|
|
 |
| (GMT+08:00)
2006-07-14 09:27:10
|
 |
|
ຜູ້ເດີນແບບຂອງຈີນ
cri
Author: MO
ເວລາເຫຼື້ອມຕາທີ່ສຸດຢູ່ເທິງແທ່ນຂອງຜູ້ເດີນແບບ, ແມ່ນຕ້ອງການພວກເຂົາເຈົ້າເຫື່ອໄຫຼໄຄຍ້ອຍຢ່າງລຳບາກ. ນາງຈ່າງອີງຊ້ຽນເວົ້າວ່າ, ທຳມະດາແລ້ວ, ພວກເຂົາເຈົ້າຕ້ອງຟຶກແອບຫຼາຍຢ່າງ, ພຽງແຕ່ການແອບຢືນ, ກໍຕ້ອງເຮັດເຖິງຂັ້ນສົ້ນຕີນ ສັນຫຼັງແລະງ່ອນຫົວແນບໃສ່ຝາໝົດ, ຢືນຊື່ກົງຢ່າງໜ້ອຍເຄິ່ງຊົ່ວໂມງ. ແອບຢືນແລ້ວໆເທື່ອໃດ ລ້ວນແຕ່ເຈັບແອວເຈັບຫຼັງ, ເອື້ອຍນ້ອງທັງຫຼາຍເວົ້າວ່າລຳບາກຫຼາຍ.
ແຕ່ນາງຈ່າງອີງຊ້ຽນເຫັນວ່າ, ເພື່ອອຸດົມການຂອງຕົນ, ແມ່ນຕ້ອງອົດທົນຕໍ່ຄວາມລຳບາກ. ນາງເວົ້າວ່າ:
"ດຽວນີ້ຮູ້ສຶກວ່າ ເຮັດແນວນັ້ນເປັນຕາເຮັດ, ຍ້ອນວ່າຄວາມລຳບາກໃນເມື່ອກ່ອນບໍ່ໄດ້ເສຍລ້າໆ, ເພື່ອສາມາດສະແດງຕົນເອງຢູ່ເທິງເວທີ."
ໃນນາຍແບບທີ່ເຈົ້າຊູ້ນັ້ນ, ທ້າວວາງຮຸ່ຍ ອາຍຸ 28 ປີນັບໄດ້ວ່າແມ່ນນາຍແບບຊັ້ນນຳ. ນອກຈາກແຟຊັນແລ້ວ, ເພິ່ນຍັງໄດ້ເຂົ້າຮ່ວມງານປະກາດຜະລິດຕະພັນຫຼາຍຢ່າງ, ເຊັ່ນເພັດນິນຈີນດາ, ຄອມພິວເຕີມືຖື, ໂມງນາລິກາ, ລົດຍົນ, ແລະໂທລະສັບມືຖືເປັນຕົ້ນ. ຊ່າງອອກແບບທັງຫຼາຍເວົ້າວ່າ, ຢູ່ເທິງແທ່ນເດີນແບບ, ການສະແດງຂອງທ້າວວາງຮຸ່ຍຂ້ອນຂ້າງສຸກງອມ, ເພິ່ນສາມາດສະແດງເນື້ອໃນສະໄໝນິຍົມຂອງຜະລິດຕະພັນໃຫ້ດີດ້ວຍກິລິຍາທ່າທາງຂອງຕົນ.
ທ້າວວາງຮຸ່ຍບອກນັກຂ່າວວ່າ, ມີປີໜຶ່ງ, ໃນການໂຄສະນາໂທລະພາບທີ່ຖ່າຍຢູ່ພູຊ່ຽງຊ່ານຂອງປັກກິ່ງ, ລາວໄດ້ສະແດງເປັນນັກກິລາແລ່ນມາລາທອນ. ໃນອາກາດທີ່ອຸມຫະພູມລົບສູນສິບກວ່າອົງສາ, ລາວນຸ່ງແຕ່ເສື້ອກ້າມແລະສົ້ງຂາສັ້ນແລ່ນຢູ່ຕາມພູຊ່ຽງຊ່ານສອງມື້. ນີ້ເຮັດໃຫ້ທ້າວວາງຮຸ່ຍຈື່ບໍ່ລືມຈັກເທື່ອ. ລາວເວົ້າວ່າ,
"ຕອນຫາກໍແລ່ນຍັງໄຄແດ່, ແຕ່ເວລາດົນແລ້ວກໍທົນຍາກ. ຜູ້ສະແດງເປັນມວນຊົນມີເປັນຮ້ອຍເປັນພັນຄົນ, ພວກເຂົາເຈົ້ານຸ່ງເສື້ອນວມຍັງຮູ້ສຶກໜາວ, ແຕ່ຂ້ອຍນຸ່ງແຕ່ເສື້ອກ້າມ. ຕອນຄ່ຳກັບມາ, ຮອດເດິກແລ້ວຍັງຮູ້ສຶກໜາວ, ຄວາມໜາວຊືມເຂົ້າໃນຮ່າງກາຍແລ້ວ."
ເຖິງວ່າບາງເທື່ອເຮັດວຽກລຳບາກຫຼາຍ, ແຕ່ເວລາທີ່ເຮັດໃຫ້ຜູ້ເດີນແບບຮູ້ສຶກດີອົກດີໃຈນັ້ນຍັງຫຼາຍຢູ່. ເງິນເດືອນຂອງຜູ້ເດີນແບບຂອງຈີນຂ້ອນຂ້າງສູງ, ທຳມະດາແລ້ວ, ເດືອນໜຶ່ງກໍມີປະມານ 1 ໝື່ນຢວນ, ໃນເວລາຫວ່າງ, ຜູ້ເດີນແບບທັງຫຼາຍມັກກິນເຂົ້າຊຸມກັນ, ຮ້ອງເພງກາລາໂອເກະ, ໄວໜຸ່ມຫຼິ້ນນຳກັນມ່ວນຫຼາຍ.
1 2 3
|
|
|
