|
|
 |
| (GMT+08:00)
2006-07-07 11:04:36
|
 |
|
ແຟນຈີນສະເຫວີຍງານແຂ່ງຂັນເຕະບານຊິງຂັນໂລກ
cri
Author: sayvanny
ທ່ານເສິງເຕີກ່າງ ບັນນາທິການຫນັງສື ອາຍຸ 26 ປີແມ່ນຄົນປັກກິ່ງກໍ່ແມ່ນແຟນບານແນວນີ້.ໃນງານແຂ່ງຂັນເຕະບານຊິງຂັນໂລກທີ່ຈັດຂຶ້ນຢູ່ແມກຊິກເມື່ອປີ 1986, ທ່ານມັກທິມອີຕາລີ,ປີ 1990 ໃນງານແຂ່ງຂັນບານເຕະຊິງຂັນໂລກທີ່ຈັດຂຶ້ນຢູ່ອີຕາລີ, ທ່ານກໍ່ຖືກພິດຊິຍ້ອນວິຊາຂອງທ່ານໂລເບີດ.ບາຈອນແລະດາລາບານເຕະອີຕາລາທີ່ມີຊື່ສຽງໃນຄາວນນັ້ນ.ໃນງານແຂ່ງຂັນເຕະບານຊິງຂັນໂລກທີ່ຈັດຂຶ້ນຢູ່ເຢຍລະມັນປີນີ້,ທ່ານຍິ່ງສົນໃຈນຳການສະແດງຂອງທິມອີຕາລາໂດຍຕະຫລອດ.ທ່ານເຫັນວ່າ, ຄວາມຮູ້ສຶກຂອງແຟນບານແທ້ຈິງຜູ່ຫນຶ່ງທີ່ສະເຫວີຍບານເຕະນັ້ນແມ່ນບໍລິສຸດທີ່ສຸດ.ທ່ານເວົ້າວ່າ:
ເຖິງວ່າທິມຈີນບໍ່ໄດ້ເຂົ້າຮ່ວມການແຂ່ງຂັນຊິງຂັນໂລກກໍ່ຕາມ, ເຖິງວ່າໂມງເຢຍລະມັນກັບໂມງປັກກິ່ງໂຕນກັນ 6 ຊົ່ວໂມງກໍ່ຕາມ, ແຕ່ທັງຫມົດເຫລົ່ານີ້ລ້ວນແຕ່ບໍ່ສາມາດສະກັດກັ້ນແຟນບານແທ້ຈິງຜູ້ຫນຶ່ງເບິ່ງການແຂ່ງຂັນ.ເມື່ອທຽບກັບສີ່ປີກ່ອນ, ຈຳນວນແຟນບານທີ່ເບິ່ງການແຂ່ງຂັນໂດຍຜ່ານໂທລະ ພາບນັ້ນຈະຫລຸດຫນ້ອຍລົງ, ແຕ່ແຟນບານແທ້ຈິງນັ້ນຕ້ອງເບິ່ງແທ້ໆຕະຫລອດຄືນ.ທີ່ຈິງແລ້ວ, ພວກເຮົາຈະໄດ້ສະເຫວີຍບານເຕະອ້ອຍຕ້ອຍທີ່ສຸດ.
ແຟນບານຈີນທີ່ບໍ່ມົວເມົາປານໃດ,ກໍ່ໄດ້ສົນໃຈນຳງານແຂ່ງຂັນເຕະ ບານຊິງຂັນໂລກດ້ວຍຮູບການຕ່າງໆ.ພວກເຂົາເຈົ້າອາດຈະບໍ່ເບິ່ງການຖ່າຍທອດສົດແຕ່ລະຮອບ,ອາດຈະບໍ່ມີທິມທີ່ຕົນເອງສະຫນັບສະຫນູນແລະຮັກຫອມ, ແຕ່ງານແຂ່ງຂັນເຕະບານຊິງຂັນໂລກຍັງຄົງເຮັດໃຫ້ພວກເຂົາເຈົ້າ ຮູ້ສຶກມ່ວນຫລາຍ.ທ່ານລຽງຈື້ມິນ ອາຍຸ 32 ປີ ພະນັກງານບໍລິສັດຢູ່ປັກກິ່ງກໍ່ແມ່ນແຟນບານແບບນີ້ຜູ່ຫນຶ່ງ, ທ່ານບອກນັກຂ່າວວ່າ,ແຕ່ວັນຈັນຮອດວັນສຸກ, ລາວພຽງແຕ່ເບິ່ງການແຂ່ງຂັນເຄິ່ງນັດໃນທຸກມື້,ເມື່ອຮອດທ້າຍສັບປະດາແລ້ວ, ລາວຈິ່ງເບິ່ງການແຂ່ງຂັນເຕັມນັດ.ເຖິງວ່າຈະບໍ່ຕັ້ງອົກຕັ້ງໃຈປານໃດ,ແຕ່ທ່ານລຽງຈື້ມິນພັດເຫັນວ່າ,ພາຍຫລັງງານແຂ່ງຂັນບານເຕະຄັ້ງນີ້ແລ້ວ, ທ່ານຍ່ອມຈະມັກກິລາເຕະບານໄດ້.ທ່ານເວົ້າວ່າ:
1 2 3
|
|
|
