ່ເຢຍລະມັນໃກ້ຈະສິ້ນສຸດລົງແລ້ວ, ແຟນຈີນມີຄວາມຮູ້ສຶກແນວໃດຕໍ່ງານແຂ່ງຂັນເທື່ອນີ້.
ເຖິງວ່າທ່ານບໍ່ເຂົ້າໃຈຄຳສະເຫນີສະພາບການເຕະບານຂອງໂຄສົກໂທລະພາບຂອງຈີນ,ແຕ່ຄວາມຫ້າວຫັນແລະຄວາມກະຕຸ້ນໃຈໃນສຽງເວົ້າເມື່ອກີ້ນີ້ແມ່ນຜູ່ໃດກໍ່ໄດ້ຮູ້ສຶກເຖິງແລ້ວ, ເວົ້າສຳລັບຄົນຈີນທີ່ໄດ້ຟັງຄຳອະທິ ບາຍແນວນີ້, ເຖິງວ່າແມ່ນງານແຂ່ງຂັນບານເຕະທີ່ບໍ່ມີທິມຈີນເຂົ້າຮ່ວມກໍ່ຕາມ, ແຕ່ກໍ່ໄດ້ນຳເອົາຄວາມມ່ວນຊື່ນແລະຄວາມກະຕືລືລົ້ນອັນພຽງພໍມາຍັງພວກເຂົາ.ເພາະວ່າ, ກະໂຕບານເຕະມັນເອງກໍ່ແມ່ນກິລາທົ່ວໂລກ,ຢູ່ທີ່ນີ້, ຄວາມແຕກຕ່າງກັນດ້ານພາສາ ວັດທະນະທຳແລະປະເທດໄດ້ຖືກມ້າງຫມົດ, ຫມົດທຸກຄົນໃນໂລກເຊິ່ງລວມທັງຄົນຈີນລ້ວນແຕ່ໄດ້ສຳນຶກຮູ້ບັນຍາກາດທີ່ຄືກັນ.
1 2 3
|
